ਕੇਂਦਰੀ ਟੂਰਿਜ਼ਮ ਅਤੇ ਸੱਭਿਆਚਾਰ ਰਾਜ ਮੰਤਰੀ  (ਸੁਤੰਤਰ ਚਾਰਜ)  ਸ਼੍ਰੀ ਪ੍ਰਹਲਾਦ ਸਿੰਘ  ਪਟੇਲ ਨੇ ਭਾਰਤ ਨੂੰ ਭਗਵਾਨ ਬੁੱਧ ਦੀ ਭੂਮੀ ਦੱਸਦੇ ਹੋਏ ਕਿਹਾ ਹੈ ਕਿ ਟੂਰਿਜ਼ਮ ਮੰਤਰਾਲੇ  ਨੇ ਦੇਸ਼ ਵਿੱਚ ਬੋਧੀ ਸਥਲਾਂ ਦੇ ਵਿਕਾਸ ਅਤੇ ਪ੍ਰਮੋਸ਼ਨ ਲਈ ਕਈ ਪਹਿਲਾਂ ਕੀਤੀਆਂ ਹਨ।  ਸ਼੍ਰੀ ਪਟੇਲ “ਐਸੋਸੀਏਸ਼ਨ ਆਵ੍ ਬੁੱਧੀਸਟ ਟੂਰ ਅਪਰੇਟਰਸ” ਦੁਆਰਾ  ਕ੍ਰੌਸ ਬਾਰਡਰ ਟੂਰਿਜ਼ਮ ਬਾਰੇ ਆਯੋਜਿਤ ਵੈਬੀਨਾਰ  ਦੇ ਉਦਘਾਟਨ ਦੇ ਅਵਸਰ ‘ਤੇ ਬੋਲ ਰਹੇ ਸਨ।  ਇਹ ਵੈਬੀਨਾਰ 15 ਜੁਲਾਈ 2020 ਨੂੰ ਆਯੋਜਿਤ ਕੀਤਾ ਗਿਆ ਸੀ।

ਕੇਂਦਰੀ ਮੰਤਰੀ  ਨੇ ਇਸ ਅਵਸਰ ‘ਤੇ ਭਗਵਾਨ ਬੁੱਧ  ਦੇ ਜੀਵਨ ਨਾਲ ਸਬੰਧਿਤ ਮਹੱਤਵਪੂਰਨ ਸਥਲਾਂ ਦਾ ਉਲੇਖ ਕਰਦੇ ਹੋਏ ਕਿਹਾ ਕਿ ਦੁਨੀਆ ਭਰ ਵਿੱਚ ਬੋਧੀ ਧਰਮ ਦੇ ਪੈਰੋਕਾਰਾਂ ਦੀ ਸੰਖਿਆ ਬਹੁਤ ਅਧਿਕ ਹੈ।  ਭਾਰਤ ਤਾਂ ਭਗਵਾਨ ਬੁੱਧ ਦੀ ਭੂਮੀ ਦੇ ਰੂਪ ਵਿੱਚ ਜਾਣਿਆ ਜਾਂਦਾ ਹੈ ਅਤੇ ਬੋਧੀ ਵਿਰਾਸਤਾਂ  ਦੇ ਮਾਮਲੇ ਵਿੱਚ ਵੀ ਦੇਸ਼ ਕਾਫ਼ੀ ਸੰਪੰਨ  ਹੈ ਲੇਕਿਨ ਇਸ ਦੇ ਬਾਵਜੂਦ ਇੱਥੇ ਵਿਦੇਸ਼ਾਂ ਤੋਂ ਆਉਣ ਵਾਲੇ ਬੋਧੀ ਤੀਰਥ ਯਾਤਰੀਆਂ ਦਾ ਪ੍ਰਤੀਸ਼ਤ ਬਹੁਤ ਘੱਟ ਹੈ।  ਉਨ੍ਹਾਂ ਨੇ ਕਿਹਾ ਕਿ ਅਜਿਹੇ ਵਿੱਚ ਇਸ ਦੀ ਵਜ੍ਹਾ ਨੂੰ ਸਮਝਣਾ ਹੋਵੇਗਾ ਅਤੇ  ਉਸੇ ਅਨੁਸਾਰ ਸੁਧਾਰਾਤਮਕ ਉਪਾਅ ਕਰਨੇ ਹੋਣਗੇ।

