نئی دہلی،  13 جولائی 2020،          سینٹرل بورڈ آف سیکنڈری ایجوکیشن (سی بی ایس ای) نے آج  بارہویں درجے کے نتائج کا اعلان کیا۔تریویندرم کی کارگزاری سب سے بہتر رہی ہے۔ وہاں پر  پاس ہونے والوں کا فیصد س97.67 ہے۔ اس کے بعد بنگلورو خطے میں پاس ہونے والوں کا فیصد 97.05 ہے جبکہ چنئی  96.17 فیصد  کے ساتھ تیسرے مقام پر ہے۔ امتحان میں  مجموعی طور پر 1192961 طلبا  بیٹھے تھے، جن میں سے 1059080 طلبا پاس ہوئے ہیں۔ اس سال پاس ہونے والوں  کا مجموعی فیصد  88.78 ہے جو گزشتہ سال سے 5.38 فیصد زیادہ ہے۔

سی بی ایس ای درجہ 12 بورڈ کے امتحانات 15 فروری 2020 سے 30 مارچ 2020 تک  منعقد کئے گئے تھے۔ کووڈ۔ 19 عالمی وبا پھیلنے کی وجہ سے  سی بی ایس ای کو  19 مارچ 2020  سے 30 مارچ 2020 تک کے  12 مضامین کے اور  شمال مشرقی دلی کے  طلبا کے 11 مضامیین کے امتحانات رد کرنے پڑے تھے۔  ان امتحانات یکم جولائی سے 15 جولائی  2020 تک کا وقت مقرر کیا گیا تھا۔

غیر یقینی اور غیر معمولی صورتحال کے پیش نظر اور  طلبا کی صحت اور  بھلائی کو  ذہن میں رکھتے ہوئے سپریم کورٹ آف انڈیا نے 26 جون 2020 احکامات جاری کئے تھے، جن میں  درجہ ذیل  معیارات پر  نتائج  کا اندازہ کرنے کے لئے  سی بی ایس ای کی اندازہ قدر کی اسکیم کو منظوری دی گئی۔

اندازہ قدر کی اسکیم

• درجہ 11 اور  12 دونوں کے  ایسے طلبا کے لئے جنہوں نے  اپنے تمام امتحانات  مکمل کئے ہیں، ان کی  امتحانات میں  کارکردگی کی بنیاد پر ان کے نتائج کا اعلان کیا گیا۔
• ایسے طلبا کے لئے  جو تین  سے زیادہ امتحانات میں بیٹھے ہیں، ان کی بہترین کارکردگی والے مضامین میں حاصل شدہ نمبروں  کا اوسط  ان مضامین میں دیا گیا ہے جن کے امتحانات  نہیں ہوئے ہیں۔
• ایسے طلبا کے لئے  جو محض تین مضامین کے امتحانات میں بیٹھے ہیں، ان کے بہترین کارکردگی والے 2 مضامین میں حاصل شدہ  نمبروں کا اوسط ان مضامین میں دیا گیا ہے، جن کے امتحانات نہیں ہوئے۔
• خصوصی طور پر دلی میں  درجہ 12 کے  بہت کم طلبا ایسے ہیں جو  محض ایک یا دو مضامین کے امتحانات میں بیٹھے ہیں۔ ان کا نتائج بھی ،  ان مضامین میں کارکردگی ، جن کے امتحانات میں وہ بیٹھ ہیں، اور  اندرونی  / پریکٹیکل/ پروجیکٹ کا اندازہ قدر  میں  کارگزاری کی بنیاد پر اعلان کیا گیا ہے۔ ان طلبا کو ، اگر وہ خواہش مند ہوں گے تو  ان کی کارکردگی بہتر بنانے کے لئے  سی بی ایس ای کے ذریعہ منعقدہ  متبادل امتحان میں بیٹھنے کی بھی اجازت ہوگی۔ ان طلبا کے نتیجے کا اعلان بھی  دیگر طلبا کے  ساتھ کیا جائے گا۔ **

