স্তেনেবল দিবেলপমেন্ত, ২০২০গী মতাংদা য়ু.এন.গী অৱাংবা থাক্কী পোলিতিকেল ফোরমদা নীতি আয়োগনা ভারতকী অনিসুবা ভোলুন্তরী নেস্নেল রিভ্যু (ভি.এন.আর.)  পুথোকখ্রে। ফোরম অসি স্তেনেবল দিবেলপমেন্ত গোলস (এস.দি.জি.) ১৭ ফংলিবরা হায়না য়েংশিল্লিবা মালেমগী মাংজিল থারিবা লুপ অমনি। নীতি আয়োগকী চেয়রমেন, দোক্তর রজিব কুমারনা ভি.এন.আর অসি পুথোকখি। দিকেত ওফ এক্সন: তেকিং এস.দি.জিস ফ্রোম গ্লোবেল তু লোকেল হায়না মিংথোনবা ইন্দিয়া ভি.এন.আর ২০২০ অসি নীতি আয়োগকী ভাইস-চেয়রমেন দোক্তর রজিব কুমার, নীতি আয়োগকী মেম্বর অমিতাব কান্ত অমসুং নীতি আয়োগকী এদভাইজর (এস.দি.জি.) শ্রীমতি সনয়ুক্তা সামাদারনা ফোংখি। কোবিদ-১৯ লাইচৎনা মরম ওইদুনা ভর্চুএল ওইনা পাংথোকলিবা চহি অসিগী অৱাংবা থাক্কী পোলিতেক ফোরমদা মেম্বর লৈবাক ৪৭না মখোয়গী ভি.এন.আরশিং ২০২০গী জুলাই ১০দগী জুলাই ১৬ ফাওবগী মনুংদা পুথোক্কনি।

য়ু.এন.গী ইকোনোমিক এন্দ সোসিএল কাউন্সিল (ইকোসোক)কী মখাদা চহিগী ওইবা অৱাংবা থাক্কী পোলিতিকেল ফোরম অসি নুমিৎ নিপালনি জুলাই থাদা পাংথোকই। ফোরম অসিদা মেম্বর লৈবাকশিংনা এজেন্দা ২০৩০ অমসুং এস.দি.জি.শিং পায়খৎপগী মতাংদা ভি.এন.আর.শিং পুথোক্কনি। মশা য়ানা পায়খৎলিবা থবকশিং অমুক হন্না য়েংশিনবগী থবক পাংথোকপনি অমসুং লৈবাকশিংনা থেংনরিবা শিংনবশিং অমসুং মাইপাকপশিং অমসুং মখোয়না খঙহৌবা পারাশিং পাউদমগনি। মরী লৈনবা এজেন্সিশিং পুল্লগা লৈবাক অমগী ভি.এন.আর. শেম্বগী থবক পাংথোকপনি। ভারতকী অহানবা ভি.এন.আর. ২০১৭দা নীতি আয়োগনা শেমখি অমসুং পুথোকখি।

ইন্দিয়া ভি.এন.আর ২০২০

অনিসুবা ওইনা পুথোকপা লৈবাকশিং হায়বদি বঙ্গলাদেস, জর্জিয়া, কেনয়া, মোরোকো, নেপাল, নাইজর, নাইজেরিয়া অমসুং উগান্দগা লোয়ননা ভারতনা লৈবাক অসিগী ভি.এন.আর পুথোকখি। পুথোকখিবা অদুদা অনিসুবা ভি.এন.আর শেমখিবগী থবকশি উৎপা অতেনবা ফিল্ম অমা য়াওখি অমসুং এস.দি.জিগী হিরমশিংদা ভারতকী অচৌবা মাইপাকপা খর য়াওখি।

মহাক্কী হৌদোক ৱারোলদা দোক্তর রজিব কুমারনা হায়খি অত্মানির্ভর ভারত কেম্পেনগী মখাদা লৈবাক অসিনা লাইচৎ অসি মাইপাক্না থেংনরি। ঐখোয়গী মরক্তা লৈরিবা খেন্নবশিং অমসুং মান্নদবশিং ঐখোয়না মাঙহনগদবনি অমসুং এস.দি.জিগী পান্দমশিং ফংবা ঙম্নবা হৌজিক ওইরিবা ফিবম অসি খুদোংচাবা অমা ওন্থোক্নবা পুন্না থবক তৌমিন্নগদবনি।

