পাৱর মন্ত্রালয়

য়ুনিয়ন পাৱর মিনিস্তরনা ভারতকী অহানবা মীয়ামগী ই.ভি. চার্জিং প্লাজা হাংদোকখ্রে

ই.ই.এস.এল. অমসুং য়ু.এস. এইদ অনিনা পুন্না পায়খৎপা রেত্রোফিৎ ওফ এয়র-কন্দিসন্নিং তু ইমপ্রুব ইন্দোর এয়র ক্বালিতি ফোর সেফতি এন্দ ইফিসিয়েন্সি(রাইজ)সু মিনিস্তরনা হৌদোকখি

থবক অনি অসিনা ইনর্জী লিক্না শীজিন্ননবা, ই-মোবিলিতি হেনগৎহন্নবা অমসুং কা মনুংগী নুংশিৎকী ফিবম ফগৎহন্নবা মিৎয়েং থম্লি

Posted On: 20 JUL 2020 6:51PM by PIB Imphal

ইনর্জী লিক্না শীজিন্নবা অমসুং ই-মোবিলিতি হেনগৎহন্নবা পান্দমদা নিউ দিল্লিগী চেলমসফোর্দ ক্লবতা ভারতকী অহানবা মীয়ামগী ই.ভি(ইলেকত্রিক ভেহিকল) চার্জ তৌনবা প্লাজা অমা ঙসি পাৱর, নিউ অমসুং রিনিউএবল ইনর্জী মিনিস্তর আর.কে সিংহনা হৌদোকখ্রে। থৌরম অদুদা মিনিস্তরনা হায়খি ই.ভি প্লাজা অসি ভারত্তা ই-মোবিলিতি অসি খুদোংচানবা অনৌবা ওইনা পায়খৎপনি। অনৌবা অনৌবা থবকশিং অসিনা লৈবাক অসিদা ই-মোবিলিতিগী থবকশিং ফিবম ফগৎহল্লগনি। ঐনা ই.ই.এস.এল অমসুং এন.দি.এম.সি অনিমক থাগৎলি।

ই.ভিশিং লৈদুনা অমসুং পব্লিক চার্জিং স্তেসন(পি সি এস)শিং শেমগৎতুনা শেন তান্নবগী নামুনাশিং পুথোক্তুনা ভারত্তা ই.ভিগী থবক ফগৎহন্নবা ই.ই.এস.এল মাংজিল থানা হোৎনরি। নিউ দিল্লিদা লৈবাক অসিগী অহানবা মখলগী মীয়ামগী ই.ভি চার্জিং স্তেসন লিংখৎনবা ই.ই.এস.এলনা এন.দি.এম.সিগা লোয়ননা পুন্না থবক তৌমিন্নখি। মসিগী প্লাজা অসিদা তোঙান-তোঙানবা মখলগী ইলেকত্রিক গারি ৫ চার্জ তৌবা য়াগনি।

থৌরম অদুদা পৱারি মিনিস্ত্রিগী সেক্রেতরি সঞ্জিব নন্দান সহাইনা হায়খি মসিগী চার্জ তৌফম অসিদা মখল কয়াগী ইলেকত্রিক গারিশিং চার্জ তৌবা য়াগনি। মসিনা ইলেকত্রিক গারিশিং চার্জ তৌবগী অৱাবা লৈহল্লোই অমসুং কঞ্জুমরশিংদা খুদোংচাবা কয়া পীগনি অমসুং ই-মোবিলিতিগী থবকঅসি মীয়াম্না পাম্নহনগনি।

য়ুনিয়ন পাৱর মিনিস্তরনা হায়খি রাইজগী থবকশিংনা লৈবাক শীনবা থুংনা কা মনুংদা থবক শুবদা নুংশিৎ শেংদবগী খুদোংচাদবা থেংনরিবা অসি কোকহনবা ঙমগনি হায়না ঐনা থাজবা থম্লি অমসুং মসি মীয়াম হকচাং ফনা লৈনবা মাংজিল থাবা অনৌবা লম্বীনি। থবকশিং অসি মাইপাক্কনি হায়না ঐগী থাজবা থম্লি অমসুং মখোয়গী তুংগী থবকশিংদা য়াইফবা ওইনবা ই.ই.এস.এল অমসুং য়ু.এস এইদ অনিমক্তা ঐগী য়াইফ-পাউজেল পীজরি।

ভারত্তা নুংশিৎ শেংদবা অসি অরুবা ফিবম অমা ওইরে অমসুং কোবিদ-১৯ লাইচৎ লাকপা অসিদা মসি হেন্না মরুওইবা হেনগৎলক্লে। মীয়াম্না মখোয়গী ওফিসশিং অমসুং মীয়ামগী ওইবা মফমশিংদা অমুক হল্লকপা মতমদা কা মনুংগী নুংশিৎকী ফিবম ফগৎহনবা অসি তঙাইফদবনি।

ই.ই.এস.এলনা মসিগী ওফিসকী এয়র-কন্দিসন্নিং অমসুং ভেন্তিলেসনগী থবকশিং অমুক নৌনা শেমজিল্লে। মসি য়ু.এস এজেন্সি ফোর ইন্তরনেসনেল দিবলপমেন্তগা লোয়ননা কা মনুংদা নুংশিৎ ফনা থম্নবা পায়খৎপনি। স্কোপ কমপ্লেক্সতা লৈবা ই.ই.এস.এলগী কোরপোরেত ওফিসতা চাংয়েং ওইনা মসিগী থবক অসি পায়খৎলে। মসিনা কা মনুংগী নুংশিৎকী ফিবম ফগৎহনবা, অইং-অশা নুংঙাইনা থম্বা অমসুং ইনর্জী লিক্না শীজিন্ননবা চাংয়েং ওইনা থবক পায়খৎপনি।

ই.ই.এস.এলনা চাংয়েং  ওইনা পায়খৎলিবা প্রোজেক অসি অফবা ফল উবা ফংলে- অফবা নুংশিৎ ফংবা হেনগৎলকপগী চাং চাদা ৮০দা হেনগৎলে অমসুং মসি পায়খৎপদা অৱাবা অমা থেংনদে। কোবিদ-১৯ লাইচৎকী হৌজিক ওইরিবা ফিবম অসি য়েংলগা ইমপ্লোয়িশিংগী হকশেলগী ফিবম ফনা থম্নবা লৈবাক শীনবা থুংনা চৎনবা য়াগদবা পাম্বৈশিং পুথোক্নবা ই.ই.এস.এলনা থবক পায়খৎপনি।

পায়খৎলিবা থবক অনিমক অসিনা ই.ই.এস.এলগী মখাদা অকোয়বগী ফিবম কন্নবা অমসুং ইনর্জী য়াম্না চংদবা বিল্দিং শানবা অমসুং ৱাল্দ ইনভাইরোনমেন্ত দেগী “#iCommit” কেম্পনগী পান্দমশিং থবক ওইনা পাংথোক্নবা অমুক হন্না থাজবা পীখি।

***



(Release ID: 1640051) Visitor Counter : 5