কেন্দ্রগী রোদ ত্রান্সপোর্ত, হাইৱেজ অমসুং এম.এস.এম.ই.শিংগী মন্ত্রী শ্রী নীতিন গদকারিনা লাক্লিবা ১৪দা হরিয়ানাদা লুপা কোতি ২০,০০০গী মথক্তা ওইবা অনৌবা ইকোনোমিক কোরিদোরগী শরুক অমা ওইনা হাইৱেশিংগী প্রোজেক্ত কয়া অমা শঙ্গাগদৌরি অমসুং উরেপ-উয়ুং তমগদৌরি। ৱেবতা য়ুমফম ওইবা থৌরম অসিদা হরিয়ানাগী মুখ্য মন্ত্রী শ্রী মানোহল লালনা সভাপতি ওইগদৌরি।

শঙ্গাগদৌরিবা প্রোজেক্তশিং অসিদা লুপা কোতি ১১৮৩ চংগদবা এন.ঐচ. ৩৩৪ বি.গী কি.মি. ৩৫.৪৫গী  রোহনা/ হাসনগরদগী ঝাঝার সেক্সন, লুপা কোতি ৮৫৭ চংগদবা এন.ঐচ. ৭১গী লেন- ৪ ওইবা কি.মি. ৭০গী পঞ্জাব- হরিয়ানা বোর্দরদগী জিন্দ সেক্সন অমসুং লুপা কোতি ২০০ চংগদবা এন.ঐচ. ৭০৯দা লেন ২গী কি.মি. ৮৫.৩৬গী লম্বিদা অহেনবা মতাই পাকথোকপা য়াওবা জিন্দ-কর্নাল হাইৱে য়াওরি।

উরেপ-উয়ুং তমগদৌরিবা প্রোজেক্তশিং অদুদা লুপা কোতি ৮৬৫০ চংগদবা পেকেজ ৮দা এন.ঐচ. ১৫২ দি.দা লেন-৬ ওইবা কি.মি. ২২৭গী ইস্মেলপুরদগী নার্নাউল ফাওবগী এক্সেস কন্ত্রোলদ গ্রীনফীলদ এক্সপ্রেসৱে, লুপা কোতি ১৫২৪ চংগদবা এন.ঐচ. ৩৫২ দবল্যু.গী লেন-৪ ওইবা কি.মি. ৪৬কী গুরুগ্রাম পাতাউদি-রেৱারি সেক্সন, লুপা কোতি ৯২৮ চংগদবা লেন-৪ ওইবা কি.মি. ১৪.৪গী রেৱারি বাইপাস, লুপা কোতি ১০৫৭ চংগদবা এন.ঐচ. ১১গী লেন-৪ ওইবা কি.মি. ৩০.৪৫গী রেৱারি-অতেলি সেক্সন, লুপা কোতি ১৩৮০ চংগদবা এন.ঐচ. ১৪৮ বি., এন.ঐচ. ১১  অমসুং ঐন.ঐচ. ১১গী  নার্নাউলদগী অতেলি মন্দি সেক্সন ফাওবগী লেন-৬ ওইবা কি.মি. ৪০.৮গী নার্নাউল বাইপাস,  লুপা কোতি ১২০৭ চংগদবা এন.ঐচ. ৩৫২ এ.গী লেন-৪ ওইবা কি.মি. ৪০.৬কী জিন্দ গোহানা (পেকেজ ১, গ্রীনফীলদ এলাইনমেন্ত), লুপা কোতি ১৫০২ চংগদবা এন.ঐচ. ৩৫২ এ.গী লেন-৪ ওইবা কি.মি. ৩৮.২৩গী গোহানা-সোনিপত সেক্সন, অমসুং লুপা কোতি ১৫০৯ চংগদবা এন.ঐচ. ৩৩৪ বি.দা লেন-৪গী কি.মি. ৪০.৪৭ শাংবা য়ুপি-হরিয়ানা বোর্দরগী রোহা ফাওবগি প্রোজেক্ত য়াওরি।

হায়রিবা প্রোজেক্তশিং অসিনা রাজ্য অসিগী মনুংদা খক্তা নত্তনা অতোপ্পা রাজ্যশিংদা খুদম ওইনা পঞ্জাব, রাজস্থান, দিল্লী অমসুং উত্তর প্রদেশতা  য়াম্না কোম্না চৎ-থোক চৎশিনগী থৌওং য়াহন্দুনা হরিয়ানাগী মীয়ামদা য়াম্না চাউনা খুদোংচাবা পীগনি। প্রোজেক্ত অসিনা মতম চংবা, থাও তিংবা অমসুং শেল চংবগী চাং হন্থহনগনি অমসুং রাজ্য অসিগী শোত্থরবা মফমশিংদা চাওখৎ-থৌরাংগী থবক্তা হেন্না মপাঙ্গল কনখৎহনগনি।

***