సాధారణంగా 2019 నోవెల్ కరోనా వైరస్ అని పిలువబడే సివియర్ అక్యూట్ రెస్పిరేటరీ సిండ్రోమ్ కరోనా వైరస్-2 (సార్స్ -కోవ్-2) మొట్టమొదటగా 2019 డిసెంబర్‌లో చైనాలోని ఊహాన్ లో గుర్తించబడింది.  ఈ వైరస్ ద్వారా సంక్రమించిన కోవిడ్-19 అనే వ్యాధి అపారమైన ప్రభావాన్ని చూపింది. 2020 జనవరి నాటికి, ప్రపంచ ఆరోగ్య సంస్థ దీనిని అంతర్జాతీయ ఆందోళన కలిగించే ప్రజారోగ్య అత్యవసర పరిస్థితి (పి.హెచ్.ఈ.ఐ.సి.) గా ప్రకటించింది.  వ్యాప్తి మరియు తీవ్రత యొక్క భయంకరమైన స్థాయిల గురించి తీవ్రంగా ఆందోళన చెందిన ప్రపంచ ఆరోగ్య సంస్థ 2020 మార్చి లో దీనిని ఒక మహమ్మారిగా ప్రకటించింది.

కోవిడ్-19కారణంగా ఎదుర్కొంటున్న ఆరోగ్య సంరక్షణ సవాళ్లను ఎదుర్కోవటానికి వ్యాధి నిర్ధారణ, చికిత్సా విధానం, ఔషధాలు మరియు టీకాల అభివృద్ధికి శాస్త్ర, సాంకేతిక మంత్రిత్వశాఖ కు చెందిన బయోటెక్నాలజీ విభాగం - Department of Biotechnology - (డిబిటి),  చురుకుగా కృషి చేస్తోంది.  ఈ వేగవంతమైన విధానంలో ‌లో పరిశోధన-ఆధారిత మరియు సాంకేతిక-ఆధారిత జోక్యాలను సులభతరం చేయడానికి డి.బి.టి. అనేక చర్యలు తీసుకుంది.  కోవిడ్-19 ను ఎదుర్కోవటానికి పరిశోధన మరియు అభివృద్ధి కార్యకలాపాలను ఉత్తేజపరిచేందుకు మరియు సులభతరం చేయడానికి ఒక ముఖ్యమైన ప్రయత్నంగా,  డి.బి.టి. ఈ క్రింది నోటిఫికేషన్ల రూపంలో రాపిడ్ రెస్పాన్స్ రెగ్యులేటరీ ఫ్రేమ్‌వర్క్‌లను రూపొందించింది:

*          టీకాలు, వ్యాధి నిర్ధారణ, రోగనిరోధక చర్యలు, మరియు చికిత్సా విధానం అభివృద్ధికి దరఖాస్తులను పరిశీలించి, వేగంగా సమీక్షించి, ఆమోదించదానికి 2020 మార్చి, 20వ తేదీన జారీ అయిన కోవిడ్-19 కోసం వేగవంతమైన ప్రతిస్పందన నియంత్రణ ఫ్రేమ్‌వర్క్.

http://dbtindia.gov.in/sites/default/files/om_covid19.pdf

*          పరిశోధన, అభివృద్ధి ప్రయోజనం కోసం సేకరించిన కోవిడ్-19 నమూనాలను నిర్వహించడానికి ప్రయోగశాల జీవ భద్రతపై 2020 ఏప్రిల్, 8వ తేదీన జారీ అయిన మధ్యంతర మార్గదర్శక పత్రం.

http://dbtindia.gov.in/sites/default/files/OM_Interim_Guidance_COVID.pdf

*          కోవిడ్-19 వ్యాక్సిన్ అభివృద్ధికి రాపిడ్ రెస్పాన్స్ రెగ్యులేటరీ ఫ్రేమ్‌వర్క్;  కోవిడ్-19 కోసం పునఃసంయోగ టీకా కోసం ప్రీ-క్లినికల్ టాక్సిసిటీ (పి.సి.టి) అధ్యయనాలు నిర్వహించడానికి దరఖాస్తు కోసం 2020 మే నెల 26వ తేదీన జారీ చేసిన చెక్ లిస్టు. 

http://dbtindia.gov.in/sites/default/files/Checklist_Recombinant%20Vaccine%20_COVID%2019.pdf

కోవిడ్-19 కు సంబంధించిన పరిశోధన మరియు అభివృద్ధిని వేగవంతం చేయడానికి, డి.బి.టి.లో పనిచేసే జన్యు మానిప్యులేషన్ పై సమీక్ష కమిటీ (ఆర్.‌సి.జి.ఎం), యుద్ధ ప్రాతిపదికన ఇప్పటివరకు వంద కంటే ఎక్కువ దరఖాస్తులను పరిశీలించి, పరిగణలోకి తీసుకుంది. కోవిడ్-19 నమూనాలు  / సార్స్-కోవ్-2 ఐసోలేట్లు / ప్రాసెస్ ఇంటర్మీడియట్స్‌ నమూనాల స్వీకరణ, దిగుమతి, ఎగుమతి, బదిలీ, కోవిడ్-19 రోగనిరోధకత, చికిత్సా, విశ్లేషణ వేదికల అభివృద్ధి,  పరిశోధనలు చేపట్టడం వంటి పలు అంశాలపై వివిధ సంస్థలు, విశ్వవిద్యాలయాలు, పరిశ్రమల నుండి వచ్చిన దరఖాస్తులు వీటిలో ఉన్నాయి. 

(మరింత సమాచారం కోసం : 

డి.బి.టి/బి.ఐ.ఆర్.ఏ.సి. సమాచార కేంద్రాన్ని సంప్రదించండి.  

· @DBTIndia @BIRAC_2012

www.dbtindia.gov.in www.birac.nic.in )

*****