এপ্রিল ১১, ২০২০দগী হৌদুনা জুলাই ১২, ২০২০ ফাওবা লোকস্ত সর্কল ওফিসরশিং (এল.সি.ও.শিং)না  রাজস্থান, মধ্য প্রদেশ, পঞ্জাব, গুজরাত, উত্তর প্রদেশ অমসুং হরিয়ানা স্তেৎশিং অসিগী লম হেক্তর ১,৬০,৬৫৮দা লোকস্ত কন্ত্রোল ওপরেসন চত্থখ্রে। জুলাই ১২, ২০২০ ফাওবা রাজস্থান, মধ্য প্রদেশ, পঞ্জাব, গুজরাত, উত্তর প্রদে, মহারাস্ত্র, ছত্তিসগর, হরিয়ানা অমসুং বিহার স্তেৎশিংগী স্তেৎ সরকারনা লম হেক্তর ১,৩৬,৭৮১দা লোকস্ত কন্ত্রোল ওপরেসন চত্থখ্রে।

জুলাই ১২-১৩, ২০২০গী লোন্নবা অহিংদা রাজস্থানগী জিলা ৭ মদুদি বার্মর, জেসলমর, জোধপুর, বিকানের, শ্রীগঙ্গানগর, চুরু, ঝুনঝুনু, অমসুং অলৱর হায়রিবশিংগী মফম ২৬তা, উত্তর প্রদেশকী গোরা জিলাগী মফম অমদা অমসুং হরিয়ানাগী ভিৱানি অমসুং মহেন্দ্রাগর জিলাগী মফম ২দা এল.সি.ও.শিংনা কন্ত্রোল ওপরেসনশিং চত্থখি। মসিগী মথক্তা মশা-শাগী স্তেৎ লৌউ-শিংউ বিভাগশিংনা হরিয়ানাগী ভিৱানি অমসুং মহেন্দ্রাগর জিলাগী মফম ২দা; অমসুং উত্তর প্রদেশকী সিতাপুর অমসুং গোরা জিলাশিংগী মফম ২দা মশিং য়ামদবা অমদি চাইথোক্লগা লৈবা কৌজেংশিংদা জুলাই ১২-১৩, ২০২০গী লোন্নবা অহিংদা কন্ত্রোল ওপরেসনশিং চত্থখি।

হৌজিক রাজস্থান, গুজরাত, মধ্য প্রদেশ, অমসুং উ্তর প্রদেশকী স্তেৎশিংদা স্প্রে য়াওবা গারিগা লোয়ননা কন্ত্রোল তীম ৬০ মথৌ তৌরি অমসুং কেন্দ্র সরকারগী পর্সনেল ২০০ হেন্না লোকস্ত কন্ত্রোল ওপরেসনশিংদা শীজিন্নরি। মসিগী মথক্তা স্প্রেগী খুৎশু-খুৎলাই ২০ ঙসি ভারত্তা য়ৌরকখ্রে অমসুং লোকস্ত কন্ত্রোলগীদমক শীজিন্নখ্রে। লাকশিনবগী চাং হেনগৎনবা, অহেনবা গারি ৫৫ লৈশিনখ্রে অমসুং লোকস্ত কন্ত্রোলগীদমক শীজিন্নখ্রে।

মখা তানা, অৱাংবা উ-পাম্বীশিং অমসুং মী চংবদা খুদোংচাদবা মফমশিংদা তিলহীদাকশিং কাপথোক্তুনা কৌজেং লাকশিন্নবা রাজস্থানগী বার্মর, জেসলমের, বিকানের, নাগোর অমসুং ফালোদিদা দ্রোন ১৫গা লোয়ননা কম্পনি ৫ থাজিনখ্রে। কৌজেং লাকশিন্নবা দ্রোনশিং শীজিন্নবা অহানবা লৈবাক ভারতনা ওইরি। মথৌ তাবগী মতুং ইন্না রাকাস্ধানগী সেদ্যুল দেজর্ত এরিয়াগীদা শীজিন্ননবা বেল হেলিকোপ্তর অমা দিপ্লোই তৌখ্রে। ইন্দিয়ন এয়র ফোর্সনসু এম.আই.-১৭ হেলিকোপ্তর অমা শীজিন্নদুনা এন্তি-লোকস্ত ওপরেসনশিংগী চাংয়েংশিং তৌখ্রে।

গুজরাত, উত্তর প্রদেশ, মধ্য প্রদেশ, মহারাস্ত্র, ছত্তিসগর, বিহার অমসুং হরিয়ানাদা মহৈ মরোং থোইদোক্না অমাং অতা থোকপগী পাউ লৈতে। অদুম ওইনমক রাজস্থানগী জিলা খরদা মহৈ-মরোং খরা অমাং অতা থোকপগী পাউ লাক্লি।

রাজস্থানগী বার্মর, জেসলমর, জোধপুর, বিকানের, ঝুনঝুনু, শ্রীগঙ্গানগর, অলৱর অমসুং  চুরু জিলাশি; উত্তর প্রদেশকী সিতাপুর অমসুং গোনদা জিলা অমসুং হরিয়ানাগী ভিৱানি অমসুং মহেন্দ্রাগর জিলাদা মপুং ফাদ্রিবা লৈ মচুগী কৌজেং অমসুং মপুং ফারবা হঙ্গাম মপালগী কৌজেংগী শঙ্গু লৈরি।

১. য়ু.পি.গী গোনদা জিলাগী য়াকুবপুর তহসিল কর্নলগঞ্চদা লোকস্ত কন্ত্রোল চত্থবা

২. হরিয়ানাগী অলৱরগী রামগরদা কন্ত্রোল ওপরেসন চত্থবা

৩. রাজস্থানগী চিৱারাদা কন্ত্রোল ওপরেসন চত্থবা

৪. রাজস্থানগী কসানিদা কৌজেং শীখিবা

***