হকশেল অমসুং য়াইফ-য়ুম্বাল মন্ত্রালয়
কোবিদ-১৯গী অপদেৎ
নাবা ফখ্রবা মশীং লাখ ৬.৩৫ হেল্লে, নাবা ফবগী চাংনা চাদা ৬.৩৩ য়ৌরে
হৌখিবা পুং ২৪ অসিদা কেস ২৩,০০০গী ময়াদা নাবা ফখ্রে
Posted On:
17 JUL 2020 6:11PM by PIB Imphal
রাজ্য সরকার/য়ুনিয়ন তেরিতোরীশিংনা পায়খৎপা কেন্দ্র সরকারগী "তেস্ত, ত্রেস, ত্রিৎ" খোংথাংনা কোবিদ-১৯ লাইচৎ থেংননবগী চুনরবা খোংথাং অমা ওইরক্লি। ভারত্তা কোবিদতগী নাবা ফরবা অনাবা মশীং তপ্না-তপ্না হেনগৎলক্লি। হৌখিবা পুং ২৪ অসিদা মীওই ২২,৯৪২ নাবা ফদুনা দিসচার্জ তৌখি। মসিনা নাবা ফখ্রবা অপুনবা পোজিতিব কেসকী মশীংদগী চাদা ৬৩.৩৩ ওইরে। হৌজিক ফাওবদা অনাবা ৬,৩৭,৭৫৬ নাবা ফখ্রে।
লাইনা অসি শন্দোকপদগী লাকশিন্নবা খোংথাংশিংদা পাকশন্না অমসুং লায়না তেস্ত তৌবা য়াহন্দুনা ঙন্না লাইওং খঙদোক্নবা হোৎনবদা মীৎয়েং থম্বগা লোইননা শোক্ন-শম্নরুবা মীওইশিং থিদোকপনা শন্দোকপা থিংবসু মতেং পাংলি। কন্তেন্মেন্ত অমসুং বফর জোনশিংদা লাকশিন্নবগী খোংথাং অসি য়ুম-য়ুমদা সর্বে তৌবা অমসুং সারি/ইলি ওইবা অনাবশিং য়েংশিনবগা লোইননা অহল ওইরবা অমসুং লাইনা চেনবা অনাবা থুনা লানশিনগনবা মীওইশিংদনা হেন্না মরুওইবা মীৎয়েং চঙলি। মসিনা কোবিদ কেসশিং অসি মতম চানা খঙদোকপা ঙম্লি অমসুং লাইওং অদু কয়াম কল্লিবনো হায়বগী মতুং ইন্না য়ুমদা নত্ত্রগা হোস্পিতালদা লাইয়েং চত্থরি।
তেস্ত তৌবা ঙম্বগী পাঙ্গল হেনগৎলকপনা নোংমদা লাখ ৩দগী হেন্না তেস্ত তৌবা ঙম্লে। হৌখিবা পুং ২৪ অসিদা সেম্পল ৩,৩৩,২২৮ তেস্ত তৌখি। অপুনবা ওইনা তেস্ত তৌখ্রবা সেমপল ১,৩০,৭২,৭১৮না ভারত্তা মিল্লিয়ন অমদা তেস্ত তৌবগী চাং অসি ৯৯৪৭৩ য়ৌরে।
জনুৱারী ২০২০দা দাইগনোস্তিক লেব অমখক্তা লৈরম্বদগী লৈবাক অসিগী তেস্ত তৌনবগী লেবকী নেৎৱার্ক অসি লেব ১২৪৪ লৈবগা লোইননা মপাঙ্গল হেনগৎলক্লি, সরকারগী লেব ৮৮০ অমসুং প্রাইবেৎ লেব ৩৬৪ শুরে।
- রিএল তাইম আর.তি. পি.সি.আর.দা য়ুম্ফম ওইবা তেস্ত তৌনবা লেবঃ ৬৩৮ (সরকারগী ৩৯২+ প্রাইবেৎঃ ২৪৬)
- ত্রুনাৎতা য়ুম্ফম ওইবা তেস্তিং লেবঃ ৫০৪ (সরকারগী ৪৫২+ প্রাইবেৎঃ ৫২)
- সি.বি.এন.এ.এ.তি.দা য়ুম্ফম ওইবা তেস্তিং লেবঃ ১০২ (সরকারগী ৩৬+ প্রাইবেৎঃ ৬৬)
অচুম্বা, অমসুং খুদক্কী ওইবা কোবিদ-১৯গা মরী লৈনবা তেক্নিকেল ইস্যু, গাইদলাইন অমসুং এদ্ভাইজরীশিংগী ঈ-পাউশিংগীদমক https://www.mohfw.gov.in/ দা অমসুং @MoHFW_INDIA দা চাং নাইনা চঙবীয়ু।
কোবিদ-১৯গা মরী লৈনবা তেক্নিকেল ক্বেরীসিংগীদমক technicalquery.covid19[at]gov[dot]in দা থাবীয়ু অমসুং অতোপ্পশিংগী ওইনা ncov2019[at]gov[dot]in and @CovidIndiaSevaদা থাবীয়ু।
কোবিদ-১৯গী ক্বেরীশিংগীদমক হকশেল অমসুং য়াইফ য়ুম্বাল মন্ত্রালয়গী হেল্পলাইন নম্বর +91-11-23978046 নত্ত্রগা 1075 (তোল-ফ্রী) দা কোল তৌবীয়ু
রাজ্যশিং/য়ু.তি.শিংগী হেল্পলাইন নম্বরশিংগী লিস্তসু https://www.mohfw.gov.in/pdf/coronvavirushelplinenumber.pdf দা ফংবীগনি।
***
(Release ID: 1639495)
Visitor Counter : 149