ভারত সরকারগী ফুদ প্রোসেসিংগী কেন্দ্র মন্ত্রী অমদি মীহুৎ ওইরিবা শ্রীমতী হর্সিম্রত কৌর বাদলনা ভর্চুএল কনফরেন্সকী থোংদা ঙসি মিজোরামগী কোলাসিবতা জোরাম মেগা ফুদ পার্ক লিমিতেদ অসি ই-ইনোগ্রেৎ তৌখ্রে।  ফুদ পার্ক অসি লুপা কোতী ৭৫ চংনা অমদি একর ৫৫ পাক-শন্না শারিবা অসিনা লম অদুগী লৌমী ২৩,০০০দা হকথেংননা কান্নবা ফংহনগনি অমদি মীওই ৫,০০০দা থবক্কী খুদোংচাবা ফংহল্লগনি। ফুদ পার্ক অসি শঙ্গাবগী থম্লদুনা শ্রীমতী বাদলনা ফুদ পার্ক অসি মফম অদুদা অনৌবা অয়ুক অমা ওইনা শিংথারদুনা শ্রীমতী বাদলনা মসি প্রধান মন্ত্রী শ্রী নরেন্দ্র মোদীগী আত্মনির্ভর অমগী মংলান অদু মংফাওনবা অসিদা তুং-কোইনা চৎমিন্নগনি হায়না মহাক্না ফোংদোকখি।  হৌখিবা চহি তরুকসিদা অৱাং-নোংপোক লম পুম্নমক্তা মহাক্কী মন্ত্রালয়না লুপা কোতী ১০০০গী শেল চংনা মফম অসিগী লৌমী লাক্ষ ৩ মুক্তা হকথেংননা কান্নবা ফংহন্দুনা অমসুং নহারোল ৫০,০০০ দা থবক পীদুনা মিজোরামগী ৭ য়াওরগা প্রোজেক ৮৮ হৌদোকখ্রে। 

মহাক্না অথোইবা ওইনা হায়খিবশিং অদুদা ইকাইখুম্ননিংঙাই ওইবা মীথুংলেন ওইখিবা দিভেলপমেন্ত ওফ নোর্থ ইস্তর্ন রিজন(দোনর)গী রাজ্য কেন্দ্র মন্ত্রী(মনিংতম্বা ফম পুবা) দা. জিতেন্দ্রনা প্রধান মন্ত্রীনা হৌখিবা চহি তরুক্তগী অৱাং-নোংপোক লমদমশিং অসি চাওখৎহন্নবা খ্বাইদগী অথোইবা মীৎয়েং থম্বিদুনা মফম অসিদা মথৌ তাবশিং অমসুং থৱাই য়াওবশিং অসি কুপ্না য়েংশিনবিদুনা মফম অসিগী থবক তৌবগী মওং অসি হোংদোকখ্রে।  মোদী সরকারনা ২০১৪দা হেক লাকখিবগা প্রধান মন্ত্রীনা অৱাং-নোংপোক্কী লমশিং অসি লৈবাক অসিগী অতৈ চাওখৎপা লমশিংগুম চাওখৎহন্নবা হোৎনবা য়াবমখৈ কন্না হোৎনগনি হায়না ফোংদোকপা লৈখ্রে হায়না মহাক্না ফোংদোকখি।  প্রধান মন্ত্রী মশামক্না সিক্কীম অমসুং ত্রিপুরাগী মথংদা অহুমশুবা পৱর-সরপ্লস ওইহন্নবা দিসেম্বর ২০১৭দা মিজোরামদা মেগাৱাত্ত-৬০গী ত্রিরিএল হাইদ্রোপৱর প্রোজেক অমা কত্থোকখি হায়না দা. জিতেন্দ্রনা নিংশিংখি।   মোদী সরকারনা অৱাং-নোংপোক লমদম অসি অশেংবা মওংদা চাওখৎহন্নবগী ৱাখল্লোন, ৱাশক অমসুং থম্মোয় শেংনা হোৎনরিবা পুম্নমক অসি তশেংনা ময়েক শেংই অমসুং দোনর মন্ত্রালয়না প্রধান মন্ত্রীগী এজেন্দা অসি খুমাং চাওশিনবা মওংদা হোৎনরি হায়না মহাক্না ফোংদোকখি। অতৈ মফমশিংসু অৱাং-নোংপোক্কী পীক্লবা রাজ্যশিং অসিগী ইনাক খুনবা অমসুং মখল কয়াগী নাৎনা মওংদা পাংথোক্লিবশিং অসিদগী তমজনিংঙাই ওইবা কয়া অমগী মওং ওইনা নকশিনহনবগী মথৌ তাবা অমা লৈ হায়না মহাক্না ফোংদোকখি। 

