ঙসি ১৫সুবা ফাইনান্স কমিসন্না হেল্থ অমসুং ফেমিলি ৱেলফিয়ারগী য়ুনিয়ন মিনিস্তর দোক্তর হর্স ভরধন অমসুং হেল্থ মিনিস্ত্রিগী সেনিয়র ওফিসিএলশিংগা লোয়ননা মীফম অমা পাংথোকখ্রে অমসুং ৱাফমশিং অসি খন্নখি:

• কোবিদ-১৯ লাকপদগী মিনিস্ত্রিদা পুখৎলকপা রাজ্যগী অখন্নবা ৱাফমশিং অমুক খন্নবা।
• শেন-থুমগী অৱাবা লাক্লিবা অসি কোকহন্নবা অনৌবা লম্বী থিদোকপা।
• হেল্থ মিনিস্ত্রিদা ১৫সুবা ফাইনান্স কমিসন্না পীরকপা পাউতাকশিং খন্নবা।

মীফম অদুদা ১৫সুবা ফাইনান্স কমিসনগী চেয়রমেন, এন.কে সিংহনা হায়খি লাইচৎ অসিগী ফিবমনা মরম ওইদুনা কমিসন্না সরকারদা পীখৎকদবা অরোইবা রিপোর্ততা হকশেলগী মতাংদা তোখাইবা তাঙ্কক অমা হাপ্লগনি। কেন্দ্র সরকারনা কাইথোক্লিবা শেনফমশিং, ফিবমশিংগী মখা পোন্না সেক্তরশিংদা পায়খৎলিবা অখন্নবা থবকশিং অমসুং হকশেলগী মচাক-মথুমশিং শেমগৎনবা কমদৌনা শেন খাক্তুনা থম্বগে হায়বগী মতাংদা কমিসন্না মিনিস্ত্রিদগী খঙবা পাম্লি।

ভারতকী হকশেলগী থবকশিং ফগৎহন্নবা থম্লিবা মহাক্কী পান্দমশিং হেল্থ অমসুং ফেমিলি ৱেলফিয়ারগী য়ুনিয়ন মিনিস্তর দোক্তর হর্স ভরধননা ফোংদোকখি অমসুং লম অসিদা অমুক হন্না মরুওইনা লৌবগীদমক কমিসন অসি থাগৎখি।

নেসনেল হেল্থ পোলিসি(এন ঐচ পি) ২০১৭গী পান্দমশিংগী মতাংদা মিনিস্ত্রিনা কমিসন্না ফোংদোকখিবা ৱাফমশিং অদুদা য়াওরি :

• ২০২৫ ফাওবা জি.দি.পিগী চাদা ২.৫ মীয়ামগী হকশেলগী থবক্তা থাদবা
• অপুনবা হকশেলগী শরুক অহুম থোকপগী শরুক অনি প্রাইমারি হেল্থগী থবকশিংদা শীজিন্নবা
• ২০২০দা রাজ্যশিংগী বজেৎকী চাদা ৮ হেন্না হকশেলগী থবকশিংদা শীজিন্নবা।

হৌজিক মীয়ামগী হকশেলগী থবকশিংদা থাদরিবা শেনফমগী চাদা ৩৫ কেন্দ্র সরকারনা পুথোক্লি অমসুং চাদা ৬৫না রাজ্য সরকারশিংনা পুথোক্লি। মরুওইবা সহরগী হকশেলগী থবকশিংদা মরুওইবা মিৎয়েং থমদুনা লাইচৎ অসিনা মরম ওইদুনা মীয়ামগী হকশেলগী থবকশিং ফগৎহনবা তঙাইফদে হায়বা ৱাফম মিনিস্ত্রিনা পুখৎখি। চহি চহিগী ওইনা হেল্থ অমসুং ফেমিলি ৱেলফিয়ার মিনিস্ত্রিদা পীরিবা চাকথুং হেনগৎহনবা দরকার ওইরে হায়না মিনিস্ত্রিনা থমখি।

মখাগী মওং অসিদা হেল্থ অমসুং ফেমিলি ৱেলফিয়ার দিপার্তমেন্তনা অকক্নবা গ্রান্তশিং হেনগৎহন্নবা ৱাফম পুখৎখি -

