নীতি আয়োগ

কোবিদ-১৯ থেংনবা লম্বীশিং থিরিবা স্তার্দঅপশিং শৌগৎনবা অতল ইন্নোবেসন মিসন্না মিনিস্তরশিং, পার্তনরশিংগা পুল্লে

ভর্চুএল কোবিদ দেমোশিং পরিং নাইনা শীল্লে

Posted On: 14 JUL 2020 6:41PM by PIB Imphal

কোবিদ-১৯ লাইচৎ অমসুং মালেমগী শেন-থুমগী থবকশিং লেপখিবা অসিনা মালেমগী শেন-থুমদা অচৌবা চৈথেং অমা পীরকপদগী, মখা তানা কোবিদ-১৯ থেংননবা অমসুং কোবিদ-১৯ থেংনবা অনৌবা লম্বীশিং থিরিবা স্তার্দঅপশিং শৌগৎনবা নিতি অয়োগকী অতল ইন্নোবেসন মিসন্না মিনিস্তরশিং, পার্তনরশিংগা পুননা থবক পায়খৎপা হৌরে।

কোবিদ-১৯ থেংননবা অনৌবা ৱাখল্লোনশিং পুথোকপা ঙমগদবা অফবা স্তার্দঅপশিং মশক খঙদোক্নবা অমসুং মখোয়না পুথোকপা পাম্বৈশিং লৈবাক শীনবা থুংনা শীজিন্ননবা অতল ইন্নোবেসন মিসন্না পরিং নাইনা চৎথরকপা ভর্চুএল কোবিদ-১৯ দেমো-দেশিং ঙসি পাংথোকখ্রে।  

সরকারগী লুপশিং হায়বদি বাইওতেক্নোলোজি ইন্দস্ত্রি রিছর্স এসিস্তেন্স কাউন্সিল(বিরাক), বাইওতেক্নোলোজি দিপার্তমেন্ত; সাইন্স অমসুং তেক্নোলোজি দিপার্তমেন্ত, স্তার্দঅপ ইন্দিয়া, এ.জি.এন.এল.আই অমসুং অতোপ্পা মিনিস্ত্রিশিংগা লোয়ননা ভারত সরকারগী প্রিন্সিপাল সাইন্তিফিক এদভাইজর দোক্তর বিজয় রগাবন অমসুং নিতি অয়োগকী মেম্বর(হেল্থ) দোক্তর বিনোদ পাউলগী লমজিং মখাদা থবক অসি পায়খৎপনি।

কোবিদ-১৮গা মরী লৈনবা স্তার্দ-অপ ১,০০০গী মনুংদগী ভর্চুএল কোবিদ-১৯ দেমো-দেশিংগীদমক স্তার্দ-অপ ৭০ হেন্না খনগৎলে। হায়রিবা স্তার্দ-অপশিং অসি ফন্দ, মেনুফেকচরিংগী খুদোংচাবশিং, সপ্লাই চেন অমসুং লোজিস্তিক অমসুং অফবা ভেন্দরশিং ফংনবা হোৎনবা মতেং পাংগনি।

অতল ইন্নোবেসন মিসনগী দিরেক্তর অমসুং নিতি অয়োগকী আর রমানন্না লুচিংদুনা মেদিকেলগী খুৎলায়শিং, পি.পি.ই, সেনিতাইজেসন, তেক্নোলোজিগী মতাংদা নুমিৎ ৯গী দেমোশিং পাংথোকখ্রে। মহাক্না হায়খি অপুনবা থবকশিং অসিনা ভারতনা কোবিদ-১৯ থেংননবা পায়খৎলিবা থবকশিংদা লৈরিবা অৱাৎপশিং মেনখৎপা ঙমগনি অমসুং হৌজিক ওইরিবা ফিবম অসিদা মতেং পাংনবা স্তার্দ-অপশিংদা খুদোংচাবা মফম অমা পীবা ঙম্লগনি।

