রেলৱে মন্ত্রালয়

ইন্দিয়ন রেলৱেনা হেন্না শাফবা মওংদা চৎনবগীদমক কোবিদ মতুংগী ওইবা কোচ শেমখ্রে

রেল কোচ ফেক্তরী, কাপুর্থালানা কোবিদ-১৯ থেংননবগীদমক কোবিদ মতুংগী ওইবা কোচকী মওং অমা পুথোকখ্রে

কোবিদ মতুংগী ওইবা কোচ অসি খুৎনা শোকহন্দবা এমিনিতীশিং পীরবা, কোপ্পরনা কুপ্লবা থোংনা, প্লাজমা এয়রপ্যুরিফায়র অমসুং তাইতনিয়ম দাই-ওক্সাইদ কোতিং হাপতুনা শেম্বনি

Posted On: 14 JUL 2020 2:26PM by PIB Imphal

ইন্দিয়ন রেলৱেনা কোবিদ-১৯ ভাইরস লাইনা শন্দোকপা থিংননবা তোঙান-তোঙানবা খোংথাং কয়া অমা লৌখৎলি। কোবিদ-১৯গী মাইয়োক্তা থেংনরিবা হনবা লৈত্রবা লানফম অসিবু তুং কোইনা লৈহৌনবগীদমক, ইন্দিয়ন রেলৱেগী প্রদক্সন য়ুনিৎ অমা ওইরিবা রেল কোচ ফেক্তরী, কাপুর্থালানা কোবিদ-১৯ থেংননবগীদমক কোবিদ-১৯ মতুংগী ওইবা কোচ অমা পুথোকখ্রে। মসিগী কোবিদ-১৯গী মতুংগী কোচ অসিদা দিজাইনগী ওইবা হেন্না ফরবা মওং য়াওরি, মখোয়শিংগী মনুংদা কোবিদ য়াওদ্রবা মীয়ামগী খোংচৎ অমা ওইনবগীদমক  খুৎনা পায়হন্দবা এমিনিতীশিং, কোপ্পরনা কুপ্লবা থোংনা, প্লাজমা এয়রপ্যুরিফায়র অমসুং তাইতনিয়ম দাই-ওক্সাইদ কোতিং য়াওরি।

মখাগীশিং অসি কোবিদ মতুংগী কোচ অসিগী তোপ-তোপ্পা মগুনশিংনিঃ

            ১. খুৎনা পায়নদবা এমিনিতীশিং: কোবিদ মতুংগী ওইবা কোচ অসিদা খোঙনা নোমদুনা ঈশিং য়ানবা অমসুং সাপোন কাপথোক্নবা, খোঙনা শীজিন্নবা অমাংশঙগী থোঙ (মপান), খোঙনা শীজিন্নবা ফ্লশ ভাল্ভ, খোঙনা শীজিন্নবা অমাংশঙগী পুনা, মপান্দা লৈবা খুৎ চাম্ফমশিংদা খোঙনা শীজিন্নবা ঈশিংগী কোঞ্জিন, অমসুং সাপোন কাপথোক্নবা অমসুং কাশিংগী থোঙদা পাম্বোমনা শীজিন্নবা য়াবা থোঙনা অসিনচিংবা খুৎনা শোক্নরোইদবা এমিনিতীশিং য়াওরি।

            ২. কোপ্পর কুপ্লবা হেন্দত্রেল অমসুং পুনাশিং: কোবিদ মতুংগী কোচশিং অসি কোপ্পর কুপ্লবা হেন্দত্রেল অমসুং পুনাশিং য়াওরি, মসিগী মরমদি কোরীনা মঙোন্দা পল্লকপা মহীকশিংগী মগুন পুং খরগী মনুংদা হন্থহল্লি। কোরীদা এন্তি মাইক্রোবেক্তিরিএলগী মগুন য়াওরি। ভাইরসনা কোরীদা হেক থেংবগা আইওন্না পেথোজেনশিং পোখাইহনলি অমসুং ভাইরসকী মনুংদা য়াওরিবা দি.এন.এ. অমসুং আর.এন.এ. অদু মাঙহনলি।

            ৩. প্লাজমা এয়র প্যুরিফিকেসনঃ কোবিদ মতুংগী কোচশিং অসিগী এ.সি. দক্তশিংদা প্লাজমা এয়রগী খুৎশু খুৎলাইশিং য়াওবগী অয়াবা ফংলে। মসিগী প্লাজমা ইয়রগী খুৎলাইশিং অসিনা এ.সি. কোচশিংগী মনুংদা নুংশিত্তা য়াওবা অমসুং লৈমাইদা লৈবা মহীক মতাংশিং আইয়োন য়াওরবা নুংশিৎনা হাত্তুনা কোচ অসি কোবিদ-১৯ লৈত্রবা অমসুং পার্তিক্যুলেৎ মেত্তর রেজিস্তেন্ত লৈত্রবা কোচ অমা ওইহল্লি। মসিগী প্রোবিজন অসিনা আইওনগী কূংবগী চাংসু ১০০ আইওন/সেন্তিমিতরদগী ৬০০০ আইওন/সেন্তিমিতরদা হেনগৎহল্লগনি।

            ৪. তাইতনিয়ম দিওক্সাইদ কোতিং: কোবিদ মতুংগী কোচশিং অসিগী কোচশিং অসি তাইতনিয়ন দাই-ওক্সাইদ কোতিং তৌই। নেনোগী মওং মতৌ ওইবা তাইতনিয়ম দাইওক্সাইদ কোতিং অসিনা ফোতোএক্তিব মতিরিএল ওইনা মথৌ তৌই। হায়রিবসি অকোইবদা অকাইবা পীদবা ঈশিংদা য়ুম্ফম ওইবা কোতিং অমনি মসিনা ভাইরসশিং, বেক্তরিয়া, মোল্দ অমসুং ইশং কাহনবু হাৎলি অমসুং মরুওইনা মনুংদা লৈরিবা নুংশিৎসু হেংগৎহল্লি। হায়রিবসি হু চেন্দে অমসুং য়ুনাইতেদ স্তেৎস ফুদ এন্দ দ্রগ এদমিনিস্ত্রেসন (এফ.দি.এ.), সি.ই.না অয়াবা পীরি। আই.আই.ও.২ অসি অকায়বা পীদবা পোৎশক অমনি অমসুং মীওইবদা অকায়বা থোকহন্দে। মসিগী তাইতনিয়ম দাইওক্সাইদ কোতিং অসি খুৎ হাম্ফম, অমাংশঙ, ফম্ফম অমসুং বর্থ, চাক চাফম তেবল, মিংশেলগী থোংনাও অমসুং মীওইবনা হেক থেংবা য়াবা মফমশিংদা তৈরি। কোতিং অমুক তৌখিবনা থা ১২ কান্নবা ফংগনি।

***



(Release ID: 1638531) Visitor Counter : 7