কলচর অমসুং তুরিজমগী কেন্দ্রগী রাজ্য মন্ত্রী (আই.সি.) শ্রী প্রহ্লাদ সিংহ পতেলনা অথোইবা মীথুংলেন ওইদুনা “ক্রোস বোর্দর তুরিজম”দা এসোসিএসন ওফ বুদ্ধিস্ত তুর ওপরেতরনা জুলাই ১৫, ২০২০দা শিনখিবা ৱেবিনার হৌদোকখ্রে।

ৱেবিনার অসি হৌদোক্তুনা শ্রী প্রহ্লাদ পতেলনা লোর্দ বুদ্ধগী পুন্সিগা মরী লৈনবা ভারত্তা লৈবা মরু ওইবা মফমশিংগী হায়খি। মহাক্না হায় মালেম অসিদা বুদ্ধ লাইনিং চৎপা মীশিং য়াম্না লৈ অমসুং ভারত অসি ‘বুদ্ধগী লম’ ওইবগা লোয়ননা বুদ্ধিস্তকী ওইবা হেরিতেজ য়াম্না লৈরবসু বুদ্ধিস্ত লাইনিংবশিং লাকপগী চাং য়াম্না নেম্মি। শ্রী পতেলনা হায় মালেমগী ওইনা বুদ্ধিস্তশিংগী লম কোইবা/পিলগ্রিমশিংগী শরুক খরা খজিক ভারত্তা লাকপগী মরমশিং খঙদোকপা অমসুং মসিগী মতুং ইন্না শেমদোকপা য়াবা পাম্বৈশিং লৌখৎপা মরু ওই হায়বা ৱাফম ফোঙদোকখি।

লৈবাক অসিগী বুদ্ধিস্তকী মরু ওইবা মফমশিংদা চাইনিস লোলদা সাইনজশিং য়াওনা মালেমগী ওইবা লোলশিংদা সাইনজশিং থম্নবা খোঙথাং লৌখৎতুনা উত্তর প্রদেশকী সর্নাথ, কুশিনগর অমসুং স্রবাস্তি য়াওনা বুদ্ধিস্তকী ওইবা মফম/মোন্যুমেন্ত ৫দা থেৎখ্রে। মসিগা মান্ননা সাঞ্চিদা শ্রী লঙ্কাদগী লমকোইবা মশিং য়াম্না লাকপনা মরম ওইরগা সঞ্চিগী মোন্যুমেন্তশিংদা সিনহলিস লোলদা সাইনজ থেৎতুনা থম্মি।

তুরিজম অমসুং কলচরগী এম.ও.এস. (আই/সি)না উত্তর প্রদেশকী কুসিনগর এয়রপোর্ত অসি মালেমগী থাক্কী এয়রপোর্ত ওইনা লাউথোক্তুনা নোংথক্তা চত্থোক চৎশিন তৌরিবশিংদা খুদোংচাবা পীবনা মরম ওইরগা লমদম অসিগী লৈবাক মনুংগী/মালেমগী তুরিজম ফগৎনবা অমসুং শেন্মীৎলোন চাউখৎপা ঙমহন্নবা ভারত সরকারনা লৌখিবা ৱারেপকী মতাংদসু থমখি।

মহাক্না মখা তারদুনা হায় তুরিজম মন্ত্রালয়না মখোয়গী তোঙান তোঙানবা স্কিমশিংগী মখাদা লৈবাক অসিগী বুদ্ধিস্তকী ওইবা মফমশিং চাউখৎহন্নবা অমসুং অৱাংবা থাক্তা পুখৎনবা মখল কয়াগী খোঙথাংশিং লৌখৎলি

এসোসিএসন ওফ বুদ্ধিস্ত তুর ওপরেতরস অসি ভারত অমসুং মপাল লৈবাকশিংগী মীহুৎ ১৫০০ হেন্না য়াওবা বুদ্ধিস্তকী তুরিজম পুখৎনবা কত্থোক্লবা ইনবাউন্দ তুর-ওপরেতরগী এসোসিএসন্নি।

ৱেবিনার অসিদা শরুক য়াখিবশিং অদুদি অফঘানিস্তান, বঙ্গলাদেশ, ভুতান, কম্বোদিয়া, ইন্দোনেসিয়া, ম্যান্মার, নেপাল, শ্রী লঙ্কা, থাইলেন্দ অমসুং ভিয়েৎনাম অমসুং অতোপ্পা য়ু.এন পিস কীপিং ফোর্সেস কাউন্সিল, ত্রেবেল এন্দ হোস্পিতেলিতী এসোসিএসনগী মীহুৎশিংনি।

****