হকশেল অমসুং য়াইফ-য়ুম্বাল মন্ত্রালয়

দা. হর্শ বর্ধন্না ছত্তারপুরগী সরদার পতেল কোবিদ ক্যের সেন্তর অমসুং হোস্পিতালদা চৎখ্রে

মেদিকেল স্তাফ অমসুং আই.তি.বি.পি. পর্সনেলনা থৱায় য়াওনা অমসুং কত্থোকপগা লোয়ননা মথৌ তৌবা অদু থাগৎখি

Posted On: 12 JUL 2020 5:08PM by PIB Imphal

কেন্দ্রগী হকশেল অমসুং য়াইফ য়ুম্বাল মন্ত্রালয়গী মন্ত্রী, দা. হর্শ বর্ধননা ন্যু দিল্লীগী ছত্তারপুরগী সরদার পতেল কোবিদ কেয়র সেন্তরদা (এস.পি.সি.সি.সি.) ঙসি চত্তুনা সেন্তর অসিগী কোবিদ-১৯ লাকশিনবগী ফীভম অদু য়েংশিনখ্রে। ফমুং ১০,২০০ লৈবা “সর্দর পতেল কোবিদ ক্যের সেন্তর” অসি দিল্লীগী ছত্তর্পুরগী রাধা স্বামি সতসঙ বীস (আর.এস.এস.বি.)দা কেন্দ্র অমসুং দিল্লী সরকারনা পুন্না চুংশিন্নদুনা লাকশিন্নবা খোংথাং কনখৎনবগী শরুক অমা ওইনা শেমগৎখি।

ফেসিলিতী অসি চত্তুনা অমসুং কুপ্না য়েংশিনখিবা অসিদা দা. হর্শ বর্ধননা স্তোরশিংদা ইন্সপেক্সন অমা চৎপগা লোয়ননা আর.এস.এস.বি.গী চাক থোংফম অদু য়েংশিনখি। হেল্থক্যের ফেসিলিতী অসিনা সেন্তর অসিদা লৈরিবা অনাবা মীওইশিংগী ইম্ম্যুনিতী কনখৎনবা নেচরোপেথী অমসুং অয়ুর্বেদাগী প্রোতোকলশিং ঙাকনা চৎলি। দাইতিসিয়নশিগী পাউতাক্কী মতুং ইন্না মখোয়বু অয়ুক্তা অয়ুর্বেদিক কধা পীরবা মতুংদা চাক পীজৈ অমসুং শঙ্গোমদা য়াইঙং হাপ্লগা পীথক্লগা নোংমদু লোইশিল্লি। পি.পি.ই. শেৎলবা মতুংদা হকশেল মন্ত্রীনা অনাবা মীওই ১২গা লোয়ননা ৱারী ৱাতাই শাখি অমসুং সেন্তর অসিদা মখোয়না ফংলিবা খুদোংচাবশিং অমসুং হেল্থক্যেরগী মথক্তা মখোয়গী হকশেলগী ওইবা মতাংদসু হাংখি। তোইলেৎশিংগী ফীভম বাওনা সেনিতেসন অমসুং হাইজিনগী মতাংদসু মহাক্না হাংখি। ক্যের অসিদা ফংলিবা অসিগী মতাংদা অনাবা মীওইশিংনা অপেনবা ফোঙদোকখি। দা. হর্শ বর্ধননা নর্সিং স্তেসিনশিংদসু চৎখি অমসুং সেন্তর অসি চল্লাইবদা মথৌ তৌরিবা সেনিতেসন ৱার্করশিং বাওনা কত্থোকপগা লোয়ননা থৱায় য়াওনা মথৌ তৌরিবা দোক্তরশিং, নর্সিং স্তাফবু থাগৎপা ফোঙদোকখি।

