ভারতকী অমত্তা ঙাইরবা এভিএসন য়ুনিবর্সিতী, রজিব গান্ধী নেস্নেল এভিএসন য়ুনিবর্সিতী (আর.জি.এন.এ.য়ু.), অমেথি, উত্তর প্রদেশ্না মখোয়গী ২০২০গী অনৌবা সেসনগী কোর্সশিংগী মিং চনবগী থবক হৌরগনি হায়না লাউথোকখ্রে। কোর্সশিং অসিদা – এভিএসন সর্ভিসেস এন্দ এয়র কার্গোদা বেচেলর ওফ মেনেজমেন্ত স্তদিস (বি.এম.এস.) অমসুং পোস্ত গ্রেজুএৎ দিপ্লোমা ইন এয়রপোর্ত ওপরেসন্স য়াওরি। বি.এম.এস. অমসুং পি.জি. দিপ্লোমা কোর্সশিংগী ওনলাইন এপ্লিকেসনশিং থাজিল্লকপগী অরোইবা তাং অসি জুলাই ২৯, ২০২০ ওইগনি। তম্বা পাম্লিবা মহৈরোয়শিংনা য়ুনিবর্সিতীগী ৱেবসাইৎ- www.rgnau.ac.inতা ওনলাইনদা এপ্লাই তৌগদবনি।

শ্রী অম্বের দুবে, এক্তিং ভাইস চান্সেল্লর, রজিব গান্ধী নেস্নেল এভিএসন য়ুনিবর্সিতীনা হায়খি, "লৈবাক অসিদা এয়রপোর্ত মশিং হেনগৎলক্লি অমসুং অনৌবা এয়রপোর্ত খুদিংমক্না মশিং য়াম্লবা থবক্কী খুদোংচাবশিং ফংহল্লি। এবিএসন সেক্তর অসি চাউথোরকপগা লোয়ননা, ত্রেন তৌরবা এস্পিরেন্তশিংগী তুংগী আশা চাওনা লৈরগনি। আর.জি.এন.এ.য়ু.না হাংলিবা জোব ওরিয়েন্তেদ কোর্সশিংনা মহৈরোয়শিংবু মখোয়গী তুংলমচত্তা থেংনগদবা খুদোংচাবশিং অদুগীদমক শেম শাবীরি।"

কোর্সশীংগী অকুপ্পা ৱারোল মখাদা পীরি:

বেচেলর ওফ মেনেজমেন্ত স্তদিস (বি.এম.এস.) ইন এভিএসন সর্ভিসেস এন্দ এয়র কার্গো অসি চহি অহুমগী এপ্রেন্তিসশিপ য়াওবা দিগ্রী প্রোগ্রাম অমনি মসি লোজিস্তিক্স স্কিল কাউন্সিলগা লোয়ননা চুংশিন্নদুনা হাংবনি। কোর্স অসিগী ৩শুবা চহি অসিদা এয়রলাইনশিং, এয়রপোর্ত, কার্গো, এম.আর.ও., এ.তি.সি. অমসুং গ্রাউন্দ সর্ভিসেস কম্পনীশিংগা লোয়ননা ওন-দি-জোব এপ্রেন্তিসশিপ অমা য়াওগনি।

• ইলিজিবিলিতীঃ অঙ্কা নত্রগা বিজিনেস স্তেতিস্তিক্স নত্রগা বিজিনেস মেথমেতিক্স অসি সবজেক্ত অমা ওইনা লৌরকপা য়ামদ্রবদা ১০+২তা অপুনবদা ৫০% ফংলকপা কেন্দিদেৎশিংনা কোর্স অসিদা মি চনবা য়াগনি। এস.সি./এস.তি. কাংলুপ্তা চনবা কেন্দিদেৎশিংদা মার্ক ৫% কোমথোক্কনি। তম্নিংলিবা কেন্দিদেৎশিংনা ওগস্ত ৩১, ২০২০ ফাওবদা চহি ২১গী মখাদা লৈবা ওইগদবনি অমসুং ওক্তোবর ৩১, ২০২০ ফাওবদা ফাইনেল মার্কশিৎ পুথোকপা ঙমগদবনি।

পোস্ত গ্রেজুএৎ দিপ্লোমা ইন এয়রপোর্ত ওপরেসন্স (পি.জি.দি.এ.ও.) অসি থা ১৮কী জি.এম.আর. এভিএসন একাদেমীগা খুৎশম্নদুনা পাঙথোকপা কোর্স অমনি। কোর্স অসিদা য়ুনিবর্সিতি কেম্পসতা থা ১২গী ক্লাসরুম ত্রেনিং অমসুং জি.এম.আর. এয়রপোর্ত্তা থা ৬কী ইন্তর্নশিপ য়াওরি।

