কেমিকেল্স অমসুং ফর্তিলাইজর মন্ত্রালয়

হিল (ইন্দিয়া)না খা অফ্রিকাদা মেলেরিয়া কন্ত্রোল প্রোগ্রামগী দি.দি.তি.গী এম.তি. ২০.৬০ সপ্লাই তৌখ্রে

Posted On: 21 JUL 2020 12:12PM by PIB Imphal

কেমিকেলস অমসুং ফর্তিলাইজর্স মন্ত্রালয়গী মখাদা লৈবা পি.এস.য়ু. অমা ওইরিবা হিল (ইন্দিয়া) লিমিতেদনা খা অফ্রিকাদা মখোয়গী মেলেরিয়া কন্ত্রোল প্রোগ্রামগীদমক ঙরাং দি.দি.তি. ৭৫% দবল্যু.পি.গী মেত্রিক তন ২০.৬০ সপ্লাই তৌখ্রে।

https://static.pib.gov.in/WriteReadData/userfiles/image/WhatsAppImage2020-07-21at12.10.18ME1A.jpeg

মালেমগী ওইনা হিল (ইন্দিয়া) অসি খক্তনা দি.দি.তি. শারি। কম্পনী অসি ইং ১৯৫৪দা ভারত সরকারগী হকশেল অমসুং য়াইফ য়ুম্বাল মন্ত্রালয়গী মেলেরিয়া কন্ত্রোল প্রোগ্রামগী দি.দি.তি. শাবা অমসুং সপ্লাই তৌনবা ইনকোর্পরেৎ তৌখি। ২০১৯-২০গী চহিদা লৈবাক অসিগী ৱাজ্য ২০দা পোত্থোক অসি সপ্লাই তৌখি। কম্পনী অসিনা অফ্রিকন লৈবাকশিংদসু পোত্থোক অসি পুথোক্লিবা।

খা অফ্রিকাগী হকশেল বিভাগনা দি.দি.তি. অসি মোজমবীক্কা থংনবা প্রোভিন্স অহুমদা শীজিন্নগনি। লমদম অসি মেলেরিয়ানা চাং য়াম্না শোকহনবগা লোয়ননা হৌখিবা চহিশিং অসিদা লায়না অসিনা নাহনবা অমসুং শীহনবগী মশিং খ্বাইদগী য়াম্না রিপোর্ত তৌরকখ্রে

মালেমগী ওইনা মেলরিবা অসিনা মীয়ামগী হকশেলগী ওইবা অচৌবা সমস্য আমা ওইরি। ২০১৮দা মালেম পুম্বগী ওইনা মেলেরিয়াগী কেস কোতি ২২৮রোম  রিপোর্ত তৌরকখি মসিদা অয়াম্বা মেলেরিয়াগী কেস অমসুং শীখিবা (৯৩%)দি অফ্রিকন লমদমদগী ওইখি। খা নোংপোক এসিয়াগী লমদমদা, ভারতমনা কেস অমসুং শীবগী মশিং খ্বাইদগী য়াম্লি। মী তাবা মফমশিং হায়বদি ইনদোর রেসিদ্যুএল স্প্রেয়িং (আই.আর.এস.)তা তিল হীদাকশিং কাপথোকপা অসিনা কাং লাকশিনবদা মপুং ফানা কন্নরবা খুৎলাই ওইরি। ৱার্ল্দ হেল্থ ওর্গনাইজেসন (দবল্যু.ঐচ.ও.)না দি.দিতি. অসি মেলেরিয়া থোকহনবা কাং হাৎপদা খ্বাইদগী কান্নবা আই.আর.এস. কেমিকেল অমনি হায়না খঙহনখ্রে অমসুং মসি খা অফ্রিকা, জিমবাৱে, জমবিয়া, নমিনিয়া, মোজমবীক অসিনচিংবা খা থংবা অফ্রিকাগী লৈবাকশিং অমসুং ভারত্তা পাক শন্না শীজিন্নরি। 

কম্পনী অসিনা মখা তানা চৎলিবা শেনবা চহি ২০২০-২১দা দি.দি.তি. ৭৫% দবল্যু.পি. অসি জিমবাৱে (এম.তি. ১২৮) অমসুং জমবিয়া (এম.তি. ১১৩) সপ্লাই তৌনবা থবক চত্থরি। হিল (ইন্দিয়া) লিমিতেদনা হন্দক্তা লোকস্ত কন্ত্রোল প্রোগ্রামগী সরকার অমনা সরকারগী অমগী তেংবাং পীবগী মখাদা ইরানদা মলাথিওন তেক্নিকেল ৯৫%গী এম.তি. ২৫ এক্সপোর্ত তৌখি অমসুং লেতিন অমেরিকাগী লমদমদা এগ্রোকেমিকেল-ফঞ্জাইসাইদ (এম.তি. ৩২) অসিসু এক্সপোর্ত তৌখি।

 

***

 



(Release ID: 1640165) Visitor Counter : 196