ইন্দিয়ন রেলৱেজনা দিসেম্বর ২০২২ ফাওবগী মনুংদা ৱেগোন পুম্নমক আর.এফ.আই.দি. তেগ তৌননবা মিসন অমা চঙশিল্লি‍।

ইন্দিয়ন রেআলৱেজনা ৱেগোন খুদিংমক্তা রেদিও-ফ্রিক্বেন্সী আইদেন্তিফিকেসনন তেগ্স (আর.এফ.আই.দি.) পানশনবগী থৌওং অসি দিসেম্বর ২০২২ ফাওবগী মনুংদা লোইশিনগদৌরি‍। হায়রিবা তেগশিং অসি ৱেগোন খুদিংমক ত্রেক তৌবদা শীজিন্নগনি‍।

হৌজিক ফাওবদা আর.এফ.আই.দি. প্রোজেক্তকী মখাদা ৱেগোন ২৩০০০ কোনশিল্লে‍। থবক অসি কোবিদ-১৯ লাইচৎনা মরম ওইরগা মতম খরা তপথরুরবসু প্রোজেক্ত অসি হৌজিকসু মখা চত্থরি অমদি খুমাঙ চাওশিল্লি‍। ইন্দিয়ন রেলৱেজগী ৱেগোন পুম্নমক্তা আর.এফ.আই.দি. পানশিনবগী অরোয়বা মতম লৈঙাক্না দিসেম্বর ২০২২ ফাওবদা থাখ্রে‍।

হৌজিক্কী ওইনা সন্দিয়ন রেলৱেজনা অসিগুম্বা দেতাশিং অসি মেনুএল ওইনা মেন্তেন তৌবা মরম্না শোয়বা য়াবগী মফম অদুম্মক লৈরি‍। আর.এফ.আই.দি. খুৎলায় শীজিন্নবনা রেলৱেজবু ৱেগোন, লোকোমোতিব অমদুং দব্বা খুদিংমক্কী চপ চাবা মফম ইরায় লায়না খঙবা ঙমহনগনি‍।

আর.এফ.আই.দি. তেগশিং অসিনা অচেনবা গারীশিংদা পানশিনগনি অদু গা ত্রেকসাইদ রীদরশিংনা স্তেসনশিংদা অমদি তালীগী মরুওইবা মফমশিংদা পান্দুনা তেগশিং অদু মিতর অনীগী অরাপ্পদগী পাদুনা সেন্ত্রেল কম্প্যুতর অমদা নেতৱর্ক অমগী খুত্থাঙদা ৱেগোনগী আইদেন্তিতী থারক্কনি‍। মতৌ অসুম্না অচেনবা ৱেগোন পুম্নমক মশক খঙদোকপা ঙমগনি অমদি মখোয়না চৎলিবা লম্বী ত্রেক তৌবা ঙমগনি‍।

আর.এফ.আই.দি. শীজিন্নবা হৌদোকপগা লোয়ননা ৱেগোন, লেকোমোতিব অমসুং দব্বাশিং ৱাৎপগী ৱাফম অরোন অথুপ লৈতনা অমদি থুনা লোইশিনবা ঙম্লগনি হায়না থাজরি‍।

*****