পঞ্চায়তী রাজ মন্ত্রালয় অমসুং দ্রিঙ্কিং ৱাতর অমসুং সেনিতেসন দিপার্তমেন্ত, জল শক্তি মন্ত্রালয়না লৈবাক অসিগী রাজ্য ২৮দা লৈরিবা রুরেল লোকেল বোদি লাখ ২.৬৩গীদমক্তা গ্রান্ত-ইন-এদ ওইনা পীফম থোকপা লুপা কোতি ১৫১৮৭.৫০ অসি শেলথুম মন্ত্রালয়না জুলাই ১৫, ২০২০দা কায়থখ্রে। মসি শেনবা চহী ২০২০-২০২১গীদমক্তা ১৫শুবা ফাইনান্স কম্মিসন্না (এক্স.ভি.-এফ.সি.) হায়বা তাইদ গ্রান্তকী শরুক অমনি অমসুং হায়রিবা অসি লৈবাক্কী ওইনা অহানবা থাক্তা লৈরিবা ওপন-দিফিকেসন ফ্রী (ও.দি.এফ.) ফিভমগী সেনিতেসন অমসুং শেন্ননবগীদমক, থক্নবা ঈশিং পীবা, নোঙগী ঈশিং য়োকপা অমসুং ঈশিং রিসাইকল তৌবগুম্বা তঙাই ফদ্রবা সেবাশিংগীদমক্তা আর.এল.বি.শিংনা শিজিন্ননবনি।

লৌউশিংউ অমসুং লৌউবশিংগী য়াইফ য়ুম্বাল, খুঙ্গং চাউখৎপা অমসুং পঞ্চায়তী রাজকী মন্ত্রী শ্রী নরেন্দ্র সিংহ তোমারনা ৱারোল অসি পীরদুনা হায়খিবদা আর.এল.বি.শিং অসিনা কোবিদ-১৯গী লায়চৎকী ইরাং থেংনরিবা মতমদা মখোয়দা শেনফম অসি থাদোকপগী থৌওং অসি য়াম্না মতাং চাবনি হায়খি।  আর.এল.বি.শিংনা শেনফম অসি লৈবনা খুঙ্গংগী মীওইশিংদা চংদ্রবা য়াদ্রবা সেবা কয়া নিংথিনা পীবা হেনগৎহনগনি অমসুং কোবিদ-১৯না মরম ওইদুনা ময়ুমদা হল্লক্লবা মাইগ্রেন্ত শিন্মীশিংদা থবক পীবা ঙম্নবা মপাঙ্গল হেনগৎহনবতা নত্তনা খুঙ্গংগী ইনফ্রাস্ত্রকচরশিং কান্নবা মওংদা  ফগৎহনবদশু তেংবাংগনি।

মখা তাবা ৱারোল পীরদুনা শ্রী তোমারনা হায়খিবদা পঞ্চায়তী রাজ মন্ত্রালয়না হায়রকপগী মতুং ইন্না জুলাই ১৫, ২০২০দা শেলথুম মন্ত্রালয়না রাজ্য ২৮গী রুরেল লোকেল বোদি লাখ ২.৬৩গী পীফম থোকপা গ্রান্ত-ইন-এদ লুপা কোতি ১৫১৮৭.৫০ থাদোকখ্রে হায়খি। মসি আর.এল.বি.শিংনা মফমগী মতুং ইন্না লৈবা তঙাই ফদবশিংদা শিজিন্ননবা শেনবা চহী ২০২০-২০২১গীদমক্তা ১৫শুবা ফাইনান্স কম্মিসন্না হায়বা অনতাইদ গ্রান্তকী শরুক অমনি।

১৫শুবা ফাইনান্স কম্মিসন্না (এক্স.ভি. এফ.সি.)না শেনবা চহী ২০২০-২১গী ওইবা মখোয়গী ইন্তেরিম রিপোর্ত পীশিনখি অমসুং ভারত সরকারনা লোকেল বোদিশিংগী ওইবা হায়জবশিং অদুবু য়াবিখি। কম্মিসন্না শেনবা চহী ২০২০-২১গী রুরেল লোকেল বোদিশিংগী ওইবা গ্রান্ত অসিগী অপুনবা শেনফম লুপা কোতি ৬০৭৫০ না য়াৎথোকখি অমসুং মসিনা ফাইনান্স কম্মিসন্না থাদোকখিবা চহী অমগী ওইবা খ্বাইদগী য়াম্বা শেনফম ওইখি।

