সেন্ত্রেল বোর্দ ওফ সেকেন্দরী ইদুকেসন (সি.বি.এস.ই.)না ঙসি ক্লাস ১২গী পরিখা হায়দোকখ্রে। মফম ময়ামগী মনুংদগী ত্রিবেন্দ্রম্না চাদা মায় পাকপগী চাং ৯৭.৬৭% ওইদুনা খ্বাইদগী ফজখি অমসুং বেঙ্গালোরনা ৯৭.০৫% ওইদুনা অনিশুবা অমসুং চেন্নইনা ৯৬.১৭% ওইদুনা অহুমশুবা ওইখি। মহৈরোয় অপুনবা ১১,৯২,৯৬১না পরিখা থাখি অমসুং মহৈরোয় ১০,৫৯,০৮০না মায় পাকখি। মায় পাকপগী চাদা ওইবা অপুনবা অসি ৮৮.৭৮% ওইখি অমসুং মমাংগী চহীদগী ৫.৩৮% হেনখি।

সি.বি.এস.ই.গী ক্লাস ১২গী পরিখা অসি তাং ১৫/০২/২০২০দগী ৩০/০৩/২০২০ ফাওবগী মনুংদা পাংথোক্নবা লেপখি। অদুবু কোবিদ-১৯গী লায়না শন্দোরকপদগী তাং ১৯/০৩/২০২০দগী ৩০/০৩/২০২০ ফাওবগী মনুংদা থোকপা সবজেক্ত ১২গী অমসুং অৱাং-নোংপোক দিল্লীগী মহৈরোয়শিংগীনা সবজেক্ত ১১গী পরিখা খুদিংমক লেপ্পা তাখি। মসিগী পরিখাশিং অসি জুলাই ১-১৫ ফাওবগী মনুংদা অমুক পাংথোক্নবা মতম লেপখ্রে।

করি থোক্লক্কনি খংদবা, মমাংদা অমুক্তা থোকখিদ্রিবা ওইবা অমসুং মহৈরোয়শিংগী হকশেল অমসুং তেক্ত কায়দবগী ৱাফমশিং খন্নরবা তুংদা ভারতকী সুপ্রীম কোর্তনা মখাদা পীরিবা ফিভমশিং অসিগী মতুং ইন্না পরিখাগী মহৈ লাউথোক্নবা সি.বি.এস.ই.গী এসেস্মেন্ত তৌবগী স্কিম্বু অয়াবা পীবগী ৱারোল অমা ২৬/০৬/২০২০দা থোকখি। ফিভমশিং অদুদিঃ

এসেসমেন্ত স্কিম

ক) পরিখা খুদিংমক লোয়খ্রবা ক্লাস ১০ অমসুং ১২গী মহৈরোয়শিংগী ওইনদি মখোয়না পরিখাদা পাংথোকখিবশিং অদুদা য়ুম্ফম ওইরগা রিজল্ত হায়দোক্কনি।

খ) সবজেক্ত অহুমদগী হেন্না থাখিবা মহৈরোয়শিংগী ওইনদি খ্বাইদগী নিংথিনা থাখিবা পরিখা অহুমদা ফংবা মার্ক্কী চাংচৎ অদু থাহৌদবা পরিখাগী সবজেক্তশিংদা পীগনি।

গ) সবজেক্ত অহুমখক্তা থাখিবা মহৈরোয়শিংগী ওইনদি খ্বাইদগী নিংথিনা থাখিবা পরিখা অনিদা ফংবা মার্ক্কী চাংচৎ অদু থাহৌদবা পরিখাগী সবজেক্তশিংদা পীগনি।

ঘ) সবজেক্ত ১ নত্ত্রগা ২ খক্তা থাখিবা দিল্লীগী ক্লাস ১২গী মহৈরোয়শিংগী মশিং খরা য়ামদে। মখোয়গী ওইনদি মখোয়না থাখিবা পরিখাশিং অমসুং ইন্তর্নেল/প্রেক্তিকেল/প্রোজেক্তশিংগী এসেসমেন্তকী মতুং ইন্না রিজল্ত হায়দোকখি। মখোয়না পাম্লবদি মখোয়গী মার্ক হেন্না ফজহন্নবগীদমক সি.বি.এস.ই.না পাংথোকপা ওপসনেল পরিখাদা শরুক য়াবা য়াগনি। মসিগী মহৈরোয়শিংগী রিজল্ত অসি অতোপ্পা মহৈরোয়শিংগা লোয়ননা হায়দোক্কনি।

