হকশেল অমসুং য়াইফ-য়ুম্বাল মন্ত্রালয়

দা. হর্শ বর্ধন্না দিল্লীগী এ.আই.আই.এম.এস.দা কোবিদ-১৯ প্লাজমা দোনেসন কেম্পেন হৌদোকখ্রে

কোবিদ-১৯দগী ঐখোয়না মায় পাক্নবা হোৎনবগী খোংচত্তা দোন্নর খুদিংমক মরুওই অমসুং ঐখোয়না অসিগুম্বা কোরোনা লান্মীশিং হেন্ন- হেন্না মথৌ তারি

Posted On: 19 JUL 2020 7:07PM by PIB Imphal

হকশেল অমসুং য়াইফ য়ুম্বাল মন্ত্রালয়গী কেন্দ্রগী মন্ত্রী দা. হর্শ বর্ধন্না প্লাজমা দোনেসন কেম্পেন অমা দিল্লীগী এ.আই.আই.এম.এস.তা ঙসি হৌদোকখ্রে। থৌরম অদু কোবিদতগী নাবা ফরবা পুলিস পার্সনেল ২৬না মখোয়গী ঈগী প্লাজমা দোনেৎ তৌবগা লোইননা দিল্লী পুলিস্কা লোইননা পাঙথোকমিন্নবনি।

লৌখৎলক্লিবা খোংথাং অসিগীদমক দিল্লী পুলিসপু থাগৎপা ফোংদোক্লদুনা মহাক্না হায়খি, "কোরোনানা মরম ওইদুনা দিল্লী পুলিস পার্সনেল ১২ লৈখিদবদু য়াম্না থমোই শোক্নিংঙাই ওইবা থৌদোক্নি। অসিগুম্বা মীশি মীনা অসি লৈদুনসু, মখোয়না শন্দোকপা লাকশিন্নবা হোৎনবদা মখোয়গী পার্সনেলশিং থাদোক্তুনা অচৌবা থৌদাং অমা লৌরি, মরকসিদা কন্তেন্মেন্ত জোনসু ২০০দগী ৬০০ ফাওবা লৈরে।"

দা. হর্শ বর্ধন্না হায়রিবা ভোলুন্তীয়রশিং অসিনা লৌরিবা থৌদাং অসিবু সার্তিফিকেৎ পীদুনা পুলিস কন্তেবল ২৬তা ইকাই খুম্নবা উৎখ্রে। মসিগী মনুংদা, শ্রী ওম প্রকাশনা অহুমশুবা ওইনা ঙসি মহাক্কী প্লাজমা দোনেৎ তৌখ্রে। কেন্দ্রগী মন্ত্রীনা হায়রি মদুদি হায়রিবা দোনেসনশিং অসিনা অতোপ্পা লৈবাক মচাশিংদা মখোয়গী প্লাজমা দোনেৎ তৌনবা পুক্নিং থৌগৎলগনি। ঐখোয়না কোবিদ মায়থীবা পীনবগী চঙশিল্লিবা খোংচৎ অসিদা দোনেৎ তৌরক্লিবা মী খুদিংমক মরুওই, অমসুং অসিগুম্বা প্লাজমা লান্মীশিংবু লাইচৎগী মতীক চাবা লাইয়েং নত্ত্রগা তিকা অমা পুথোক্ত্রিফাওবদি তঙাই ফদে হায়না মখা তাখি।

মহাক্না মসিগী খোংথাং অসিগী তৌবা ঙম্বশিং অমসুং সরকারগী অচেৎপা ফিরেপপু শিংথাখি। মহাক্না হায়খি, "হৌজিকফাওবগী ওইনদি, কনভালেসেন্ত প্লাজমা থেরাপী অসি পুংজা খুদিং ফংহন্নবা হোৎনরদুনা শেমগৎলিবা প্লাজমা বেঙ্কশিংদা শীজিন্ননবা অয়াবা পিরে। ভারত অসি কোবিদ-১৯ অনাবা খ্বাইদগী চাং ৱাংনা ফবা লৈবাক ওইদুনসু, প্লাজমা দোনেসন্দি হৌজিকসু মশীং হেনগৎহনবা মথৌ তারি। নই দিল্লীগী এ.আই.আই.এম.এস.না দিল্লী পুলিস কোরোনা ৱারিয়রশিংগা লোইননা প্লাজমা দোনেসন কেম্পেন অমা পাঙথোক্লিবসিগীদা ঐহাক হরাউবা পোকই।"

দিল্লী পুলিসনা পল্স পোলিও কেম্পেন, ১৯৯৪ মায় পাক্নবা হোৎনবদা লৌখিবা থৌদাংবু নিংশিংলদুনা দা. হর্শ বর্ধন্না হায়খি মদুদি পুলিস কন্সতেবল লিশিং তরানা অভিয়ান্দা শরুক য়াদুনা অচৌবা এৱেইয়রনেস অমা পীখি। ১০০ হায়বা ফোন নম্বর অসি থৌরাং অসিগীদমক শীজিন্নখি হায়না মহাক্না নিংশিংখি।

কোবিদ-১৯ অনাবা অমগী প্লাজমাদা নোভেল সার্স-কোব-২ ভাইরস্কী প্রোতেক্তিব এন্তিবোদী য়াওরি। মসিনা কোবিদ-১৯ অনাবশিংদা কাপশিনবা মতমদা ইম্ম্যুনিতী ৱাংখৎহল্লি। মসিদগী ফংলিবা কান্নবসি উরদুনা প্লাজমা থেরাপী অসি মমাংঙৈগী লাইয়েং চত্থবদা কান্নবা ফংদ্রবা অনাবশিংদা চত্থরি। কোবিদ-১৯দগী নাবা ফরবা মী অমহেক্তনা অমসুং লাইয়েং চত্থবা লোইখিবগা নত্ত্রগা হোম আইসোলেসনগী নুমিৎ ২৮ নি শুরকপাদা, চহী ১৮দগীনা ৬০ ফাওবদা লৈবা কিল্লো ৫০দগী হেন্না লুপা মীওই অমনা প্লাজমা দোনেৎ তৌবা য়াই। ব্লদ বেঙ্কশিংনা মখোয়গী ব্লদ দোনেৎ তৌবা য়াদবদু য়েংগনি অমসুং কোবিদ-১৯ প্রোতেক্তিব ইন্তিবোদী লেবেল অদু মখোয়গী ঈদা দোনেৎ তৌদ্রিঙৈদা য়েংগনি। সর্ভাইবর অমগী ঈদা অসিগুম্বা এন্তিবোদী অসি চাং ৱাংনা য়াওই অমসুং অনাবা মীওই অমদা থাবা মতমদা মসিগী এন্তিবোদীশিং অসি ঈদা চেন্দুনা লৈগনি, তিস্যুশিংদা চঙদুনা ভাইরস অসিবু ন্যুত্রেলাইজ তৌগনি। দোনেসন তৌবগী থৌওং অসি পুং অমদগীনা অহুম ফাওবদা লোইগনি অমসুং প্লাজমা অসি নুমিত্তুমক্তদা অদুমক লৌবা য়াগনি।

***



(Release ID: 1639854) Visitor Counter : 95