কেন্দ্রগী কেমিকেল অমসুং ফর্তিলাইজর মন্ত্রী শ্রী দি.ভি. সদানন্দ গৌদানা হায়খি মদুদি এন.দি.এ. সরকার অসিনা তোঙান-তোঙানবা খোংথাং কয়া লৌখত্তুনা মরু মরাং হুনবগী কুমদা লৌমীশিংদা হার ৱাত্তনা ফংহন্নবগীদক ফর্তিলাইজর সেক্তরদা মপাঙ্গল পীনবা হোৎনরি।

শ্রী গৌদানা হায়খি মদুদি ন্যু ইনভেস্তমেন্ত পোলিসী-২০১২কী প্রোবিজনশিং অমসুং ২০১৪দা শেমদোকখিবশিংগী মতুং ইন্না, চম্বাল ফর্তিলাইজর্স অমসুং কেমিকেল লিমিতেদ (সি.এফ.সি.এল.)না চহীদা য়ুরিয়া পুথোকপগী চাং মেত্রিক তন লাখ ১২.৭ ওইগদবা ব্রাউনফিল্দ প্রোজেক্ত অমা গদেপান, রাজস্থান্দা লিংখৎখ্রে। মফম অসিদা কম্মর্সিএল প্রদক্সন তৌবা জনুৱারী ১, ২০১৯দগী হৌখ্রে, মসিনা লৈবাক অসিদা ২০১৯-২০গী মনুংদা লমদম অসিদা পুথোকপা য়ুরিয়া মেত্রিক তন লাখ ২৪৪.৫৫ পুথোকখ্রে।

মহাক্না হায়খি মদুদি য়ুরিয়া পুথোকপদা মীপাল তাংদনবগীদমক সরকার অসিনা রামগুন্দম, তলচের, গোরাখপুর অমসুং সিন্দ্রিদা লৈবা এফ.সি.আই.এল.গী য়ুনিৎশিং অমসুং ঐচ.এফ.সি.এল.গী বরৌনিদা লৈবা লোনলুরবা য়ুনিৎ হাংদোক্তুনা হিংগৎহন্নবা হোৎনরি। হায়রিবসি খন্দোক্লবা পি.এস.য়ূ.শিংগী গ্যাস্তা য়ুম্ফম ওইবা চহীদা মেত্রিক তন মিল্লিয়ন ১.২৭ পুথোক্কদবা ফর্তিলাইজর প্লান্তকী জোইন্ত ভেঞ্চর অমনি। প্রোজেক্ত অসিগী অপুনবা ওইনা চাউখৎপগী চাং অমসুং কম্মিসন তৌবা য়াবশিং মখাদা পীরিঃ

কেন্দ্রগী মত্রীনা মখা তানা হায়খি মদুদি শেমদোক্লবা অনৌবা মমল লেপ্পগী স্কিম (এন.পি.এস-৩)গী মতুং ইন্না নপথাবু ফীদস্তোক ওইনা শীজিন্নরিবা য়ুনিৎ খুদিংমক নেচরেল গ্যাস ওন্থোক্কদবনি। মদ্রাস ফর্তিলাইজর লিমিতেদসু নপথা ফীদস্তোক্তগী নেচরেল গ্যাসপু ফীদস্তোক ওইনা শীজিন্নখ্রে। পাইপলাইনগী খুদোংচাবা ফংলবা মতুংদা মসিগী য়ুনিৎ অসিনা জুলাই ২৯, ২০১৯দগী নেচরেল গ্যাসপু ফীদস্তোক ওইনা শীজিন্নদুনা য়ুরিয়া পুথোকপা হৌখ্রে।

মন্ত্রীনা মসিমসু হায়খি মদুদি ফর্তিলাইজর অমসুং কেমিকেল ত্রাভাঙ্কোর লিমিতেদ (ফেক্ত)পু অনৌবা মওংদা হিংগৎহন্নবগীদমক লুপা কোতি ৯০০ থাদনবা অচৌবা ৱারেপ অমসু লৌরে।

*****