দবল্যু.ঐচ.ও.গী গাইদেন্স নোৎ “কোবিদ-১৯গী হীরম অসিদা মীয়ামগী হকশেল অমসুং খুন্নাইনা পায়খৎকদবা খোঙথাংশিংগা চান্নবা মীয়ামগী হকশেলগী ক্রাইএরিয়া”না চিংনবা কেসশিংগী পাকশন্না সর্বিলেন্স চত্থনবা পাওতাক পীখ্রে। অমরোমদা চিংনবা কেসশিংগী সর্বিলেন্স অমসুং তেস্ত পাকশন্না তৌবগী ৱাখল্লোন অসি শন্দোক্না তাক্লদুনা দবল্যু.ঐচ.ও.না হায় লৈবাক অমনা মীশিং মিলিয়ন অমদা নোংমদা তেস্ত ১৪০ তৌবা মথৌ তাই হায়না পাওতাক পীখি।

স্তেৎশিং/য়ু.তি.শিংগা লোয়ননা কেন্দ্র সরকারনা পুন্না অমসুং কন্না হোৎনবনা ভারতকী স্তেৎ/য়ু.তি. ২২দা নোংমদা মিলিয়ন অমদা তেস্ত ১৪০ হেন্না তেস্ত তৌবা হান্ননা ঙমখ্রে। স্তেৎশিং/য়ু.তি.শিংদা দবল্যু.ঐচ.ও.গী তেস্ত তৌবগী চাংশিংগী পীরিবা পাওতাক অসিগা চান্ননবা তেস্ত তৌবগী চাং অসি হেনগৎনবা চাং নায়না য়াথং পীরি

লৈবাক অসিদা কোবিদ-১৯গী তেস্ত তৌবা হেনগৎলকপগী মরু ওইবা মরমশিংগী মরক্তা অমদি কোবিদ-১৯গী তেস্তিং লেবশিংগী নেৎৱার্ক লেপ্পা লৈতনা চাওথোরক্লিবা অসিনা ওইগনি। লৈঙাক্কী লেব ৮৬৫ অমদি লন্নাইগী লেব ৩৫৮গা লোয়ননা ঙসি ফাওবদা অপুনবা তেস্তিং লেব ১২২৩ লৈবা ঙমখ্রে‍। তেস্ত তৌনবা গোল্দ স্তেন্দর্দকী মথক্তা আর.তি.-পি.সি.আর., ত্রুনেত অমসুং সি.বি.এন.এ.এ.তি. অসিসু ফেসিলিতী চাওথোকপদা শীজিন্নরি।

• রিএল-তাইম আর.তি. পি.সি.আর.দা বেজ ওইবা তেস্তিং লেব: ৬৩৩ (লৈঙাক্কী: ৩৯১ + লন্নাইগী: ২৪২)
• ত্রুনেতদা বেজ তেস্তিং লেব: ৪৯১ (লৈঙাক্কী: ৪৩৯ + লন্নাইগী ৫২)
• সি.বি.এন.এ.এ.তি.দা বেজ তেস্তিং লেব: ৯৯ (লৈঙাক্কী ৩৫ + লন্নাইগী ৬১)

জনুৱারী ২০২০দা লেব অমা খক লৈরম্বদগী মার্চ ২০২০দা লেব ১২১ লৈদুনা ঙসি লেব ১২২৩ লৈবা ঙমদুনা লেবোরেতরী মশিং অসি অসি য়াম্না চাওনা হেনগৎখ্রে।

হৌখিবা পুং ২৪গী মনুংদা সেম্পল ৩,২০,১৬১ তেস্ত তৌখ্রে। ঙসি ফাওবদা তেস্ত তৌখিবা সেম্পলগী অপুনবা মশিং ১,২৪,১২,৬৬৪ শুখ্রে। ভারত্তা মিলিয়ন অমদা তৌবা তেস্তকী চাং অসি লেপ্পা লৈতনা ৱাংখৎলক্লি। ঙসি ৮৯৯৪.৭ য়ৌখ্রে। জুলাই ১৪, ২০২০দা নোংমা খক্তদা তেস্ত লাখ ৩.২ হেন্না তৌখি।

তেক্নিকেল ইসু, চৎন-কাংলোন অমদি পাউতাক ৱারোলশিংগা মরী লৈনবাকোবিদ-১৯গী মতাংদা অচুম্বা অমদি অনৌবা ৱাফমশিংগীদমক চাং নাইনা চঙবিয়ু: https://www.mohfw.gov.in/ অমসুং  @MoHFW_INDIA

কোবিদ-১৯গা মরী লৈনবা তেক্নিকেল ওইবা ৱাহংশিং technicalquery.covid19[at]gov[dot]in দা অমদি অতোপ্পা ৱাহংশিংনা ncov2019[at]gov[dot]in অমদি @CovidIndiaSeva দা থারকপা য়াগনি‍।

কোবিদ-১৯গী মতাংদা হংবিনিংবা লৈরগনি, হকশেল অমদি য়াইফ-য়ুম্বাল মন্ত্রালয়গী তেংবাং নম্বরদা কোল তৌবিয়ু: +91-11-23978046 নৎত্রগা 1075 (তোল ফ্রী). কোবিদ-১৯গী মতাংদা স্তেত/য়ু.তি.শিংগী তেংবাং নম্বরশিংগী লিস্ত ফংফম https://www.mohfw.gov.in/pdf/coronvavirushelplinenumber.pdf

***