অন্ধ্র প্রদেশকী কী রিসোর্স পর্সন ১২০০গী অহানবা ওন-লাইন নিশথা প্রোগ্রাম কেন্দ্রগী ঐচ.আর.দি. মন্ত্রী শ্রী রামেশ পোখ্রিয়ল ‘নিশঙ্ক’ অমসুং ঐচ.আর.দি.গী মিনিস্তর ওফ স্তেৎ শ্রী সঞ্জে ধোত্রেনা ঙসি ন্যু দিল্লীদা ভর্চ্যুএল ওইনা হৌদোকখ্রে।

থৌরম অসিদা শরুক য়ারিবশিংদা ৱারোল পীরদুনা ঐচ.আর.দি.গী মন্ত্রীনা হায়খি নিশথা অসি এম.ঐচ.আর.দি.গী মহৈ মশিং তম্বদা কান্নবা পুরক্নবা অচৌবা প্রোগ্রাম অমা ওইরিবা সমগ্রা শিকশাগী মখাদা স্কুল হেদশিং অমসুং ওজাশিং ইলিমেন্তরী থাক্তা পুম্নমক চাউখৎনবগী লৌখৎপা লৈবাক অসিগী খোঙথাং অমনি। নিশথাগী ফেস-তু-ফেস মোদ অসি ওগস্ত ২১, ২০১৯দা হৌদোকখ্রে হায়না মন্ত্রীনা মখা তাখি। মসিগী মতুংদা স্তেৎ/য়ু.তি.৩৩না কেন্দ্রনা স্পোন্সর তৌবা স্কিম অমা ওইরিবা সমগ্রা শিকশাগী মখাদা চুংশিন্নদুনা মখোয়গী স্তেৎশিং/য়ু.তি.শিংদা প্রোগ্রাম অসি হৌদোকখ্রে। স্তেৎ/য়ু.তি. ২৯দা এন.সি.ই.আর.তি.না স্তেৎকী থাক্তা নিশথা ত্রেনিং প্রোগ্রাম অসি লোয়শিনখ্রে। স্তেৎ/য়ু.তি. (মধ্য প্রদেশ, ছত্তিসগর, জে এন্দ কে অমসুং বিহার) ৪দা স্তেৎকী থাক্কী ত্রেনিং অসি হৌজিক চত্থরি। স্তেৎ অণিদা মসি হৌদোক্কদবা ৱাৎলি। জিলাগী থাক্তা তিচর ত্রেনিং প্রোগ্রাম স্তেৎ/য়ু.তি. ২৩দা হৌখ্রে।

ঙসি ফাওবদা নিশথা ফেস-তু-ফেস মোদকী মখাদা কী রিসোর্স পর্সন ২৩,০০০ অমসুং ওজা অমদি স্কুল হেদ লাক ১৭.৫রোম কোনশিনবা ঙমখ্রে হায়না শ্রী পোখ্রিয়লনা থমখি।

কোবিদ-১৯গী লায়চৎকী ফীভমনা মরম ওইরগা খঙহৌদনা লোকদাউন তৌখিবনা ফেস-তু-ফেস মোদকী প্রোগ্রাম অসি পাঙথোকপদা অকায়বা থোকহনখ্রে হায়না মন্ত্রীনা খঙহনখি। মরম অসিনা, লেমহৌরিবা ওজা অমসুং স্কুল হেদ লাখ ২৪দা ত্রেনিং পীনবা এন.সি.ই.আর.তি.না দিকশা অমসুং নিশথাগী পোর্তেলশিংগী খুত্থাংদা নিশথা অসি ওনলাইন মোদতা শেমদোক্তুনা পাঙথোক্লি। মহাক্না মখা তানা হায় নিশথা পোর্তেলগী খুত্থাংদা কী রিসোর্স পর্সন ১২০০গী ওন-লাইন নিশথা প্রোগ্রাম হৌদোকখিবা অহানবা স্তেৎ অন্ধ্র প্রদেশনা ওইরে। রিসোর্স পর্সনশিং অসিনা মতুং তারকপদা দিকশাদা ওন-লাইন নিশথা ত্রেনিং পীগদৌরিবা অন্ধ্র প্রদেশকী ওজাশিংবু লমজিংবদা মতেং পাংগনি।

