২০২০, জুলাই ১৫দা ইন্দিয়া-য়ু.এস সি.ই.ও ফোরম পাংথোকখ্রবা মতুংদা ২০২০গী জুলাই ১৬দা কমর্স অমসুং ইন্দস্ত্রি মিনিস্তর পিয়ুস গোয়াল অমসুং য়ু.এসকী কমর্স সেক্রেতরি ৱিলপুর রোস অনিগী মরক্তা তেলিফোন্দা ৱারি শানখ্রে ।

অহানবদা লুচিংবা অসিনা মখোয়গী লৈবাকশিংদা ওইরিবা কোবিদ-১৯গী ফিবমশিং খন্নখি অমসুং মালেমদা খ্বাইদগী চাউবা অমসুং লিরবা গনতন্ত্র চৎপা লৈবাকশিং ওইরিবা ভারত অমসুং য়ু.এস.এ অনিগী মরক্তা লাইচৎ অসি থেংননবা মতেং পাংনরিবা অদু থাগৎখি ।

লুচিংবশিংনা হৌজিক চৎথরিবা ভারত-য়ু.এস.এ ললোন-ইতিক্কী ৱারি শানবা অসি খন্নখি অমসুং নাকল অসিগী মরক্তা অফবা ফলশিং পুরকপদা থাগৎখি । অকক্নবা চাংদা ললোন-ইতিক পাংথোক্লিবা অসি লোইশিন্নবগী অপাম্বা অমসুং এফ.তি.এ য়াওনা ভারত-য়ু.এস.এগী নাকল অনিগী ললোন-ইতিক্কী থবকশিং খন্নখি ।

ভারতকী পোৎথোক ২৪ য়ু.এস.এনা ত্রাফিক্কিং ভিক্তিমস প্রোতেক্সন রিওথোরাইজেসন এক্তকী মখাদা থম্লিবা অমসুং মখোয় ‘চাইল্দ লেবর সেক্তর’ ওইনা লৌরিবা অমসুং য়ু.এস সরকারগী এজেন্সিশিংদা য়োনবা য়াদ্রিবা অসিগী মতাংদা মিনিস্তরনা পুখৎলকপা ৱাফম অমগী পাউখুম ওইনা সেক্রেতরি রোসনা নাকল অনিমক্কী লেবর দিপার্তমেন্তশিংগী মরক্তা মীফম অমা পাংথোক্নপা ৱাফম থমখি ।

২০২০গী ফেবুৱারিদা প্রসিদেন্ত ত্রম্পনা ভারত্তা লাক্লম্বদা খন্নখিবা ‘য়ু.এস-ইন্দিয়া সোসিএল সেকুরিতি তুতেলাইজেসন এগ্রিমেন্ত’ পন্দুনা লৈরিবা অসি মিনিস্তর গোয়ালনা পুখৎখি । ভারতকী ৱাফম অদুগী মতাংদা সেক্রেতরি রোসনা হায়খি মসিগী মতাংদা য়ু.এসনা দরকার ওইরিবা আইনগী ওইবা থবকশিং ভারতনা ফংহনগদবনি । মসিগী মতাংদা য়ু.এস সোসিএল সেকুরিতি এদমিনিস্ত্রেসন অমসুং ভারতকী মরী লৈনবা ওফিসিএলশিংগী মরক্তা ৱারি শান্নবা মহাক্না খঙহনখি ।

অহাংবা মফমদগী ফাবা খজিং ভারত্তগী পুশিল্লকপা য়ু.এসনা থিংলিবা অসিগী মতাংদা মিনিস্তর গোয়ালনা পুখৎখি । মহাক্না হায়খি ভারতকী সমুদ্র মপানদা লৈবা রাজ্যশিংনা সমুদ্রগী থেঙ্গুশিং কন্নবা থবক কয়া পায়খৎলে । ভারতকী পুখৎলক্লিবা ৱাফম অসি সেক্রেতরি রোসনা থাগৎখি অমসুং মসিগী মতাংদা ভারতকী ফিসরি দিপার্তমেন্ত অমসুং ফোরেস্ত অমসুং ইনভাইরোনমেন্ত মিনিস্ত্রি অমসুং য়ু.এস স্তেৎ দিপার্তমেন্ত অমসুং মেরিন কঞ্জর্বেসন ওফিসকী  ওফিসিএলশিংগী মরক্তা ৱারি শানবা অয়াবা পীখি ।

ভারত অমসুং য়ু.এস.এ অনিগী মরক্তা ললোন-ইতিক অমসুং শেন-থুমগী লৈনরিবা মরীশিং মখা তানা ফগৎহন্নবা পুন্না থবক তৌমিন্নবা হায়না মিনিস্তর গোয়াল অমসুং সেক্রেতরি রোস অনিনা ৱারেপ লৌখি অমসুং অমনা অমবু থাগৎনখি ।