ਸ਼੍ਰੀ ਪਟੇਲ ਨੇ ਕਿਹਾ ਕਿ ਟੂਰਿਜ਼ਮ ਮੰਤਰਾਲੇ  ਨੇ ਆਪਣੀ ਵੱਖ-ਵੱਖ ਯੋਜਨਾਵਾਂ  ਦੇ ਤਹਿਤ ਦੇਸ਼ ਵਿੱਚ ਬੋਧੀ ਸਥਲਾਂ ਦੇ ਵਿਕਾਸ ਅਤੇ ਪ੍ਰਮੋਸ਼ਨ ਲਈ ਕਈ ਪਹਿਲਾਂ ਕੀਤੀਆਂ ਹਨ। ਉਨ੍ਹਾਂ ਨੇ ਇਸ ਸੰਦਰਭ ਵਿੱਚ ਦੇਸ਼ ਦੇ ਮਹੱਤਵਪੂਰਨ ਬੋਧੀ ਸਥਾਨਾਂ ‘ਤੇ ਚੀਨੀ ਭਾਸ਼ਾ  ਦੇ ਨਾਲ ਹੀ ਕਈ ਅੰਤਰਰਾਸ਼ਟਰੀ ਭਾਸ਼ਾਵਾਂ ਵਿੱਚ ਸਾਈਨ ਬੋਰਡ ਲਗਾਉਣ ਦੀ ਸਰਕਾਰ ਦੀ ਪਹਿਲ ਦਾ ਜ਼ਿਕਰ ਕੀਤਾ।  ਇਸ ਤਰ੍ਹਾਂ  ਦੇ ਸਾਈਨ ਬੋਰਡ ਉੱਤਰ ਪ੍ਰਦੇਸ਼  ਦੇ ਸਾਰਨਾਥ,  ਕੁਸ਼ੀਨਗਰ ਅਤੇ ਸ਼ਰਾਵਸਤੀ ਸਹਿਤ 5 ਬੋਧੀ ਸਥਲਾਂ / ਸਮਾਰਕਾਂ ਵਿੱਚ ਲਗਾਏ ਗਏ ਹਨ।  ਇਸ ਤਰ੍ਹਾਂ,  ਸ੍ਰੀ ਲੰਕਾ ਤੋਂ ਵੱਡੀ ਸੰਖਿਆਂ ਵਿੱਚ ਬੋਧੀ ਯਾਤਰੀਆਂ/ ਸੈਲਾਨੀਆਂ ਦੇ ਆਗਮਨ ਵਾਲੇ ਸਥਲ ਮੱਧ ਪ੍ਰਦੇਸ਼  ਦੇ ਸਾਂਚੀ ਵਿੱਚ ਸਿੰਹਲੀ ਭਾਸ਼ਾ ਵਿੱਚ ਸਾਈਨ ਬੋਰਡ ਲਗਾਏ ਗਏ ਹਨ।

ਟੂਰਿਜ਼ਮ ਅਤੇ ਸੱਭਿਆਚਾਰ ਰਾਜ ਮੰਤਰੀ ਨੇ ਭਾਰਤ ਸਰਕਾਰ  ਦੇ ਉੱਤਰ ਪ੍ਰਦੇਸ਼  ਦੇ ਕੁਸ਼ੀਨਗਰ ਹਵਾਈ ਅੱਡੇ ਨੂੰ ਅੰਤਰਰਾਸ਼ਟਰੀ ਹਵਾਈ ਅੱਡਾ ਐਲਾਨ ਕਰਨ  ਦੇ ਫੈਸਲੇ ‘ਤੇ ਪ੍ਰਕਾਸ਼ ਪਾਉਂਦੇ  ਹੋਏ ਕਿਹਾ ਕਿ ਇਸ ਨਾਲ ਯਾਤਰੀ ਨੂੰ ਇੱਥੇ ਆਉਣ-ਜਾਣ ਲਈ ਬਿਹਤਰ ਸੰਪਰਕ ਸੇਵਾਵਾਂ ਮਿਲ ਸਕਣਗੀਆਂ ਜਿਸ ਸਦਕਾ ਘਰੇਲੂ ਅਤੇ ਅੰਤਰਰਾਸ਼ਟਰੀ ਟੂਰਿਜ਼ਮ ਅਤੇ ਖੇਤਰ  ਦੇ ਆਰਥਿਕ ਵਿਕਾਸ ਨੂੰ ਹੁਲਾਰਾ ਮਿਲੇਗਾ।

“ਐਸੋਸੀਏਸ਼ਨ ਆਵ੍ ਬੁੱਧੀਸਟ ਟੂਰ ਅਪਰੇਟਰਸ” ਅਜਿਹੇ ਟੂਰ ਅਪਰੇਟਰਾਂ ਦਾ ਸੰਗਠਨ ਹੈ ਜੋ ਭਾਰਤ ਵਿੱਚ ਮੌਜੂਦ ਬੋਧੀ ਤੀਰਥ ਅਤੇ ਯਾਤਰੀ ਸਥਲਾਂ ਲਈ ਇਨਬਾਉਡ ਟੂਰ ਆਯੋਜਿਤ ਕਰਦੇ ਹਨ।  ਇਸ ਸੰਗਠਨ  ਦੇ ਦੇਸ਼-ਵਿਦੇਸ਼ ਵਿੱਚ 1500 ਤੋਂ ਜ਼ਿਆਦਾ ਮੈਂਬਰ ਹਨ।

ਵੈਬੀਨਾਰ ਵਿੱਚ ਹੋਰ ਲੋਕਾਂ  ਦੇ ਇਲਾਵਾ ਸੰਯੁਕਤ ਰਾਸ਼ਟਰ ਸ਼ਾਂਤੀ ਸੈਨਾ ਪਰਿਸ਼ਦ,  ਅਫ਼ਗ਼ਾਨਿਸਤਾਨ,  ਬੰਗਲਾਦੇਸ਼,  ਭੂਟਾਨ,  ਕੰਬੋਡੀਆ,  ਇੰਡੋਨੇਸ਼ੀਆ,  ਮਿਆਂਮਾਰ,  ਨੇਪਾਲ,  ਸ੍ਰੀ ਲੰਕਾ,  ਥਾਈਲੈਂਡ ਅਤੇ ਵਿਅਤਨਾਮ  ਦੇ ਯਾਤਰਾ ਅਤੇ ਪਰਾਹੁਣਚਾਰੀ ਖੇਤਰ  ਦੇ ਪ੍ਰਤੀਨਿਧੀਆਂ ਨੇ ਵੀ ਹਿੱਸਾ ਲਿਆ।

                                                *******

ਐੱਨਬੀ/ਏਕੇਜੇ/ਓਏ