ইলেক্সন কমিসন

পুথোক-পুশিন, দরকার ওইবা মী অমসুং কোবিদ-১৯গী চৎন-পথাপশিংগী মতাংদা খুদোংচাদবা লৈবদগী পাংথোক্নবা থৌরাং তৌরিবা বিহারগী এশেমব্লি মীখল অমসুং বাই ইলেক্সনশিংদা চহি ৬৫গী মথক্তা লৈবা অহলশিংদা পোস্তেল বেল্লোত পীদনবা ই.সি.আইনা ৱারেপ লৌরে

Posted On: 16 JUL 2020 7:12PM by PIB Imphal

কোবিদ-১৯ লাইচৎ লাকপদা, দিজাস্তার মেনেজমেন্ত এক্ত, ২০০৫গী মখাদা নেসনেল দিজাস্তর মেনেজমেন্ত ওথোরিতিনা মতম মতমগী ওইনা লৈবাক অসিদা লোকদাউনগী চৎন-কাংলোনশিং পীরি । দিজাস্তার মেনেজমেন্ত এক্ত, ২০০৫গী মখাদা লৈরিবা নেসনেল ইজুকিউতিপ কমিতিগী চেয়রপর্সন অমসুং য়ুনিয়ন হোম সেক্রেতরিনা ২০২০গী মে ১৫দা থোকখিবা চৎন-পথাপকী পেরা ৭দা অশুম্না হায়রি ,

“খুদোংথিনিংঙাই ওইবা মীওইশিং ঙাকথোকপা : চহি ৬৫গী মথক্তা লৈবা মীওইশি, অতোপ্পা অনাবা লৈবশিং, মীরোনবীশিং অমসুং চহি ১০গী মখাদা লৈবা অঙাংশিং তঙাইদবা অমসুং হকশেলগী থবকশিংগী নত্তনা য়ুমদা লেঙদনা লৈগদবনি”।

অমরোমদা, হেল্থ অমসুং ফেমিল ৱেলফিয়ার মিনিস্ত্রিনা ২০২০গী এপ্রিল ৫ অমসুং মে ১৮দা কোবিদ-১৯ পোজিতিব ওইরিবশিং/চিংনবশিং ক্বারেনতাইন(য়ুম/ইন্সতিতুৎ) তৌনবা অকুপ্পা ৱারোলশিং ফোঙখ্রে ।

চহি ৬৫গী মথক্ত লৈবা মীওইশিং পোল্লিং স্তেসনশিংদা লাকপা মতমদা খুদোংথিনিংঙাই ওইবা মরম্না মখোয়গী ভোৎ থাদবগী থবক মাঙদনবা পোস্তেল বেল্লোতকী খুদোংচাবা পীনবা কমিসন্না ৱারেপ লৌখিবনি । কমিসনগী ৱারেপ মতুংইন্না রুলশিং অদু ২০২০গী জুন ১৮দা লো অমসুং জজতিস মিনিস্ত্রিনা শেমদোকখি ।

হায়রিবা প্রোবিজন অসি মীখল মতমদা রিপ্রেসেন্তেসন ওফ  পিপল এক্ত, ১৯৫১গী সেক্সন ৬০(সি)গী মখাদা কমিসন্না নোতিস থোক্কদবনি । প্রোবিজনশিং অসি চৎনদ্রিঙৈ মমাংদা কমিসন্না থবক ওইনা পাংথোকপদা থেংনগদবা ফিবমশিং য়েংশিল্লি ।

হৌজিক ওইরিবা ফিবম অসিদা পাংথোক্কদৌরিবা মীরক্কী মীখলশিং অমসুং বিহার এশেমব্লিগী মীখলগী থৌরাং তৌরিবশিং কমিসন্না য়েংশিল্লি । লাইচৎ অসিগী য়েংলগা, রাজ্য অসিদা অহেনবা পোল্লিং স্তেসন ৩৪,০০০(চাদা ৪৫ হেন্না ) হাপচিন্দুনা অপুনবা পোল্লিং স্তেসন মশিং ১,০৬,০০০ য়ৌরে । মসিদা রাজ্য অসিদা পোল্লিংগী মীওই লাখ ১.৮ হেন্না অমসুং মশিং য়াম্লবা গারিশিং য়াওনা অতৈ মচাক-মথুমশিং থৌরাং তৌবদা অচৌবা পোলুম অমা ওইরগনি । পাংথোক্কদৌরবা মরক্কী মীখলশিংদসু মসিগী অৱাবা অসি মায়োক্নগনি ।

থেংনগদৌরিবা খুদোংচাদবশিং অসি য়েংলগা অমসুং পোল্লিং স্তেসন অমদা অকক্নবা ভোত্তর মশিং লৈহন্নবা ৱারেপ অদু য়েংলগা, বিহারগী এশেমব্লি মীখল অমসুং পাংথোক্নবা থৌরাং তৌরিবা বাই ইলেক্সনশিংদা চহি ৬৫গী মথক্তা লৈবা অহলশিংদা পোস্তেল বেল্লোত পীনবা নোতিস থোক্তনবা কমিসন্না ৱারেপ লৌরে । অদুবু চহি ৮০গী মথক্ত লৈবা ভোত্তরশিং, হকচাংগী ফিবম চাদ্রবশিং, তঙাইফদবা থবক্তা শীজিন্নরিবা ভোত্তরশিং অমসুং কোবিদ-১৯ পোজিতিব ওইবদগী ক্বারেনতাইন তৌরিবশিংদা পোস্তেল বেল্লোতকী খুদোংচাবশিং ফংহনগনি ।

 



(Release ID: 1639331) Visitor Counter : 136