শ্রী পোখ্রিয়লনা ফোঙদোকখি নিশথাগী মখাদা দিবেলপ তৌবা মোদ্যুশিংনা অঙাং পুম্নমক্কি দিবেলপমেন্তদা মীৎয়েং থম্লি মরম অসিনা মসিদা হকশেল অমসুং অনা অয়েক্কী মরমদা য়াওবা করিকুলম, খুন্নাইদা চৎকদবা মওংশিং, মহৈ তম্বদা কালা য়াওহনবা, স্কুলগী ইদুকেসনগী খোঙথাংশিং, অককনবা সবজেক্তকী পেদাগোজীশিং, তাকপী-তম্বীবগী, লুচিংবগী, প্রি-স্কুল ইদুকেসন, প্রি-বোকেস্নেল ইদুকেসনগী আই.সি.তি. অসিনচিংবা য়াওরি। মোদ্যুল পুম্নমক অসি তাকপী-তম্বীবগী ফলশিং অমসুং লর্নরশিংদা য়ুম্ফম ওইবা পেদাগোজীদা য়ুম্ফম ওইগনি। মহাক্না হায় মোদ্যুলশিং অসি ওজাশিং অমসুং স্কুল হেদশিংনা নুংঙাইনা তাকপী-তম্বীনবা ইদুকেস্নেল গেমশিং, ক্বিজশিং তৌবগী খুদোংচাবা পীনবা ওজাশিং কান্নগদবা এক্তিবিতীশিং ফংহন্নবা শেম্বনি, মসিনা ওজাশিংনা মখোয়গী ক্লাসরুমদা মহৈরোয়শিংগী হৈগৎপা হেনগৎনবা ইমপ্লেমেন্ত তৌনবা ওজাশিংবু পুক্নিং থৌগৎকনি।

এম.ঐচ.আর.দি. অমসুং এন.সি.ই.আর.তি.না নিশথাগী খুত্থাংদা ওজাশিং অমসুং স্কুল হেদশিং লৈবাক শিনবা থুংনা ইলেমেন্তরী থাক্তা কেপাসিতীশিং ফগৎনবা হোৎনরিবশিং অসি শ্রী পোখ্রিয়লনা থাগৎপা ফোঙদোকখি। মসিনা মহৈরোয়শিংগী মহৈ মশিং হৈগৎহনবা খক্তা নত্তবা মখোয়গী হীরম পুম্নমক্তা ফগৎহনবদা মতেং পাংগনি।

থৌরম অসিদা ৱা ঙাংলদুনা শ্রী ধোত্রেনা হায় মালেম অসি খোঙজেল য়াংনা চাউখৎলক্লি। মালেমগী থুনা-য়াংনা ওল্লক্লিবা মওং অসিগা চুন্নবা ঐখোয়গী ওজাশিংগী ৱাখল্লোন, খঙহৈবা অমসুং তাকপী-তম্বীবগী পাম্বৈশিং অসি মালেমগা চান্নবা মওংদা পুখৎপা মথৌসু তারি। লৈবাক অসিদা মসিবু খ্বাইদগী কান্নবা পুরক্কদবা মওংদা লেপ্পা নাইরোইদবা মওংদা চৎনহনবা হায়বা অসি ঐখোয়না মরু ওইনা লৌগদবনি।

