খারিফ-২০২০ পন্থাগী প্রাধান মন্ত্রী ফসল বিমা য়োজনা (পি.এম.এফ.বি.ৱাই.)গী মখাদা লৌমীশিংগী এনরোল তৌবগী থবক লৈবাক অসিগী স্তেৎশিং/য়ু.তি.শিংদা কন্না চত্থরি। ভারত সরকারনা প্রিমিয়মগী শেল থীগদবা লৌমীশিংগী ওইনা এনরোল লেম্না তৌহল্লি। লৌমীশিংনা খারিফ-২০২০দা মখোয়গী চানবা মহৈ মরোংশিং (হৱাই-চেংৱাই অমসুং থাও শুংনবা মরুশিং) অপুনবা ইনস্যুরগী খ্বাইদগী হন্থবা প্রিমিয়ম রেৎ ২%দা অমসুং ললোল ইতিক্কী অমসুং হোর্তিকলচরগী ওইবা মহৈ মরোংশিংনা অপুনবা ইনস্যুরগী ৫%দা ইনস্যুর তৌবা য়াগনি। লেমহৌরিবা প্রিমিয়মনা কেন্দ্র অমসুং স্তেৎ সরকারনা পুথোক্কনি। হৌজিক চত্থরিবা খারিফ-২০২০ পন্থাগী অরোয়বা তাং অসি স্তেৎশিং/য়ু.তি.শিং খরদা জুলাই ৩১, ২০২০দা ওইরবা য়াই।

লৌমীশিং পুক্নিং থৌগৎনবা ‘লৌউ-শিংউ অমসুং লৌমীশিংগী য়াইফ থৌরাংগী কেন্দ্রগী মন্ত্রী শ্রী নরেন্দ্র সিংহ তোমরনা ভিদিও মেসেজগী থোংদা মখোয়দা পি.এম.এফ.বি.ৱাই.গী মখাদা এনরোল তৌনবা আপিল তৌখি অমসুং মহৌশাগী ওইবা খুদোংথীবশিংনা মরম ওইরগা মহৈ মরোংশিং মাং-তাকহনবদগী শেল মাংবদগী মশাবু কনজনবা লৌমীশিংদা হায়খি।  (মন্ত্রীগী লৌমী খুদিংমক্তা পীবা মপুংফাবা মেসেজ অদু পি.আই.বি.গী য়ুতুব চেনেল: https://youtu.be/b9LooMrHdEkদা য়েংবা য়াগনি)

মহৈ মরোং থারিঙৈ মনুংদা, মরু হুনদ্রিঙৈদগী লৌরোক মতুংগী থবক থৌরমশিংদা  অমাং অতা থোকপদা স্কিম অসিনা ঙাকলৌ পীরি। খঙহৌদনা থোক্লকপা খুদোংথিবনা মরম ওইরগা  মরু হুনবা য়াদবা পুম্নমক অসিগী ওইনা কান্নবা ফংনবা স্কিম অসিদা লৌমীশিংনা এনরোল অথুবদা তৌনবা থৌগৎখি। মসিগী মথক্তা লৌরোক মতুংদা ঈকং, ঈচাও, লেন্দস্লাইদ, মতম চাদনা চুবা নোং, লেন, মহৌশাগী ওইবা মৈহৌ লাংপোক্কী খুদোংথিবা থোকসু কোনশিল্লি।

ক্রোপ ইন্দুরেন্স স্কিম ইমপ্লিমেন্ত তৌবদা মমাংদা থেংনখিবা খুদোংচাদবশিং অদু কোকহন্নবগীদমক ২০২০গী ফেব্রুৱারীদা ভারত সরকারনা পি.এম.এফ.বি.ৱাই. দা শেমদোক শেমজিন তৌবদা অয়াবা পীখ্রে। সরকারনা স্কিম, অসি খারিফ-২০২০দগী হৌরদুনা লৌমী পুম্নমক্না মশানা য়ানা য়াওহল্লি। মমাংদা স্কিম অসি লোন লৌবা লৌমী পুম্নমক্কী ওইনা শোইদনা য়াও্ল্লি। হৌজিক্তি এনরোলমেন্ত ককখিগদবা তাংগী মমাংগী নুমিৎ তরেৎনি ৱাৎলিঙৈদা মখোয়গী বেঙ্ক ব্রাঞ্চতা অচম্বা দেক্লেরেসন অমা পীশিল্লগা লোনগী দ্যুশিং লৈবা লৌমীশিংনা স্কিম অসিদগী তোকপা য়াগনি।

