কেন্দ্রগী গৃহ মন্ত্রী শ্রী অমিত শাহনা ঙসি ৱর্ল্দ য়ুথ স্কিল্স দেগী য়াইফ পাউজেল পীরক্লি‍। ত্বীত অমদা শ্রী অমিত শাহনা হায়খি, “থৌরম অসিনা পি.এম. শ্রী নরেন্দ্র মোদীগী মীৎয়েং শাল্লবা লুচিং মখাদা পায়খৎখিবা স্কিল ইন্দিয়া মিসনগী চহী মঙা ফারকপবুসু তাক্লি”‍।

কেন্দ্রগী গৃহ মন্ত্রীনা মখা তাখিবদা, “স্কিল ইন্দিয়ানা লৈবাকসিগী নহাশিংবু অচুমবা স্কিল সেতশিং পীশিন্দুনা মখোয়গী মতিং হেনগৎহন্দুনা মপাঙ্গল কনখৎহল্লি অমদি মখোয়গী মরক্তা ওন্ত্রপ্রিন্যুরসিপকী ৱাখল্লোনগী ইনোৎ হাপ্পদা অচৌবা শক্লোন লৌরি”‍।

থবক থিরিবশিংবু থবক পীবা ওইননবা পুক্নীং থৌগত্তুনা স্কিল ইন্দিয়ানা পি.এম. মোদীগী মরোমদোম লেপচবা ভারতগী মংলান মংফাওনহনবদা চাউনা মতেং ওইগনি‍ হায়বা মহাক্কী থাজববুসু শ্রী অমিত শাহনা ফোঙদোকখি‍।

স্কিল ইন্দিয়া অসি ভারতকী নহাশিংবু থবক ফংবা হেন্না য়াননবা অমদি মখোয়গী থবক্তা হেন্না হৈশিংবা হেনগৎহন্নবা স্কিল সেতশিং পীশিনদুনা মখোয়বু মপাঙ্গল কলহন্নবা পান্দমদা হৌদোকখিবা ভারত লৈঙাক্কী থৌরাং অমনি‍। স্কিল ইন্দিয়ানা নেসনেল স্কিল ক্বালিফিকেসন ফ্রেমৱর্ককী মখাদা ইন্দস্ত্রী অমসুং লৈঙাক অনিমক্না শকখঙলবা স্তেন্দর্দগা চানবা সেক্তর মখল মখা কয়াগী লমদা কোর্সশিং হাংদোক্লি‍। 

Greetings on World Youth Skills Day, this occasion also marks #5YearsofSkillIndia Mission under the visionary leadership of PM @narendramodi.

Skill India has been empowering the youth of the country by enhancing their inner potential by providing them with the right skill sets.

— Amit Shah (@AmitShah) July 15, 2020

In the last five years, Skill India has played a major role in boosting the spirit of entrepreneurship among the youth. By encouraging the job seekers to become job givers, I am sure that this will go a long way in realising PM @narendramodi ji’s vision of #AatmaNirbharBharat.

— Amit Shah (@AmitShah) July 15, 2020

*****