কম্মিসন অসিনা রাজ্য ২৮গী মঙা অমসুং  তরুকশুবা সেদ্যুলগী মফমশিংগী ত্রেদিস্নেল বোদিশিং য়াওনা পঞ্চায়তী রাজকী তায়র খুদিংমক্কী ওইনা শরুক অনি থোক্না, মিং ওইনা পল্লবদা (১)বেসিক গ্রান্ত অমসুং (২) তাইদ গ্রান্ত,  গ্রান্ত-ইন-এদ পীবগী অয়াবা পীখি। গ্রান্ত অসিগী চাদা ৫০গী শরুক্তি বেসিক গ্রান্তকিনি অমসুং অতোপ্পা ৫০% অসিনা তাইদ গ্রান্তকিনি। বেসিক গ্রান্তশিং অসি অন্তাইদনি অমসুং তোলোব অমসুং অতোপ্পা চাদিং য়াওদবিদা আর.এল.বি.শিংনা শিজিন্নবা য়াগনি। তাইদ গ্রান্তশিং অসি (ক) ওপন-দিফিকেসন ফ্রী (ও.দি.এফ.) ফিভমগী সেনিতেসন অমসুং শেন্ননবগীদমক অমসুং (খ) থক্নবা ঈশিং পীবা, নোঙগী ঈশিং য়োকপা অমসুং ঈশিং ঈশিং রিসাইকল তৌবগুম্বা তঙাই ফদ্রবা সেবাশিংগীদমক্তা শিজিন্ননবনি। আর.এল.বি.শিংনা য়ারিবমখৈ হায়রিবা গ্রান্ত অসিগী তংখায়গী শেনফমদি পনখ্রিবা মরু ওইবা সেবাশিং অসিগীদমক্তা শিজিন্নবা য়াগনি। তৌবতবু, করিগুম্বা আর.এল.বি. অমনা সেবা অমগী তঙাই ফদবশিং অসি মপুং ফানা পাংথোকপা ঙম্লবদি মসিনা অতোপ্পা সেবা কাংলুপ অদুদা লেমহৌরিবা শেনফমশিং অসি শিজিন্নবা য়াগনি।

রাজ্য সরকারনা এক্স.ভি. এফ.সি. গ্রান্তশিং অসি খাইদগী নৌবা স্তেৎ ফাইনান্স কম্মিসন (এস.এফ.সি.)না হায়বদা য়াখ্রবা রিকম্মেন্দেসনশিংদা য়ুম্ফম ওইদুনা অমসুং মখাদা পীরিবা এক্স.ভি. এফ.সি.না পীরিবা বেন্দশিংগী মতুং ইন্না পাঞ্চায়ৎকী তায়র খুদিংমক্তা- খুঙ্গং, ব্লোক অমদি জিলা অমসুং মঙাশুবা অমসুং তরুকশুবা সেদ্যুলগী মফমশিংগী ত্রেদিস্নেল বোদিশিংদা য়েন্থোক্কনি।

• খুঙ্গং/গ্রাম পঞ্চায়ৎ ৭০-৮৫%
• ব্লোক/হকথেংনবা পঞ্চায়ৎ ১০-২৫%
• জিলা পঞ্চায়ৎ ৫-১৫%
• খুঙ্গং অমসুং জিলা পঞ্চায়ৎ খক্তমক লৈবা তায়র অনিগী পথাপ লৈবা রাজ্যশিংগী ওইনদি য়েন্থোকপা অসি খুঙ্গং/গ্রাম পঞ্চায়ৎকী বেন্দগী ৭০-৮৫% অমসুং জিলা পঞ্চায়ৎকী ওইনা ১৫-৩০% গী মওংদা য়েন্থোক্কনি

রাজ্য শিনবা থুংবদা লৈবা তায়রশিংগী ওইনা চান্নবা পোৎশিংদা তায়র য়েন্থোকপা (মঙাশুবা অমসুং তরুকশুবা সেদ্যুলগী মফমশিং য়াওনা) অসি মফমদুগী মীশিং অমসুং লমগী পাক চাউবদা য়ুম্ফম ওইদুনা খ্বাইদগী নৌবা এস.এফ.সি.না য়াখিবগী মতুং ইন্না ৯০:১০গী রেসিওদা পাংথোক্কনি।

পঞ্চায়তী রাজ মন্ত্রালয়না আর.এল.বি. খুদিংগী থাক্তা থাদরিবা শেনফমশিং অসিগী থৌরাং য়াৎনবা, য়েংশিন্নবা, হিশাব পানবা ৱেব/আই.তি. প্লেৎফোর্মশিং পীদুনা রাজ্যশিংনা এক্স.ভি. এফ.সি. গ্রান্তশিং অসি নিংথিনা শিজিন্ননবা তেংবাংগনি।

***