সাইন্স অমসুং তেক্নোলোজী বিভাগনা ভারত-রুসিয়া জোইন্ত তেক্নোলোজী এসেস্মেন্ত অমসুং এক্সেলেরেতেদ কম্মর্সিএলাইজেসন প্রোগ্রাম অমা ফেদরেসন ওব ইন্দিয়ন চেম্বর্স ওব কম্মর্স অমসুং ইন্দস্ত্রী (এফ.আই.সি.সি.আই.) অমসুং রুসিয়ান ফেদরেসনগী ফাউন্দেসন ফোর এসিস্তেন্স তু স্মোল ইন্নোবেতিব ইন্তর্প্রাইজেস (এফ.এ.এস.আই.ই.) খুৎশম্নদুনা হৌদোকখ্রে। প্রোগ্রাম অসিনা ভারত অমসুং রুসিয়াগী সাইন্স অমসুং তেক্নোলোজী (এস. এন্দ তি.)না লুচিংবা তেক্নোলোজী চাউখৎনবগীদমক অমসুং লৈবাক অনীগী ওইবা তেক্নোলোজী শাগৎনবগীদমক এস.এম.ই.শিং অমসুং স্তার্ত অপশিংবু শম্নহল্লগনি।

জুলাই ২৩, ২০২০দা হৌদোকপগী থৌরমদা ৱা ঙাংলদুনা প্রোফেসর অশুতোশ শর্ম, সেক্ত্রেতরী দিপার্তমেন্ত ওব সাইন্স এন্দ তেক্নোলোজী, ভারত সরকারনা হায়খি, ভারত অমসুং রুসিয়া অনীগী মরক্তা মতম কুইরবগী মমাংদগী সাইন্তিফিক্কী ওইবা মতেং পীনরক্লি। ভারত-রুসিয়া জোইন্ত তেক্নোলোজী এসেস্মন্ত এন্দ এক্সেলেরেতেদ কম্মর্সিএলাইজেসন প্রোগ্রাম হৌদোকপসি সাইন্স, তেক্নোলোজী অমসুং ইনোবেসন্দা লৈবাক অনীগী মরক্তা লৈনরিবা মরী অসি চেৎশিনহল্লগনি। মসিগী খোংথাং অসি য়াম্না মতম চারে অমসুং মসিদা ঐখোয়না অপুনবা ইন্তেলেকচুএল অমসুং ফাইনান্সিএল রিসোর্সেসশিং থাদদুনা তুংদা লাক্কদবা সমশ্যাশিং কোকহনবা য়াবা তেক্নোলোজীশিং শেমগৎপা য়ারগনি। মহাক্না প্রোগ্রাম অসিবু চাউনা মায় পাকপা ওইরসনু হায়না থমখি।

শ্রী দি.বি. ভেঙ্কতেশ ভর্ম, রুসিয়ান ফেদরেসন্দা লৈবা ভারতকী এম্বাসেদোরনা হায়খি, "মালেমগী খ্বাইদগী চাউবা স্তার্ত অপ ইকোসিস্তেম অদু ভারত্তা লৈ, লৈরিবা য়ুনিকোর্ন মশীং অসিনা লৈবাক অসিদা লৈরিবা মতীক লৈরবা হৈ শিংবশিং উৎলি। এস.এন্দ তি.না লুচিংবা ইনোবেসন অমসুং ওন্ত্রপ্রিনরশিপশিং অসি লৈবাক অনী অসিগী মাংজৌননা পায়খৎকদবা থবকশিংনি অমসুং মসিনা প্রসিদেন্ত পুতিনগী চহী অসিগী ভারত খোংচৎকী মরুওইবা এজেন্দা অমা ওইরগনি। লৈবাক অনী অসিগী মরক্তা মমাংঙৈদগী হৌনা সাইন্তিফিক্কী ওইবা হীরমদা মতেং পাংনরকপগী পুৱারী লৈরি, অমসুং মসিগী খোংথাং অসিগা লোইননা ঐখোয়না কম্মর্সিএলাইজেসন্দা মথংগী খোংথাং অমা কান্থোক্লে।"

শ্রী সরজি পোলিয়াকোব, জেনরেল দিরেক্তর, ফাউন্দেসন ফোর এসিস্তেন্স তু স্মোল ইনোবেতিব ইন্তর্প্রাইজেস (এফ.এ.এস.আই.ই.), রুসিয়ানা হায়খি, ভারত-রুসিয়া জোইন্ত তেক্নোলোজী এসেমেন্ত এন্দ এক্সেলেরেতেদ কম্মর্সিএলাইজেসন প্রোগ্রাম হৌদোকপদা ঐখোয়না য়াম্না নুংঙাইবা ফাওই। সাইন্স, তেক্নোলোজী, ইন্নোবেসন অমসুং ওন্ত্রপ্রিনর্শিপ ইকোসিস্তেমদা ভারতকী লৈরিবা হৈশিংবশিং ঐখোয়না খঙই অমসুং মসিগী প্রোগ্রাম অসিদা ভারতকা খুৎশম্নদুনা চৎপদা নুংঙাইবা ফাওই। ঐখোয়না থাজৈ মদুদি প্রোগ্রাম অসিগী মখাদা ইন্নোবেসন অমসুং তেক্নোলোজীনা ঐখোয়দা অনৌবা মহৌশা অমা লাক্কদৌরিবা অসিদা থেংনবা খুদোংচাদবশিং কোকহনবা ঙম্লগনি।