লায়না অসি নারুবদগী ফগৎলক্তুনা হৌজিক সেন্তর অসিদা মথৌ তৌরিবা কোবিদ ভোল্যুন্তীর ৩০গা লোয়ননা দা. হর্শ বর্ধননা ৱারী শাখি। মখোয়বু ‘কোবিদ লান্মী” কৌদুনা মহাক্না মখোয়গী কত্থোকপা অমসুং থৱায় য়াওনা হোৎনবা অসিবু থাগৎখি। সেন্তর অসি লিংখৎপা অমসুং নুমিৎ খুদিংগী চল্লাইবদা মতেং পাংলিবা মীওইশিংবুসু মহাক্না থাগৎখি। সেন্তর অসিগী তোপ-তোপ্পা মগুন অদুদি ফমুংশিং, ওক্সিজেন সিলিন্দরশিংগী মতেং পাংবগী খুত্থাংদা মখল কয়াগী দোনেসন তৌরিবা মীয়াম অমসুং দোনরশিংনা মতেং পাংবা অসিনি।

কেন্দ্রগী হকশেলগী মন্ত্রীদা ফেসিলিতী অসিগী মতাংদা পাউদমখিবদা, এস.পি.সি.সি.সি.দা লৈরিবা ফমুং ১০২০০গী মনুংদা হৌজিক্কী ওইনা ২০০০ শীজিন্নরি হায়না মঙোন্দা পাউদমখি। মসিদা এনক্লোজর ৮৮ লৈবদা অমদা ফমুং ১০০-১১৬ থারি লোয়ননা নর্সিং স্তেসন অমনা এনক্লোজর অনি য়েংশিল্লি। ঙসি ফাওবদা, এস.পি.সি.সি.সি.দা এনক্লোজর ২০ অমসুং নর্সিং স্তেসন ১০ শেম্বা লোইদুনা লৈরে। মসিগী ফমুং ১০%না ওক্সিজেন য়াওবা দেদিকেতেদ কোবিদ হেল্থ সেন্তর (দি.সি.ঐচ.সি.) ওইরি। ঙসি ফাওবদা অনাবা মীওই ১২৩ এদমিদ তৌরকপগী মনুংদা ৫না কো-মোর্বিদিতীশিং লৈবা ওইবনা অহেনবা মীৎয়েং চংনবা হোস্পিতালশিংসা হোংদোকখ্রে।

হেল্থক্যের ফেসিলিতী অসিদা ইন-হাউস সাইকোলোজিকেল কাউন্সিলিং অমসুং সাইকিয়াত্রী সর্ভিসশিং নিমহান্সকী ত্রেন তৌরবা কাউন্সেলরশিংনা পীরি। অনাবা মীওইশিংগী মেদিতেসন অমসুং য়োগ সেসনশিং পাঙথোক্লি অমসুং রিফরেল হোস্পিতাল, আই.তি.বি.পি.না তেলিমেদিসিন সপ্পোর্ত ফংহল্লি। দি.সি.ঐচ.সি.দা লৈরি ইন-হাউস মেদিকেল স্পেসিএলিস্ত পুম্নমক আই.তি.বি.পি.দগী: এনক্লোজর অমদা দোক্তর ১, স্তাফ নর্স ২ অমসুং পেরামেদিক্স ৩না সিফ অমদা পুরি। মেদিকেল তীম অসি নুমিৎ ৮গী মতুংদা ক্বারন্তিন তৌনবা থাই অমসুং মখোয়বু শিন্নবা অনৌবা স্তাফ লাকই। লোয়ননা মেদিকেল পর্সনেলগী চাদা ১০দি কন্তিনজেন্সী রেসর্ব ওইনা থম্মী।

