জোরম মেগা ফুদ পার্ক (এম.এফ.পি.)না মীওই ৫,০০০দা হকথেংননা অমসুং নাকোইননা থবক পীগদৌরি অমসুং মসিনা সি.পি.সি. (কোর প্রোসেসিং সেন্তর) অমসুং পি.পি.সি. (প্রাইমরী প্রোসেসিং সেন্তর) কেৎচমেন্ত এরিয়াশিংদা লৌমী ২৫,০০০দা কান্নবা ফংহল্লগনি হায়না এফ.পি.আই.গী কেন্দ্রগী মন্ত্রী হর্সিমরৎ কৌর বাদলনা ফোংদোকখ্রে। মিজোরমদা লৈবা জোরম মেগা ফুদ পার্ক ভর্চুএল ওইনা হৌদোকপগী থৌরমদুদা ৱা ঙাংলদুনা শ্রীমতি বাদলনা হায়খি মদুদি পার্ক অসিনা মফম অসিদা লৈবা ফুদ প্রোসেসিং য়ুনিৎ ৩০ মুক্তা লুপা কোতি ২৫০গী অহেনবা ইনভেস্তমেন্ত পীগনি অমসুং মসিনা চহী খুদিংগী ঐনা লুপা কোতি ৪৫০-৫০০ ফাওবগী তর্ন ওবর লাক্কনি। শ্রীমতি হর্সিমরৎ কৌর বাদলনা জোরম মেগা ফুদ পার্ক অসি হৌদোকখি অমসুং অৱাং নোংপোক লমদম চাউখৎ থৌরাংগী কেন্দ্রগী মন্ত্রী দা. জিতেন্দ্র সিংহ, মিজোরমগী চীফ সেক্রেতরী শ্রী লনুনমাৱিয়া চুৱাঙ্গো, মিজোরমগী কম্মর্স অমসুং ইন্দস্ত্রীগী মন্ত্রী দা. আর. লালথাংলিয়ানা, মিজোরমগী পি.এন্দ.ইগী মন্ত্রী শ্রী আর. লালজির্লিয়ানা, লোক সভাগী পার্লিয়মেন্তকী মেম্বর শ্রী সি. লালরোসঙ্গা, অমসুং শক্নাইরবা কয়াসু ভর্চুএল ওইবা থৌরমদুদা শরুক য়াখি।

ফুদ প্রোসেসিং ইন্দস্ত্রীগী কেন্দ্রগী মন্ত্রীনা হায়খি মদুদি নৌনা শেমগৎলিবা ফুদ প্রোসেসিংগী অনৌবা ইনফ্রাস্ত্রকচর অসিনা মিজোরমগী অমসুং মসিগী অকোইবদা লৈরিবা লৌমী, পোৎ থারিবাশিং, প্রোসেস তৌরিবশিং, অমসুং কঞ্জুমরশিংদা চাউনা কান্নবা পীরগনি অমসুং মিজোরমদা ফুদ প্রোসেসিং সেক্তর চাউখৎহনলগনি। মন্ত্রী অসিনা মেগা ফুদ পার্ক অসি মিজোরমদা ফুদ প্রোসেসিং সেক্তর চাউখৎনবগীদমক অয়াবা পীখিবনি। মিজোরমগী কোলাসিব জিল্লাদা লৈরিবা মেগা ফুদ পার্ক অসি এম/এস জোরম মেগা ফুদ পার্ক প্রাইবেৎ লিমিতেদনা প্রোমোৎ তৌবনি। হায়রিবসিনা মিজোরমদা ইহান হানবা মেগা ফুদ পার্ক ওইরগনি।

শ্রীমতি বাদলনা ফোংদোকখি মদুদি, হৌজিক ফাওবদা, এম.ও.এফ.পি.না শৌগৎপা প্রোজেক্ত ৮৮  অৱাং নোংপোক লমদমদা থাদখ্রে অমসুং ৪১না থবক ওইনা পায়খৎখ্রে। মহাক্না মখা তারদুনা হায়খি মদুদি লুপা কোতি ১০০০গী প্রোজেক্তসু সবসিদী সপ্পোর্ত ওইনা লুপা কোতি ৫২০ ফাওবা পীদুনা কাইথখ্রে। মহাক্না হায়খি, প্রোজেক্ত ৮৮ অসিনা মপুং ফারকপা মতমদা লুপা কোতি ২,১৬৬ রোমগী লৌউ শিংউগী পোত্থোক ওইগদবা মেত্রিক তন লাখ ৮.৬৬কী প্রোসেসিং অমসুং প্রিজর্বেসন কেপাসিতী পীরগনি।

শ্রীমতি বাদলনা হায়খি, সরকার অসিনা ভারত্তা ইন্তর্প্রাইজ অমা হৌদোকনিংবা ইনভেস্তরশিংদা অনানবা, মনুং মপান ফাওনা উবা, অমসুং য়াম্না লায়গদবা ফিবম অমা শাগৎনবা কন্না হোৎনরি অমসুং ভারতপু মপাঙ্গল লৈরবা চীঞ্জাক্কী শেন্মিৎলোন অমা শাগৎনবা হোৎনবদা অমসুং মালেমগী ওইবা ফুদ ফেক্তরী অমা শেমগৎবগীদমক, সরকার অসিনা ফুদ প্রোসেসিংবু 'মেক ইন ইন্দিয়া'গী শাফু অমা ওইনা শীজিন্নরি। মহাক্না হায়খি, প্রধান মন্ত্রী শ্রী নরেন্দ্র মোদীগী মঙম শানবা মীৎয়েং মখাদা ফুদ প্রোসেসিং ইন্দস্ত্রীগী মন্ত্রালয়না ফুদ প্রোসেসিং ইন্দস্ত্রীবু মপাঙ্গল পীশিন্দুনা লৌউ শিংউগী সেক্তরবুসু অমুক্তদা চাউখৎপা পুরক্নবা অমসুং লৌমীশিংগী শেন্মিৎলোন হান্নদগী শরুক অনী হেনগৎনবা অমসুং সরকারগী 'মেক ইন ইন্দিয়া' খোংথাং চাউখৎনবা হোৎনরি।