জোরাম মেগা ফুদ পার্ক অসিগী শঙ্গাবা অসিদা হৌদোক্লদুনা মসিদগী মরক্কী মীনা খুৎ চংহন্দনা লম অসিগী লৌমীশিংগী শেন্মিৎলোন অসি শরুক অনি ওইহনবদা মতেং পাংলগনি  হায়না দা. জিতেন্দ্রনা ফোংদোকখি। মফম অসিগী প্রোসেসিং য়ুনীৎ অমত্তা লৈতবনা চাওরাক্না চাদা ৪০গী উহৈ-ৱাহৈশিং মাং-তাক্লিবা অসি পল্লদুনা মরাং কাইনা লৈরিবা অমসুং অফবা ক্বালিতীগী উহৈশিং অসি ভারতকী অচৌবা মেত্রোপোলিতান সহরশিংদা অশেংবা জ্যুইস পেকেৎকী মওংদা য়োনবা য়াগনি হায়না মহাক্না ফোংদোকখি। অৱাং-নোংপোক লমদম অসিগী মপুং-মরৈ ফারবা লৌউ-শিংউ অমসুং হোর্তিকলচরগী পোত্থোকশিং অসিনা মরম ওইদুনা মালেম অসিগী ওর্গানিক্কী ফংফম অমা ওইহনবা য়াই হায়না মহাক্না ফোংদোকখি। সিক্কীম অসি অহানবা ওর্গানিক রাজ্য অমনি হায়না লাওথোকখ্রে হায়না মহাক্না ফোংদোকখি।

দা. জিতেন্দ্রনা মিজোরাম অসিগী লাইরিক হৈবগী চাং অসি কেরলাগী মথংদা লৈবা অমত্তা ঙাইবা চাং ৱাংনা চাদা ৯৬রোম ওইবগীদমক অমসুং মঅপুনবা খুন্নাই অসিনা অমসুং লাইনিং-লিচৎকী লুপশিংনা পুন্না থবক তৌমিন্নদুনা ইন্সর্জেন্সি অমসুং দ্রগতা লাইচুবা লৈহন্দনা রাজ্য অসি থকশি-খাসি লৈবা অৱাংবা নাৎ অসিগীদমক থাগৎপা ফোংদোকখি। মহাক্না অহুমশুবা লোকদাউন ফাওবদা কোরোনা চংহন্দনা অদুম লৈরিবা অসিগীদমক থাগৎপা ফোংদোকখি। মতম অসিদা মাইগ্রেন্তশিং খরনা ওইরগা কেস খরা লৈরকখি। তমথিরবা কোবিদকী লায়চৎ অসি লোইখ্রবা মতুংদা অৱাং-নোংপোক লমগী পাক-চাওরবা মহৌশাগী ওইবা অমসুং মীওইবগী হৈথোই-শিংথোইবগী মফমশিংগা লোয়ননা ভারত অসি শেন্মিৎলোন য়াম্না লৈবা অমগী মওংদা থোরক্তুনা মাংজিল থানা থৌদাং লৌগনি।  

জোরাম মেগা ফুদ পার্ক অসি নেস্নেল হাইৱে ৫৪গী মনাক্তা লৈবনা চত্থোক-চৎশিনগী অপনবশিং লৈহন্দনা মফম অসিদা হৌরিবা অফবা মখলগী চিঞ্জাকশিং, মরু-মরাংশি, উহৈ-ৱাহৈশিং অমসুং এঞ্জাং-নাপীশিং তুংদুনা থম্বদা অমদি প্রোসেসিং মায় পাক্না পাংথোকপদা  মতেং ওইরগনি। 

মহাক্কী অথোইবা ৱাফমশিংদা, ফুদ প্রোসেসিংগী রাজ্য মন্ত্রীনা শ্রী রামেশ্বর তেলীনা শ্রী নরেন্দ্র মোদীগী সরকারগী হৌখিবা চহি তরুক অসিদা মেগা ফুদ পার্ত ৩৭ অয়াবা পীখ্রে অদুগা ১৮ অমনা হান্ননা থবক পাংথোকপা হৌখ্রে হায়না ফোংদোকখি।

মিজোরামগী কম্মর্স অমসুং ইন্দস্ত্রীগী দা. আর. লালথাঙলিয়ানা, পৱর মন্ত্রী আর. লাল জিরলিয়ানা অমসুং লোক সভাগী এম.পি. সি. লালরোসঙ্গা অমসুং চীঞ্জাক্কী মন্ত্রালয় অমসুং মিজোরাম সরকারগী মকোক থোংবা ওফিসিএলশিংনা পুন্না ই-ইনোগ্রেসনগী থৌরম অদু য়াওমিন্নখি।  

***