متبادل امتحان کا موقع

• جیسے ہی مرکزی حکومت کے اندازے کے مطابق حالات سازگار ہوں گے اور فیصلہ کیا جائے گا ،سی بی ایس ای ا ن مضامین  کے متبادل امتحانات  کا  انعقاد کرے گا جو کہ  یکم جولائی سے 15 جولائی 2020 تک منعقد ہونے تھے۔
• جن امیدواروں  کی نتائج  کا اندازہ قدر کی اسکیم کی بنیاد پر اعلان کیا گیا ہے، انہیں  خواہش مند ہونے کی صورت میں  اپنی کارگزاری بہتر بنانے کے لئے  ان متبادل امتحانات میں بیٹھنے کی اجازت دی جائے گی۔ ان متبادل امتحانات میں  امیدوار کے ذریعہ حاصل کئے گئے نمبروں کو  ان امیدواروں کے لئے آخری سمجھا جائے گا جنہوں نے ان کے لئے امتحان دی ہے۔

** لیکن  مذکورہ معیارات کی بنیاد پر بھی  400 طلبا کے نتائج کا  حساب نہیں لگایا جاسکے ہے اور اس  لئے ان کے نتائج کا اعلان نہیں کیا گیا ہے۔

متبادل امتحانات کا انعقاد

متبادل امتحانات  میں بیٹھنے کے لئے کون سے طلبا اہل ہیں اور  متبادل امتحانات کی تاریخوں کا اعلان حکومت ہند کے مشورے سے بعد میں کیا جائے گا۔

کمپارٹمنٹ امتحان کا انعقاد

ان  امتحانات کے پروگرام  کا اعلان  سی بی ایس ای کے ذریعہ، حکومت ہند کے مشورے سے بعد میں کیا جائے گا۔

فیل کی جگہ لازمی دہرانا اصطلاح کا استعمال

سی بی ایس ای نے ‘فیل’ کی جگہ ‘لازمی دہرانا’ اصطلاح کا استعمال کرنے کا فیصلہ کیا ہے۔ اس لئے  اعلان شدہ نتائج میں  امیدواروں کو جاری کئے جانے والے دستاویزوں  اور ویب سائٹ پر دیئے جانے والے نتائج میں  ‘فیل’ اصطلاح استعمال نہیں کی جائے گی۔

اسناد ڈیجی لاکر میں

• امیدواروں کی ڈیجیٹل مارک شیٹ  پاس کرنے اور مائیگریشن کی  اسناد  ، اسکل سرٹی فکیٹ بھی ڈیجی لاکر میں دستیاب ہیں۔ڈیجی لاکر کھاتے کی تفصیل  طلبا کو  پہلے ہی سی بی ایس ای میں رجسٹر ان کے موبائل نمبر پر بھیج دی گئی ہے۔
• سرٹی فکیٹ  گوگل پلے پر دستیاب ڈیجی لاکر  موبائل ایپ  (https://play.google.com/store/apps/details?id=com.digilocker.android) یا  ایپل ایپ اسٹور (https://apps.apple.com/in/app/digilocker/id1320618078) سے  بھی ڈاؤن لوڈ کئے جاسکتے ہیں۔ لاگ ان کرنے کے لئے  سی بی ایس ای سے رجسٹر موبائل نمبر، او ٹی پی  کو استعما کریں اور سکیورٹی پن کے طور پر اپنے رول نمبر کے آخری 6 ڈیجٹ درج کریں۔

دوبارہ جانچ  اور دوبارہ اندازہ قدر  

بورڈ کے ذریعہ طریقوں کی تفصیل جلد ہی  بتائی جائے گی

درجہ 12 کے نتائج  کا تجزیہ درج ذیل ہے:

1۔

2۔

3۔

4۔

5۔

6۔

7۔

8۔

9۔

10۔

11۔

۔۔۔۔۔۔۔۔۔۔۔ ۔

م ن۔  ا گ۔ن ا۔

(13-07-2020)

U-3884