ওপসনেল পরিখা থাবগী খুদোংচাবা

• ২০২০গী জুলাই ১দগী ৫ ফাওবগী মনুংদা পাংথোক্কনি লেপখিবা পরিখাশিংগী ওইনা কেন্দ্র সরকারনা য়ারে হায়না ৱারেপ লৌরবা তুংদা সি.বি.এস.ই.না মতম অসিগী মনুং চনবা সবজেক্তশিংগী ওইনা ওপসনেল পরিখা পাংথোক্কনি।
• এসেসমেন্ত স্কিমদা য়ুম্ফম ওইরগা রিজল্ত হায়দোকপদা য়াওখিবা মহৈরোয়শিংনা পাম্লবদি মখোয়গী মার্ক হেন্না ফজহন্নবা হায়রিবা ওপসনেল পরিখা অসি থাবা য়াগনি। মহৈরোয় অমনা মসিগী পরিখা অসিদা থাদুনা ফংবা মার্কনা অরোয়বা ওইনা লৌগনি।

** হায়রিবা ফিভম অসিদা য়ুম্ফম ওইরবা ফাওবদা মহৈরোয় ৪০০গী রিজল্ত হায়দোকপা ঙমখিদে। মরম অদুনবা মখোয়গী রিজল্ততি মতম খরা লৈরগা হায়দোক্কনি।

ওপসনেল পরিখা পাংথোকপা

ওপসনেল পরিখা অসি থানিংবা মহৈরোয়শিংগী ৱারোল লৌবগী মতম অমসুং পরিখাগী নুমিৎশিংদি ভারত সরকারগা খন্নরবা তুংদা লাউথোক্কনি।

কম্পার্তমেন্তেল পরিখা পাংথোকপা

সি.বি.এস.ই.না পরিখা অসিগী পাংথোক্কদবা নুমিৎশিংদি ভারত সরকারগা তান্নরবা তুংদা লাউথোক্কনি।

 ‘ফেল’ হায়বা ৱাহৈগী মহুত্তা ‘ইসেন্সিএল রিপীৎ’ ওইনা হায়বা

সি.বি.এস.ই.না ‘ফেল’ হায়বগী মহুত্তা ‘ইসেন্সিএল রিপীৎ’ হায়বা ৱাহৈ শিজিন্ননবা ৱারেপ লৌখ্রে। মরম অদুনা মহৈরোয়শিংদা পীরকপা চে-চাংশিং অমসুং ৱেবসাইত্তা ফোংবা রিজল্ততা ‘ফেল’ হায়বা ৱাহৈ অমত্তা পল্লরোই।

দিজিলোক্করদা সর্তিফিকেৎ ফংবা

• মহৈরোয়শিংগী মার্কশিৎ, মায়-পাকপগী অমসুং মাইগ্রেসন সর্তিফিকেৎ, স্কিল সর্তিফিকেৎশিং অসি দিজিলোক্করদা ফংগনি। সি.বি.এস.ই.দা রেসজিস্তর তৌখিবা মহৈরোয়শিংগী মোবাইল নম্বরশিংদা দিজিলোক্কর একাউন্তকী ৱারোলশিং এস.এম.এস.কী খুত্থাংদা থাখ্রবনি।
• গুগল প্লেদা (https://play.google.com/store/apps/details?id=com.digilocker.android) নত্ত্রগা এপল এপ স্তোরদগী (https://apps.apple.com/in/app/digilocker/id1320618078) দিজিলোক্কর মোবাইল এপ দাউনলোদ তৌদুনা সর্তিফিকেৎশিং য়েংবা অমসুং দাউনলোদ তৌবা য়াগনি। মসিদা লোগ-ইন তৌননবা সি.বি.এস.ই.দা রেজিস্তর তৌখিবা মোবাইল নম্বর, ও.তি.পি. অমসুং মখোয়গী রোল নম্বরগী অরোয়বা দিজিৎ ৬ অদু সেক্যুরিতী পিন ওইনা শিজিন্নগদবনি।

হন্না চেক তৌবা অমসুং ইবালুৱেসন তৌবা

মসিগী অকুপ্পা ৱারোলদি বোর্দনা অথুবা মতমদা হায়রক্কনি।

ক্লাস ১২গী রিজল্ত নৈনবসি মখাদা পীরিঃ

১.

২.

৩.

৪.

৫.

৬.

৭.

৮.

৯.

১০.

১১.

***