শ্রী দিলিপ চেনোই, সেক্রেতরী- জেনরেল এফ.আই.সি.সি.আই.না হায়খি, "ভারত-রুসিয়া জোইন্ত তেক্নোলোজী এসেমেন্ত এন্দ এক্সেলেরেতেদ কম্মর্সিএলাইজেসন প্রোগ্রাম ঙসি হৌদোকপসিনা লৈবাক অনীসিনা সাইন্স অমসুং তেক্নোলোজীদা মতেং পীননবগী ফিরেপতা হেন্না মপাঙ্গল কনখৎহনলগনি। মসিগী খোংথাং অসিনা ভারত-রুসিয়াগী ওইবা সাইন্স এন্দ তেক্নোলোজীগী ওইবা এস.এন.ই. অমসুং স্তার্ত অপশিং পুন্না চৎমিন্নদুনা তেক্নোলোজীগী ওইবা সোলুসন অমা পুরক্নবগীদমক ইকোসিস্তেম অমা শেমগৎলগনি। ঐখোয়না মসিগী প্রোগ্রাম অসি হৌদোকপদা অসিগুম্বা পুন্না চৎমিন্নবসিনা লৈবাক অনীনা তুং কোইনা চৎনবা য়াবা শেন্মিৎলোন অমা শেমগৎমিন্নবদা মতেং ওইরগনি।"

শ্রী এস.কে. ভার্শ্নি, এদভাইজর অমসুং হেদ, ইন্তর্নেসনেল কোরপোরেসন দি.এস.তি.না হায়রি মদুদি লৈবাক অনী অসিনা চহী কয়াগী মমাংদগী হৌনা সাইন্স অমসুং ত্রেক্নোলোজীগী হীরমদা মতেং পাংনরক্তুনা নোলেজ পুথোকপদা, প্রোতো তাইপকী ওইবা চাউখৎপা অমসুং ইন্সতিত্যুসন শেমগৎহল্লক্লি। নোলেজবু প্রদক্ত অমা ওইনা ওন্থোকপগী তঙাইফদবা অমা লৈরমই অমসুং অসিগুম্বা প্রোগ্রামশিং অসিনা ভারত অমসুং রুসিয়াগী সাইন্তিফিক অমসুং প্রদক্সন হাউজ, রিসর্চর, ওন্ত্রপ্রিনরশিংবু সমাজদা থেংনরিবা শিংনবশিং লৈবা অনীখক্কী নত্তনা মালেমগী ওইবা মওংদা থেংননবা শম্নহল্লগনি।

মসিগী প্রোগ্রাম অসি চহী অনীগী সাইকলদা প্রোজেক্ত মঙা সাইকল অমমমদা শেল থাদদুনা চৎনগনি। প্রোজেক্তশিং অসি সাইন্স অমসুং তেক্নোলোজীদা য়ুম্ফম ওইবা মফমশিংদা থাদগনি, মসিদা আই.তি. এন্দ আই.সি.তি. (এ.আই., এ.আর. ভি.আর. য়াওনা) মেদিসিন অমসুং ফার্মাস্যুতিকেল, রিন্যুএবল ইনর্জী, এরোস্পেস, অলতর্নেতিব তেক্নোলোজীশিং, অকোইবা, অনৌবা পোৎশিং, বাইতেক্নোলোজী, রোবোতিক্স অমসুং দ্রোনশিং য়াওনা অসিতা নত্তনা থাদগনি। দি.এস.তি., এফ.আই.সি.সি.আই.গী মহুৎ শিন্দুনা ভারত্তা প্রোগ্রাম অসি হৌদোক্কনি।

চহী অনীগী মতম অসিদা, সাইন্স অমসুং তেক্নোলোজীগী বিভাগনা ভারতকী এস.এম.ই./স্তার্ত অপশিং অমসুং এফ.এ.এস.আই.ই.দা লুপা কোতি ১৫গী ফন্দ রুসিয়াগী প্রোজেক্ত অসিগা মান্ননা থাদগনি। মসিগী প্রোগ্রাম অসিনা অপুনবা ওইনা খনগৎলবা প্রোজেক্ততা স্তার্ত অপ/এস.এম.ই. অমনা ভারত্তগী অমসুং এস.এম.ই. অমনা রুসিয়াদগী শরুক য়াহন্দুনা পার্সিএল পব্লিক ওইনা পীগনি। খনগৎলবা প্রোজেক্ত অসি মখোয় মশাগী ফন্দনা নত্ত্রগ অতোপ্পা সোর্স্তগী ওইরবসু পার্সিএল ফন্দিং পুবা মথৌ তাই। শেলথুমগী মতেং অসিগী মথক্তা, কাংবু অসিনা কেপাসিতী বিলদিং, মেন্তর্শিপ অমসুং বিজিনেস চাউখৎনবা হোৎনবদা মতেং পাংগনি।

প্রোগ্রাম অসিনা কাংলুপ অনী থোক্না খাইদোক্তুনা এপ্লিকেসন কৌরি, হায়বদি জোইন্ত পার্তনর্শিপ প্রোজেক্ত অমসুং তেক্নোলোজী ত্রান্সফর/এদাপতেসন। অহানবা রাউন্দগী কোলগী ওইনা থাজিনবা য়াবগী অরোইবা মতম অসি সেপ্তেম্বর ৩০, ২০২০নি। মসিগীদমক কাইথোক্লা পোর্তেল অমা www.indiarussiainnovate.org হায়না শেমখ্রে।

**************