অনতাইদ ফন্দশিংগীদমক :

• য়ামদ্রবদা শরুক অহুম থোকপগী শরুক অনি প্রাইমারি হেল্থগী খাক্তুনা থম্লগা ফন্দগী চাদা ১০ হকশেলগী থবকশিংগী খাক্তুনা থমগদবনি  
• প্রাইমারি হেল্থ কিয়ারগী লমদা রাজ্যশিংদা ফন্দ ৱাৎলিবা অসি য়েংলগা রাজ্যশিংনা অহেনবা ফন্দ ফংনবা মতেং পাংগদবনি অমসুং হকশেলগী লমদা শেন থাদবদা মরুওইনা লৌগদবনি।

থবকশিংদা য়ুম্ফম ওইরগা মতেং পীবগীদমক :

• রাজ্যশিংনা চহি চহিগী ওইনা পাংথোকপা থবকশিং উৎনবা পুক্নিং থৌগৎনবা কম্পোজিৎ হেল্থ ইন্দেক্স শীজিন্নগদবনি অমসুং থবকশিংদা য়ুমফম ওইদুনা চাদা ২০ খুদোংচাবা পীগদবনি

দরকার ওইরবা ফন্দশিংগীদমক মিনিস্ত্রিনা কমিসন্দা অমুক শেমদোক্লবা প্রোপোজেল অমা পীশিনখ্রে। ১৫শুবা ফাইনান্স কমিসন্না শৌগৎপা দরকার ওইবা অনৌবা হিরমশিংদা য়াওরি -

• সহরগী হকশেল, তঙাইফদবা হিদাক-লাংথকশিং, দি.এন.বি কোর্সশিং হৌদোকপা অমসুং কোবিদ মতুংগী হকশেলগী অহোংবশিং
• হায় লেবেল গ্রুপকী ৱারেপশিং খন্নবা
• ফন্দশিংগী শরুক খর বেক-লোদিং তৌবা
• ২০২১-২২দগী ২০২৫-২৬দা ১৫শুবা ফাইনান্স কমিসন্না পীগদবা শেনফম অদু লুপা করোর লাখ ৪.৯৯দগী লুপা করোর লাখ ৬.০৪দা হেনগৎহনবা

হকশেলগী মতাংদা ১৫শুবা ফাইনান্স কমিসনগী হাই লেবেল গ্রুপনা পুখৎলকপা ৱাফমশিং মিনিস্ত্রিনা খন্নরবা মতুংদা মমাংদা লুপা করোর লাখ ৪.৯৯ দরকার ওইরম্বা অদু লুপা করোর লাখ ৬.০৪ দরকার ওইরে হায়না ফন্দ অদু নৌনা অমুক শেমদোক্লে। নেসনেল হেল্থ মিনসনগী পান্দমশিং ফংবা ঙম্নবা চহিদা জি.দি.পিগী চাদা ০.৪ রাজ্যশিংদা অহেনবা ওইনা পীনবা মিনিস্ত্রিনা তকশিনখি।

মতেং পীনবা মিনিস্ত্রিনা মশক খঙদোক্লবা মরুওইবা থবকশিং অদুদি -

• দিস্ত্রিক হোস্পিতালশিংদা মেদিকেল কোলেজশিং লিংখৎপা
• এল্লাইদ হেল্থকিয়ারদা হৈশিংলবা শিন্মী মিল্লিয়ন ১.৫ ত্রেনিং পীবা
• পি.এম.এস.এস.ৱাইগী মখাদা সুপর স্পিসিএলিতি ব্লোকশিং লিংখৎপা
• প্রাইমারি হেল্থকিয়ারশিং য়াওনা হকশেলগী থবকশিং ফগৎহনবা

মিনিস্ত্রিনা পুখৎলকপা ৱাফমশিং কমিসন্না খঙজিনখি অমসুং মীয়ামগী হকশেলগী থবকশিংদা শেন থাদবা হেনগৎপা দরকার ওইরে হায়বা য়াখি। মসিগীদমক রাজ্যশিংগা মখা তানা থবক তৌমিন্নবা দরকার ওইবা হেনগৎলে। ঙসিগী মীফম অসিদা পুখৎলকপা ৱাফমশিং কমিসন্না মরুওইনা লৌগনি হায়রি।

******