দোনরগী রাজ্যগী মন্ত্রী ওইরিবা দা. জিতেন্দ্র সিংহনা হায়খি মদুদি প্রধান মন্ত্রীনা মন্ত্রালয় খুদিংমক্তা অৱাং নোংপোক লমদম হেন্না চাউখৎনবগীদমক প্রোজেক্তশিং থাদনবা খঙহনখ্রে। মহাক্না হায়খি, এম.এফ.পি.কী খ্বাইদগী নৌবা ফেসিলিতীশিংনা মিজোরমদা ফুদ প্রোসেসিং ইনফ্রাস্ত্রকচর চাউখৎহনগনি।

এস.ঐচ. রমেস্বর তেলি, এফ.পি.আই.গী রাজ্যগী  মন্ত্রীনা হায়খি মদুদি মিজোরমগী সরকারনা এম.এফ.পি. লিংখৎনবা হোৎনবদা চাউনা মতেং পাংখি। মহাক্না মখা তারদুনা হায়খি মদুদি মসিগী এম.এফ.পি. অসিলম একর ৫৫.০০দা শন্দোক্না লৈরি অমসুং হায়রিবসি লুপা কোতি ৭৫.২০ চঙনা শাগৎখিবনি। শ্রী তেলিনা হায়খি মদুদি জোরম এম.এফ.পি. পীরিবা ফেসিলিতীশিং অসিনা চীঞ্জাক মাংহনবা হন্থহনবদা নত্তনা চীঞ্জাক্কী পোত্থোকশিংদা ভেল্যু হেনগৎহনবা ঙম্লগনি। মহাক্না মখা তানা হায়খি মদুদি মসিগী পার্ক অসিনা লৌমীশিংগী শেলথুম ফগৎহল্লগনি অমসুং লৌউ শিংউগী পোত্থোকশিং ফেয়র প্রাইস্তা পীবা ঙম্লগনি।

এম/এস জোরম মেগা ফুদ পার্ক প্রাইবেৎ লিমিতেদ অসি লুপা কোতি ৭৫.২০ চঙবা প্রোজেক্ত অমা ওইনা লম একর ৫৫.০০দা শাগৎপনি। মেগা ফুদ পার্ক অসিগী সেন্ত্রেল প্রোসেসিং সেন্তর (সি.পি.সি.)দা শেমগৎলিবশিংগী মনুংদা মেত্রিক তন ১০০০গী কোল্দ স্তোরেজ, মেত্রিক তন ৩০০০গী দ্রাই ৱেইয়র হাউজ, কেন্নিং য়াওরবা এসেপতিক পল্প লাইন, এসেপতিক অমসুং তেত্রা পার্কিং পুংদা মেত্রিক তন ২, রাইপনিং চেম্বর পুংদা মেত্রিক তন ৪০, মরু মরাং কংহন্নবা ফেসিলিতী পুংদা মেত্রিক তন ২, অনৌবা ইনফ্রাস্ত্রকচরশিং অসিগী মথক্তা ফুদ তেস্তিং লেবোরেতোরীশিং য়াওরি। পার্ক অসিদা ওফিসকী অমসুং অতোপ্পা ওন্ত্রপ্রিনরশিং অমসুং চম্ফাই, থিংফোল অমসুং থেংজোলদা লৈবা প্রাইমরি প্রোসেসিং সেন্তর ০৩না শীজিন্ননবা কম্মন এদমিনিস্ত্রেতিব বিল্দিং অমসু য়াওরি মসুং লৌমীশিংদা কান্ননবা কেৎচমেন্ত এরিয়াদা স্তোরেজ অমসুং প্রাইমরী প্রোসেসিংসু পীরি। মসিগী মেগা ফুদ পার্ক অসিনা মিজোরমগী কোলাসিব জিল্লা অমসুং মমিৎ অমসুং আইজোলগী মীয়ামদা অমসুং অসমগী কছারগী হাইলাকন্দিদা লৈবা মীয়ামদা কান্নবা পীগদৌরি।

মেগা ফুদ পার্ক স্কিম অসিগী মখাদা ভারত সরকারনা মেগা ফুদ পার্ক প্রজেক্ত অমদা লুপা কতি ৫০গী শেলগী তেংবাং পীরি। হৌজিক্কী ওইনা তোঙান-তোঙানবা রাজ্যশিংদা মেগা ফুদ পার্ক প্রোজেক্ত ১৮ লিংখৎলি অমসুং রজায়শিংদা মেগা ফুদ পার্ক ১৯ থবক পায়খৎপা হৌখ্রে। মখোয়গী মনুংদা ৬ অমনা অৱাং নোংপোক রাজ্যশিংদনি অমসুং মফম অসিদা লৈবা ২ অমনা অসম অমসুং মিজোরমদা শীজিন্নখ্রে। 

****