• ইলিজিবিলিতীঃ শকখঙলবা য়ুনিবর্সিতী অমদগী গ্রেজুএসন্দা অপুনবদা ৫০% ফংলকপা কেন্দিদেৎশিংনা কোর্স অসিদা মি চনবা য়াগনি। এস.সি./এস.তি. কাংলুপ্তা চনবা কেন্দিদেৎশিংদা মার্ক ৫% কোমথোক্কনি। মিং চনবা য়ানবগীদমক্তা কেন্দিদেৎ অমনা ওগস্ত ৩১, ২০২০ ফাওবদা চহি ২৫গী মখাদা লৈবা ওইগদবনি অমসুং ওক্তোবর ৩১, ২০২০ ফাওবদা ফাইনেল মার্কশিৎ পুথোকপা ঙমগদবনি।

এপ্লিকেসনগী মওং: কোর্স অনিমক্কী ওইনা আই.জি.এন.এ.য়ু.গী ৱেবসাইৎ http://www.rgnau.ac.in. খক্তদা চংলগা ওনলাইনদা এপ্লিকেসনশিং মেনশিনগদবনি। এপ্লিকেসন ফী অসি জেনরেল/ও.বি.সি. মহৈরোয়শিংগী ওইনা লুপা ৯৫০/- অমসুং এস.সি./এস.তি./পি.দবল্যু.দি. কাংলপশিংগী ওইনা লুপা ৪৭৫/- ওইগনি। এপ্লিকেসন ফী অসি নন-রিফন্দেবল ওই; বেঙ্ক নত্রগা পেমেন্ত গেৎৱেগী সর্ভিস চার্জ অসি এপ্লিকান্তনা পুথোক্কনি।

খনবগী মওং: ভারত পুম্বগী ওইনা য়েংগদবা নোংমাইজিং নুমিৎ ওগস্ত ১৬, ২০২০দা পাঙথোক্কদৌরিবা ও.এম.আর.দা বেজ তৌবা এন্ত্রান্স একজামিনেসনদা য়ুম্ফম ওইরগা কোর্স অনিমক্কী ওইনা কেন্দিদেৎশিং খনগনি।

রজিব গান্ধী নেস্নেল এভিএসন য়ুনিবর্সিতীগী মতাংদা

রজিব গান্ধী নেস্নেল এভিএসন য়ুনিবর্সিতী (আর.জি.এন.এ.য়ু.) অসি ভারতকী ওইনা ইহান হানবা অমসুং অমত্তা ঙাইরবা রজিব গান্ধী নেস্নেল এভিএসন য়ুনিবর্সিতী এক্ত, ২০১৩গী মখাদা উত্তর প্রদেশকী অমেথিদা লৈবা এভিএসন য়ুনিবর্সিতী অমনি। আর.জি.এন.এ.য়ু.গী থম্লিবা পান্দমদি এভিএসন ইন্দস্ত্রীদা লৈরিবা সব সেক্তর পুম্নমক্কী ওপরেসনশিং অমসুং মেনেজমেন্তকী থবকশিংদা মায় পাক্না মথৌ পাঙথোকপা ঙম্নবগীদমক এভিএসন স্তদীজ, তিচিং, ত্রেনিং, রিসর্চ তম্বীবা অমদি পীবনি। ভারতকী এভিএসন ইন্দস্ত্রী অসিদা লৈরিবা স্কিলগী অহোবা অসি মেনশিন্নবগীদমক য়ুনিবর্সিতী অসিনা প্রোগ্রাম অহুম পীরি – অন্দর গ্রেজুএৎ প্রোগ্রাম অমা, পোস্ত গ্রেজুএৎ প্রোগ্রাম অমা, অমসুং বেসিক ফায়র ফাইতিংদা সর্তিফিকেৎ কোর্স অমনি। য়ুনিবর্সিতী অসিদা ই.দি.পি./এম.দি.পি.শিংসু হান্ননা শিনফমদা লৈজরবা মিদ লেবেল অমসুং সেনিয়র এভিএসন প্রোফেসনেলশিংবু ৱাখল লৌশিং পীনবগীদমক পাঙথোক্লি। য়ুনিবর্সিতী অসিগী মরমদা অহেনবা ঈ পাউ খঙবীনবগীদমক www.rgnau.ac.in দা চঙবীয়ু।

***