মহাক্না হায়খি কনাগুম্বা অমতা চিৎথহৌদনবা থবকশিং পায়খৎলে। লায়রবা কোকহন্নবা, চীঞ্জাক ফংহনবদা, মী খুদিংমক লাইরিক লৈহনবদা, মী খুদিংমক মৈ, চাক থোংনবা গ্যাস অমসুং সেনিতেসন ফংহনবদা ভারতনা শিংথাংনিঙাই ওইনা খুমাংচাউশিল্লে অমসুং মীওই মিল্লিয়ন ৫০০ কোনশিন্দুনা মালেমদা খ্বাইদগী চাউবা হেল্থ ইন্সুরেন্স পায়খৎলে।

নীতি আয়োগকী সি.ই.ও, অমিতাব কান্তনা হায়খি তুংকোইনা চৎনগদবা অওনবশিং পুরক্নবা এস.দি.জি পান্দমশিং ফংনবা অনৌবা থবক কয়া পায়খৎলে। মসিগী মতাংদা লৌশিং পীথোক-পীশিন তৌনদুনা রাজ্যশিং অমসুং য়ুনিয়ন তেরিতোরিশিংগী মরক্তা থবক য়াংনা পায়খৎলে।

চহি অসিদা ভারতকী ভি.এন.আর পুথোক্নবা নীতি আয়োগনা লোকেল গভরমেন্তশিং, সিবিল সোসাইতি ওর্গনাইজেসনশিং , মীয়াম অমসুং প্রাইবেদ সেক্তরগী মীওইশিংগা উনখি। মসিগী থবক অসিগী শরুক অমা ওইনা, নীতি আয়োগনা নুপীশিং, অঙাংশিং, অহলশিং, শোইনাইরবশিং, ঐচ.আই.ভিগা লোয়ননা হিংবশিং য়াওনা মীওই কাংলুপ ১৪গী সিবিল সোসাইতি ওর্গনাইজেসন ১০০০ হেনবগা জাতিগী থাক্তা খন্ন-নৈনবা ৫০ হেন্না পাংথোকখি।

ভাইস চেয়রমেন্না হায়খি মালেমগী ওইনা মতেং পাংনবগী থৌদাং অসি হান্নদগী হেন্না মরুওইরে। মালেমগী ওইনা পুন্না থবক তৌমিন্ননবা মফম অমা ওইরিবা ইন্তরনেসনেল সোলার এল্লাইন্স, কোলিএসন ফোর দিজাস্তর রিসিলিয়েন্স ইনফ্রাস্ত্রকচর শেম্বদা ভারতনা মাংজিল থারি অমসুং সেন্দাই ফ্রেমৱার্ক, য়ু এন কনভেন্সন তু কম্বেৎ দিজারতিফিকেসন অমসুং পেরিস ক্লাইমেত এগ্রিমেন্ত চৎহন্নবা মরুওইবা থৌদাং লৌরি।

রিপোর্ত পুথোক্লবা মতুংদা ইক্বেদর অমসুং বঙ্গালাদেস অমসুং সিবিল সোসাইতি ওর্গনাইজেসনশিং শরুক য়াদুনা রিনিউএবল ইনর্জি, শেন-থুম অমসুং লৈঙাক্কী থৌরাংশিংগী মতাংদা খন্ন-নৈনবা অমা পাংথোকখি।

দিকেত ওফ এক্সন: তেকিং এস.দি.জিস ফ্রোম গ্লোবেল তু লোকেল

থৌরম অসিদা ফোংখিবা ইন্দিয়া ভি.এন.আর ২০২০ রিপোর্ত অসিদা ভারত্তা পায়খৎলিবা ২০৩০ এজেন্দাগী মতাংদা মরিক চুম্বা ৱাফমশিং পাউদমখি। এস.দি.জি ১৭ গী থবকশিং অমুক হান্না য়েংশিনবগী মথক্তা লৈবাক অসিগী মফম কয়াদা এস.দি.জিশিংগী পান্দমশিং ফংনবা ভারতনা পায়খৎলিবা থবকশিংগী মতাংদসু পাউদমখি।