মহাক্না হায়খি পুথোকলিবা পাম্বৈশিং অসিগী অফবা মগুনশিং অমসুং অৱাবা তারবা মতম অসিদা মখোয়গী শীজিন্নফম অসিনা ভারতকী ওন্ত্রেপ্রেনিয়রসিপকী থবকশিংদা লৈরিবা অনৌবা পুথোকপা ঙম্বা অদু উৎলে।

দি.বি.তিগী সেক্রেতরি দোক্তর রেনু শ্বারুপনা হায়খি কোবি-১৯ দেমো পাংথোকপদা উৎলিবা অফবা নৌবা পোৎথোকশিং অমসুং তেক্নোলোজিশিং অসিনা কোবিদ-১৯ থেংনবদা অচৌবা মতেং ওইরগনি।

দি.এস.তিগী সেক্রেতরি প্রোফেসার অসুতোস শর্মনা হায়খি হৌখিবা চহি ৬ অসিদা সরকারগী দিপার্তমেন্তশিংনা ইন্নোবেতরশিংগা লোয়ননা পায়খৎখিবা থবকশিং অসিনা অৱাবা তারবা মরম অসিদা শীজিন্নরে। অতল ইন্নোবেসন মিসন অমসুং দি.এস.তিগী মতেংগা লোয়ননা স্তার্দ-অপ ৬০ হেনবনা কোবিদ-১৯গা মরী লৈনবা পোৎথোকশিং পুথোক্নবা হৌজিক থৌরাং তৌরিবা অসিনা স্তার্দ-অপশিংগী থবকশিং মাইপাকপা অদু উৎলে।

হায়রিবা ভর্চুএল দেমো নুমিৎ অসিগী মহৈ ওইনা, স্তার্দ-অপ ৫০ হেনবা অমসুং তোঙান-তোঙানবা ইনভেস্তরশিং/লুপশিংগী মরক্তা মরী ৩৪০ হেন্না থম্নখি।

অমরোমদা, ওর্গনাইজরশিংনা স্তার্দঅপশিংদা তেস্তিং, কৈথেল অমসুং জি.ই.এমদা পোর্তেলদা রেজিস্তার তৌবগী মতাংদা মতেং পাংখি।

সরকারগী থবকশিং থাগৎলদুনা, ৱেস্ত ইন্দিয়া, ইন্দিয়ান এঞ্জেল নেতৱার্ককী রিজনেল হেদ কানচি দাইয়ানা হায়খি স্তার্দঅপশিং শক্তি পীবা, ইন্নোবেসন পুক্নিং থৌগৎপা অমসুং কোবিদ-১৯ থেংননবা সরকারগী দিপার্তমেন্তশিং অমসুং লনাই লুপশিং পুনশিনবা অসি অচৌবা থবক অমনি।

মেকগিকস মেকাত্রোনিক্সকী মাইকৈদগী হায়খি, দেমো দেশিং পাংথোকপা অসিনা শেন্দোং তান্নবা থবকশিং পায়খৎপদা থেংনরিবা খুদোংচাদবশিং কোকহনবদা মতেং পাংলে অমসুং মখা তানা অফবা পাউতাকশিং ফংখি। থৌরম মনুংদা তুংদা কান্নবা পুরক্কদবা স্তার্দ-অপশিং ঐখোয়না থেংনখি।

ভর্চুএল দেমো অদুদা অতল ইন্নোবেসন মিসনগী প্রোগ্রাম দিরেক্তর, নিতি অয়োগকী ইসিতা অগরৱাল, ইনক্লুসিব গ্রোথ য়ু.এন.দি.পিগী লুচিংবা অমিৎ কুমার, সোলুসন্স মেপ্পিংগী মকোক, এলেলেতর লেব, নাসকোমগী দিরেক্তর , স্তার্দ অপ ইন্দিয়া, ইনভেস্ত ইন্দিয়া অমসুং অতৈ শক্নাইরবা কয়া শরুক য়াখি।

****



(Release ID: 1638639) Visitor Counter : 7