সেন্ত্রেল বোর্দ ওফ দাইরেক্ত তেক্স (সি.বি.দি.তি.)না কোবিদ-১৯ লায়চৎকী মনুংদা ক্রোর লুঃ ৭১,২২৯ অমা পন্থবা লৈতনা ২০২০গী জুলাইগী ১১ ফাওবদা লৈরিবা  লাখ ২১.২৪ হেনবা কেস হন্দোক্তুনা, ২০২০গী এপ্রিল ৮দা সরকারনা লেপখিবা ৱারেপ মতুং ইন্না পন্দুনা লৈরিবা ইনকম তেক্স হন্দোকহনখ্রে।   

কোবিদ-১৯ লায়চৎকী মনুংদা ক্রোর লুঃ ২৪,৬০৩ ইনকম তেক্সনা, ইনকম থিরিবশিংদা কেস ১৯.৭৯দা হন্দোকহনখ্রে অমসুং কোর্পোরেত তেক্সনা ক্রোর লুঃ ৪৬,৬২৬ ইনকম থিরিবশিংদা কেস ১৯.৭৯দা হন্দোকহনখ্রে 

গবর্নমেন্তনা তেক্স থিরিবশিংবু তেক্স থিবগা মরী লৈনবা থবকশিংদা চয়েৎনবা অমত্তা লৈতনা লুম্না লৌই অমসুং    কোবিদ-১৯ লায়চৎকী মনুংদা তেক্স থিরিবশিংনা মখোয়গী তেক্স  অদু থুনা হন্দোক্নবা ঙাইদুনা লৈরি হায়বা খঙই।  

মখা তারকপদা তেক্স দিমান্দশিং হন্দোকপদা মরী লৈনবশিং থুনা পায়খৎপা অদুগা ২০২০গী ওগস্তকী ৩১ ফাওবদা লোয়শিন্নবা হোৎনবা। অদুগা শেমদোক্নবগী এপ্লিকেসন পুম্নমক অমসুং ৱাকৎপগী ওর্দরস পিশিনবা পুম্বা আই.তি.বি.এ.দা অপলোদ তৌগদবনি। থবক পুম্বা হায়বদি শেম্দোক-শেম্জিন তৌবা ৱাকৎপা আই.তি.বি.এ.না তৌহনগনি।  

মসিনা অমুক হন্না হায়রি মদুদি, তেক্স থিরিবশিংনা মখোয়গী তেক্স  অদু থুনা হন্দোক্নবা মখোয়না আই.তি. দিপার্তমেন্তকী ই-মেলশিং খুদক্তা হনগদবনি। তেক্স থিরিবশিংনা মখোয়গী ই-মেল অদু থুনা হনবনা আই.তি. দিপার্তমেন্তনা মতম চানা থবক পায়খৎপা ঙম্মী।  তেক্স থিরিবশিংনা শেমদোক্নবগী এপ্লিকেসন পুম্নমক অমসুং ৱাকৎপগী ওর্দরস পীশিনবা পুম্বা ইলেক্ত্রোনিক্সকী খুত্থাংদা তৌই। মসিনা মতম য়াম্না চংহন্দে। তেক্স হন্দোকপা পুম্বা তেক্স থিরিবশিংগী বেঙ্ক একাউন্দা ওনলাইনগী খুত্থাংদা য়ৌহল্লী।  

***