লৈবাক্কী কাচিন-কোয়া শীনবা থুংনা সি.এস.ওশিংনা মীয়ামগা ৱারি শানবদগী ফংলকপা দেতা, লৌশিং অমসুং থিজিনবগী মচাকশিংগী চেপ্তর অমা রিপোর্ত অসিদা য়াওরি। চেপ্তর অদুদা সিবিল সোসাইতি, এন.জি.ও অমসুং মীয়ামগী লুপশিংগী মরী লৈনবশিংনা পুখৎলকপা মরুওইবা ৱাফমশিং য়াওরি। মসিগা লোয়ননা ললোন-ইতিক অমসুং প্রাইবেত সেক্তরনা লৌগদবা থৌদাংশিংগী মতাংদসু য়াওরি।

এস.দি.জিশিং ফংনবা সাইন্স, তেক্নোলোজি অমসুং ইন্নোবেস শীজিন্নবা অমসুং এস.দি.জি ফংনবা থবক পায়খৎনবা শেন থাদবা হায়বা ৱাফম অসি চহি অসিদগী নৌনা হাপচিনখি।

এস.দি.জিশিং পায়খৎপা অমসুং য়েংশিনবগী থবকশিং জাতিগী থাক্তা অমসুং জিলাগী থাক্তা নীতি আয়োগনা পাংথোক্লি। খুন্নাই অসি অপুনবা ওইনা চাউখৎনবা অমসুং এস.দি.জিশিং ফংনবা নীতি আয়োগনা পায়খৎলিবা থবকশিংগী মমি ইন্দিয়া ভি.এন.আর ২০২০দা তারি।

ভারতকী ভি.এন.আর রিপোর্তকী লিঙ্কশিং : জুলাই ১৩ -

1. https://sustainabledevelopment.un.org/content/documents/26281VNR_2020_India_Report.pdf
2. http://niti.gov.in/un-high-level-political-forum

১. য়েৎতগী ওইরোমদা : দোক্তর ভি.এক পাউল, মেম্বর, নীতি আয়োগ, দোক্তর রজিব কুমার, ভাইস চেয়রমেন, নীতি আয়োগ, অমিতাব কান্ত, সি.ই.ও, নীতি আয়োগ অমসুং শীমতি সনয়ুক্তা সমাদার, এদভাইজর(এস দি জি) , নীতি আয়োগ, ইন্দিয়া ভি.এন.আর ২০২০ হৌদোকপা থৌরমদা।

২. স্তেনেবল  দিবেলপমেন্ত ২০২০গী য়ুনাইতেদ নেসন্স হায় লেবেল পোলিতিকেল ফোরমদা নীতি আয়োগকী ভাইস চেয়রমেন, দোক্তর রজিব কুমারনা ভারতকী অনিসুবা ভোলুন্তরি নেসনেল রিভ্যু পুথোকপা।

১.৩ স্তেনেবল  দিবেলপমেন্ত ২০২০গী য়ুনাইতেদ নেসন্স হায় লেবেল পোলিতিকেল ফোরমদা ইন্দিয়া ভি.এন.আর ২০২০ রিপোর্ত- দিকেদ ওফ এক্সন : তেকিং এস.দি.জিস ফ্রোম গ্লোবেল তু লোকেল পুথোকপা।

২.০. ভারতকী ভি.এন.আর রিপোর্তকী ইলুস্ত্রেসনশিং :

২.১. ভি.এন.আর রিপোর্ত শেম্বগী থবকশিংগী পাউদম

২.২. পোপুলেসন গ্রুপ ১৪ অমসুং প্রাইবেত সেক্তর য়াওনা মরী লৈনবশিং ৱা খন্নবা।

২.৩. লৈবাক শীনবা থুংনা জাতিগী থাক্তা খন্ন-নৈবা মীফম ১৪ পাংথোকখি।

২.৪. ভারত্তা এস.দি.জিশিং মফম অদুগী চুন্নবা মওংদা পায়খৎনবা মরুওইবা থবকশিং

২.৫. ইন্দিয়া ভি.এন.আর ২০২০- মাংলোমদা চঙশিনবা

***