য়ুনিয়ন মিনিস্তর স্তেত (ইন্দিপেনদেন্ত চার্জ) দিবলবমেন্ত ওব নোর্থ ইস্তর্ন রিজন (দোনর), এম.ও.এস. পি.এম.ও., পর্সোনেল, পব্লিক গ্রিবেন্স, পেন্সনস, এতোমিক ইনর্জি অমসুং স্পেস, দাঃ জিতেন্দ্র সিংহনা ঙসি অসমগী মুখ্য মন্ত্রী, শ্রী সর্বান্দ সোনাৱালগা তেলেফোন্দা ৱারী শান্নখ্রে অমসুং নোংজাওনা, ঈশিং ইচাও অমসুং চীং নিংখাইবদগী শোকহল্লবশিংবু শেমজিনবা অমসুং হান্নগী ফিভমদা হঞ্জিন্নবা দোনর মিনিস্ত্রীদগী পাংবা য়াবা মতেং পাংলগনি হায়খ্রে।

মখা তারকপদা, দাঃ জিতেন্দ্র সিংহনা হায়খি মদুদি দোনর, নোর্থ ইস্তর্ন কাউন্সিল(এন.ই.সি.)না, মিনিস্ত্রী ওব দিবলবমেন্ত ওব নোর্থ ইস্তর্ন রিজন (দোনর)গী মখাদা ঈশিং ইচাও অমসুং লেপ্পা লৈতনা চুবা নোংনা শোকহল্লবশিংবু শেমজিনবা অমসুং হান্নগী ফিভমদা হঞ্জিন্নবা পাংবা য়াবা মতেং পাংলগনি হায়খ্রে।  

লোয়ননা, দাঃ জিতেন্দ্র সিংহনা হায়খি মদুদি মিনিস্ত্রী ওব দিবলবমেন্ত ওব নোর্থ ইস্তর্ন রিজন্না শেল-থুমগী ওইবা অমসুং অতোপ অতোপ্পা এজেন্সিশিং অমসুং সরকারগী মায়কৈদগীসু মতেং পাংলগনি। মহাক্না হায়, নোর্থ ইস্তকী প্রজাশিংবু নুঙাই য়াইফনা থম্বা অমসুং মখোয়গীদমক খনবা হায়বসি মোদী সরকারগী     

মিনিস্ত্র ওব দিবলবমেন্ত ওব নোর্থ ইস্তর্ন রিজন্না অমুকসু খংহল্লী মদুদি সেন্ত্রেল গবর্নমেন্তনা লেপ্পা লৈতনা অসম, অরুনাচল প্রদেশ অমসুং অতোপ্পা নোর্থ ইস্তকি ঈশিং-ইচাওগীনা শোকহল্লবা মফমশিংবু য়েংশিন্দুনা লৈরি। মহাক্না হায় প্রধান মন্ত্রী শ্রী নরেন্দ্র মোদীনা মশামক য়াওনা তৎতনা পাউ লৌরি।  

দোনরগী  মিনিস্তর অমা ওইনা, দাঃ জিতেন্দ্র সিংহনা হায়খি মদুদি, মহাক্না মরী লৈনবা চীফ মিনিস্তর অমসুং স্তেত

গবর্নমেন্তশিংগা তোইনা পাউ ফাউনরি।

দোনরগী মিনিস্তরনা খংহল্লী মদুদি হন্দক্কী চহী অসিদা অসমদা ঈশিং ইচাওনা দিস্ত্রীক্ত ৩০দা মীওই লাখ ৫৬ হেনবা অৱাবা নংহল্লী অমসুং মীওই ১২০গী মথক্তা শিখ্রে। মহাক্না হায়, হন্দক্কী চহী অসিদা ঈশিং ইচাওগী চৈথেং অহুমলক ফংদুনা অমাং অতা কয়া থোকখ্রে অমসুং সধারন ওইবা পুন্সিদা অকাইবা পিদুনা অসম স্তেত অসিদা কোভিদ-১৯ লায়চৎকা লোয়ননা অনি থোক্না মায়োক্নরি। ঈশিং ইচাও অসিনা মীওইবগী পুন্সি অমসুং অতাংবা লমলক্কী শাসিং, হায়না মহাক্না হায়খি। 

দাঃ জিতেন্দ্র সিংহ হায় মদুদি ঙাকথোকপা অমসুং লৈহনবা অসি মপুং ফানা তৌরি। স্তেত অসিনা লম্লক্কী শাশিংবু ঙাক শেননবা কাজিরান্গা ৱাইললাইফ সান্চুরি য়াওনা শেমগৎলি হায়না মহাক্না হায়খি।
সেন্ত্রেল অমসুং স্তেত গবর্নমেন্ত পুন্না হোৎনদুনা মহৌশাগী ওইবা অমাং অতাদগী কন্নবা হোৎনগনি। য়ুনিয়ন হোম  মিনিস্ত্রীসু নুমিৎ খুদিংগী ওইনা য়েংসিল্লী, হায়না মহাক্না মখা শমথখি।

*****