পি.এম.এফ.বি.ৱাই.গী মখাদা এনরোল তৌবা পাম্বা লৌমী অমনা মহাক্কী মনাক নকপা বেঙ্ক, প্রাইমরী এগ্রিকলচর ক্রেদিৎ সোসাইতী, কম্মন সর্ভিস সেন্তর (সি.এস.সি.)/বিলেজ লেবেল ওন্তর্প্রিনোরশিং (ভি.এক.ই.শিং), লৌউ শিংউ বিভাগকী লোয়শঙ, ইন্সুরেন্স কম্পনীগী মীহুৎকা নত্রগা নেস্নেল ক্রোপ ইন্সুরেন্স পোর্তেল (এন.সি.আই.পি.)গী www.pmfby.gov.in দা অমসুং ক্রোপ ইন্সুরেন্স এপতা ওনলাইনগী খুত্থাংদা হকথেংননা পাও ফাওনগদবনি।

(https://play.google.com/store/apps/details?id=in.farmguide.farmerapp.central)

এনরোলমেন্তগী থবক লোইশিন্নবা লৌমীশিংনা আধার নম্বর, বেঙ্ক পাসবুক, লমগী রেকোর্দ/চহিগী য়ান-চে, অমসুং সেলফ দেক্লেরেসন সর্তিফিকেৎ পুরকপা মথৌ তাই। কুমসি অসিদা স্কিম অসিগী মখাদা এনরোল তৌখ্রবা লৌমী পুম্নমক্তা মখোয়গী এপ্লিকেসনগী স্তেতসকী মতাংদা চাং নাইনা এস.এম.এস.কী খুত্থাংদা মখোয়গী রেজিস্তর তৌখ্রবা মোবাইল নম্বরশিংদা পাও পীরক্কনি।

লৌমীশিংনা কোম্না এনরোল তৌবা ঙমহন্নবা লৌউ-শিংউ অমসুং লৌমীগী য়াইফ থৌরাং মন্ত্রালয়না বেঙ্কশিং, ইন্সুরেন্স কম্পনীশিং, কম্মন সর্ভিস সেন্তরশিং (সি.এস.সি.), স্তেৎ লেবেল বেঙ্কর্স কম্মিতি (এস.এল.বি.সি.), বিলেজ লেবেল ওন্তর্প্রিনোর্স (ভি.এল.ই.শিং), স্তেৎ অমসুং দিস্ত্রিক্ত লেবেল এগ্রিকলচর অমসুং অত্মা ওফিসিএলশিং অসিনচিংবদা ত্রেনিং পীখ্রে। মসিগী মথক্তা ইন্সুরেন্স কম্পনীশিংনা তোঙান তোঙানবা স্তেকহোল্দরশিংদা ত্রেনিংসু পীখ্রে। মন্ত্রালয় অসিনা কিসান কোল সেন্তরশিংগী একজিক্যুতিব ৬০০তা ত্রেনিং ফংহন্নবা পান্দমসু থম্লি।

স্কিম অসিগী মতাংদা লৌমীশিংদা এৱের্নেস পীনবা খোঙথাং কয়া লৌউ-শিংউ অমসুং লৌমীগী য়াইফ থৌরাং মন্ত্রালয়না লৌখৎখ্রে। লৌউ-শিংউ অমসুং লৌমীগী য়াইফ থৌরাং মন্ত্রালয় অমসুং স্তেৎকী লৌউ শিংউ বিভাগশিংগা লোয়ননা চুংশিন্নদুনা তোঙান তোঙানবা ইন্সুরেন্স কম্পনীশিংনা লৈবাক শিনবা থুংনা অচৌবা কেম্পেন অমা হৌদোকখ্রে। লোকেলগী থাক্তা পীবা এৱের্নেসকী মীফমশিং, বন্নরশিং অমসুং পোস্তরশিং মরু ওইবা মফমশিংদা থেৎপা, পেমফ্লেৎশিং য়েন্থোকপা, আই.ই.সি. ভেনশিং, লোকেল অমসুং নেস্নেলগী পাওচেদা এদভর্তিসমেন্তশিং হাপ্পা, মাস মিদিয়া কেম্পেন অসিগুম্বা তোঙান তোঙানবা থবক থৌরমশিং পাঙথোক্তুনা মখোংদগী হৌনা এৱের্নেস পীখ্রে।

পি.এম. ফসল বিমা য়োজনা অসিনা লৌমীশিংবু মহৌশাগী ওইবা খুদোংথিবশিং, তিন কাংনা লান্দরকপা অমসুং লায়না থোকহনবদগী ঙাকথোক্নবা অমসুং ক্লেম সেতলমেন্তগী খুত্থাংদা শেলগী তেংবাং ফংহন্দুনা মখোয় মশানা লেপ্পা ঙমজনবা মতেং পাংনবা দিজাইন তৌবনি। খঙহৌদনা থোক্লকপা মহৌশাগী খুদোংথিবশিংনা মরম ওইরগা মহৈ মরোংশিংদা অমাং অতা থোকপদা ঙাকথোক্নবা ক্রোপ ইন্সুরেন্সকী কান্নবশিং ফংহন্নবা পি.এম.এফ.বি.ৱাই.গী মখাদা লৌমী পুম্নমক্না এনরোল তৌগদবনি।

***