মহাক্না হায় ঐখোয়গী ইন-সর্ভিস্তা লৈরিবা ওজাগী ইদুকেসন সিস্তেম অসিনা ওজাশিংদগী ফীদবেক লাক্লিবা অদু খঙবিবা মথৌ তাই। লোয়ননা ওজাশিংগী মশাগী ওইবা ইন্নোবেসনশিং অদু মখোয়গী পেদাগোজিক ভেল্যুগীদমক শকখঙবিবা তঙাই ফদে অমসুং ঐখোয়গী লৈরিবা তাকপী-তম্বীবগী পাম্বৈশিংগী শরুক অমা ওইহনগদবনি।  ঐখোয়না ঐখোয়গী ওজাশিং অসি জাতি কয়ানা খুন্দরিবা লৈবাক অসিগী মতাংদসু খঙহনবা অসি য়াম্না মরু ওইবা অমনি। মদুতদা ঐখোয়গী অঙাংশিংনা তোঙান তোঙানবা জাতি অমদি পাক চাওরবা লৈবাক অসিগী মরমদা খঙবা ঙমগনি। হোৎনবা অসিগা লোয়ননা ঐখোয়গী ইকাই খুম্নরিবা প্রধান মন্ত্রীগী ৱাখল্লোন এক ভারত শ্রেশথ ভারতকী ৱাখল্লোন অসি ঐখোয়গী অঙাংশিংদা লৈহনগনি।

মহাক্না মখা তারদুনা হায় অফবা ওজাশিং অসি তেক্নোলোজীনা মহুৎ শিনবা য়ারোই অদুবু তেক্নোলোজীনা অফবা ওজাশিংদা মতেং পাংলবদি মহৈ-মশিংগী লমদা অওনবা পুরক্কনি। ঐখোয়গী প্রধান মন্ত্রী শ্রী নরেন্দ্রা মোদীগী আশা কয়া লৈরিবা লুচিং মখাদা ঐখোয়না মগুন লৈবা তেক্নোলোজীনা মতেং পাংলিবা ক্বালিতি ইদুকেসন ফংহন্দুনা অত্মানির্ভর ভারত ওইবা ঙম্লগনি।

নিশথা-ওনলাইনদা ৱারী ৱাতাই শানবা পাম্বৈ মশিং কয়া য়াওরি। অমরোমদা ভিদিওগা লোয়ননা তেক্স মোদ্যুলশিং য়াওরি, দি.তি.ঐচ. স্বায়ম প্রভা তি.ভি. চেনেলদা নেস্নেল থাক্কী রিসোর্স পর্সনশিংনা লাইফ সেসনশিংসু থাদোক্কনি। ওজাশিংগা লোয়ননা ৱারী ৱাতাই শানবা ইন্তরেক্তিব ভোইস রেস্পোন্স সিস্তেম (আই,ভি.আর.এস.)সু শীজিন্নগনি। খোঙথাং অসিগীদমক শ্রী ধোত্রেনা এন.সি.ই.আর. অমসুং এম.ঐচ.আর.দি.গী ওফিসিএলশিংবু থাগৎপা ফোঙদোকখি।

নিশথা-ফেস-তু-ফেসতা, স্তেৎ/য়ু.তি.শিংনা খনগৎলবা কী রিসোর্স পর্সন্স (কে.আর.পি.এস.) অমসুং স্তেৎ রিসোর্স পর্সন্স-লিদর্শীপ (এস.আর.পি.এস-এল.)দা নেস্নেল রিসোর্স গ্রুপ (এন.আর.জি.)না অহানবা থাক্কী ত্রেনিং পীখ্রে। এন.আর.জি. অসি এন.সি.ই.আর.তি., এন.আই.ই.পি.এ. অমসুং কে.ভি.এস.তগী খনগৎলবা মেম্বরশিংনা এন.সি.ই.আর.তি.না শেম্বনি অমসুং চলায়বনি। কে.আর.পি.এস. অমসুং এস.আর.পি.এস-এল.না ব্লোক্কী থাক্তা ত্রেনিংগী পোৎলুম হন্থনবা ওজাশিংদা হকথেংননা ত্রেনিং পীখি। নিশথা-ওনলাইনদসু কী রিসোর্স পর্সনশিংনা ওজাশিংগী মেন্তরশিংগী রোল লৌগনি।