শেল-থুম মন্ত্রালয়

শেলথুম মন্ত্রী শ্রীমতি নিরমলা সিতারামন্না প্রধান মন্ত্রী ফসল বিমা য়োজনা হঙ্গৎনা য়েংশিনখ্রে

খংহন্নবা হোৎনবগী থবকশিং পাংথোকপগী মরু ওইবশিং অমসুং ফংফম থোকপশিং মতম চানা ফংহন্নবা রাজ্যশিংনা প্রিমিয়ম সবসিদী মতম চানা পীথোকপগী তঙাই ফদবগী মতাংদা ৱাফম থমখ্রে

Posted On: 13 JUL 2020 6:52PM by PIB Imphal

কেন্দ্রগী শেলথুম অমসুং কোর্পোরেৎ এফিয়ার্স মন্ত্রী শ্রীমতি নিরমলা সিতারামন্না লুচিংদুনা ঙসি ভিদিও কনফরেন্সিংগী খুত্থাংদা প্রধান মন্ত্রী ফসল বিমা য়োজনা (পি.এম.এফ.বি.ৱাই.) থবক ওইনা পাংথোকপগী মতাংদা য়েংশিনবগী মীফম অমা ফমখ্রে। মীফম অদুদা শ্রী দেবাসিশ পন্দা (সেক্রেতরী ফাইনেন্সিএল সর্বিস); শ্রী সঞ্জয় অগরৱাল (সেক্রেতরী দি.এ.সি. এন্দ এফ.দবল্যু.); ফাইনেন্সিএল বিভাগ, লৌউ-শিংউবা বিভাগকী সেনিয়র ওফিসিলেশিং অমসুং ফার্মর্স ৱেলফিয়ার (দি.এ.সি. এন্দ এফ.দবল্যু.), পি.এম.এফ.বি.ৱাই. থবক ওইনা পাংথোক্লিবা জেনেরেল ইন্স্যুরেন্স কম্পেনীশিং অমসুং সেদ্যুল কম্মর্সিএল বেঙ্কশিংনা শরুক য়াখি।

মীফম অদুদা লৌউ-শিংউ, কো-ওপরেসন অমসুং এফ.দবল্যু.গী বিভাগনা খরিফ ২০১৬দগী হৌখিবা পি.এম.এফ.বি.ৱাই.গী খোংচৎকী মতাংদা শেম্বা প্রজেন্তেসন অমা উৎখি। মদুদা মসিনা থেংনরকপা খুদোংচাদবশিং অমসুং মরু ওইনা পি.এম.এফ.বি.ৱাই. শেমদোক্লা মতুংদা ওইরিবা হৌজিক্কী খরিফ ২০২০ কুমগী ওইবা থবক ওইনা পাংথোকপগী ফিভমশিংশু নৈনখি।

লৌউবশিংগী মরক্তা মসিগা মরী লৈনবা ৱারোলশিং অসি শন্দোক্তুনা মখোয় পুম্নক্না স্কিম অসিগীদমক্তা থোক্লকহন্নবা থবকশিং পাংথোকপগী তঙাইফদবশিং অমসুং ফংফম থোকপশিং মতম চানা ফংহন্নবা রাজ্যশিংনা প্রিমিয়ম সবসিদী মতম চানা পীথোকপগী তঙাই ফদবগী মতাংদশু শেলথুম মন্ত্রীনা ৱাফম কয়া থমখি। শ্রীমতি সিতারামন্না লৌউবশিংনা ফংফম থোকপশিং ফংহন্নবা হায়দুনা মরু ওইনা কান্নবা পীথোক্ত্রিবা অমসুং খরিফ ২০২০গী ওইনা স্কিম অসিগী থবক হৌদ্রিবা রাজ্যশিংদা হীরম অসিগী মতাংদা অকনবা শেন্নবগী থৌওং পাংথোকপগী মতাংদশু পনখি।

দি.এ.সি. অমসুং এফ.দবল্যু.গী সেক্রেতরীনা তেক্নোলোজী শিজিন্নবা অমসুং বিভাগ অসিনা ইং ২০২৩ ফাওবগী মনুংদা স্কিম অসিদগী ফংবশিং তেক্নোলোজী শিজিন্নদুনা মপুং ফানা য়েংশিন্নবা হোৎনবা হায়বসিনা নৌনা শেমদোক্লবা পি.এম.এফ.বি.ৱাই. মরু ওইবা মিয়েং চংবা হীরম্নি অমসুং নৌনা শেমদোক্লবা পি.এম.এফ.বি.ৱাই.গী কান্নবশিং অসি খংবা ঙম্নবা রবি-২০২০-২১গী মতুংদা সর্বে অমসু পাংথোক্কনি হায়না ফোংদোকখি।

***



(Release ID: 1638428) Visitor Counter : 2