কোবিদ সেন্তর অসিনা লৌখৎলিবা চেকশিন থৌরাংগী থাক অসি দা. হর্শ বর্ধননা অপেনবা ফোঙদোকখি। মহাক্না হায়, “ লৈবাক অসিগী মফম খুদিংমক্তা কোবিদ-১০ লান্থেংন্নবা ইকাইখুম্নরিবা প্রধান মন্ত্রীগী মীৎয়েং মখাদা লেপ্পা লৈতনা পব্লিক হেল্থক্যের ইনফ্রাস্ত্রকচর ফগৎহল্লি”। দিল্লী দিস্ত্রিক্ত ওথোরোতীশিং অমসুং আই.তি.বি.পি. পর্সনেলনা নুমিৎ ১০নিগী অতেনবা মতমগী মনুংদা পুন্না হোৎনখিবনা মরম ওইরগা ফেসিলিতী অসি শাবা ঙম্বনি হায়না মহাক্না ফোঙদোকখি। আই.তি.বি.পি. অমসুং বি.এস.এফ.কী দোক্তরশিংনা কতথোকপগা লোয়ননা মথৌ তৌবা অসি থাগৎলদুনা মহাক্না হায়, “ দেদিকেতেদ বেসিক ক্যের লাইফ সপ্পোর্ত এমব্যুলেন্স ১০, এক্স-রে, ওক্সিজেন সিলিন্দরশিং, বি ফাসিক দিফিব্রিলেতর কমপ্লেৎ, পল্স ওক্সিমিতরশিং, সক্সন মেছিনশিং অমসুং বি.আই. পি.এ.পি. মছিন অমসুং অতৈ অতোপ্পা মেদিকেল ইক্বিপমেন্ত য়াওবা মেসিকেল ফেসিলিতীগা লোয়ননা সেন্তর অসিনা কোবিদ-১৯ মায়োক্নবা ঙম্নবা শেম শাবা লোইবা অসি শীংথানিংঙাই ওই"সুং পি.এ.পি. ম, সক্সন মেঢ়দরথাগঃা. িসললিবা ম

হাক্কী খোংচৎকী মতুংদা মিদিয়া ব্রিফিংদা দা. হর্শ বর্ধননা হায়, “পাক শন্না তেস্তিং তৌবা, সর্বিলেন্স, খুদক্তা করম্বা লায়েং পীগদগে খনবা ঙম্বা অমসুং কেসশিংগী ক্লিনিকেল মেনেজমেন্তগী খুত্থাংদা ঙন্না খঙদোকপা ঙম্নবা ভারতকী ক্লিনিকেল প্রোতোকলনা পান্দম থমলি। মসিনা মরম ওপিরগা শীখিবা কেসকী চাং ২.৬৬% ওইদুনা খ্বাইদগী নেম্বা ওইরি। ঐখোয়না মায় পাকপা অসি অনাবা মীওই লাখ ৫.৩ হেন্না ফহনখিবগা লোয়ননা ফগৎলকপগী চাং ৬৩% য়ৌবা অসিনা উৎলি।” মহাক্না মখা তারদুনা হায় ঐখোয়না অনলোক ২.০ মখা চত্থরকপা অসিগা ইরোইননা ঐখোয় পুম্নমক্না “খ্ন্নাইগী হীদাক” - “গজ অনিগী অরাপ্পা থম্বা” অসি ঙাকনা চৎপা অমসুং ঐখোয় খুদিংমক্না কোবিদকা চান্নবা লমচৎ শাজৎ ঙাকপা অসি মরু ওই।

এস.পি.সি.সি.সি.গী খোংচৎ অসিদা দা. হর্শ বর্ধনবু দা. বি. এম. মিশ্রা, দি.এম. (সাউথ দিল্লী), এসঐচ. এনন্দ স্বারুপ, আই.জি. (আই.তি.ব.পি.), দা. প্রশান্ত মিশ্রা, কম্মান্দেন্ত বেজ কেম্পনা লোয়নরকখি। দিস্ত্রিক্ত ওথোরিতীশিং আই.তি.বি.পি. অমসুং বি.এস.এফ.তগী অতৈ অতোপ্পা পর্সনেল অমসুং রাধা স্বামি সতসঙ বীসতগী মীহুৎশিংসু খোংচৎ অসিদা শরুক য়াখি।

***



(Release ID: 1638220) Visitor Counter : 35