ইন্দিয়ন মোবাইল এপ দিবেলপমেন্ত ইন্নোবেসনগী ইকোসিস্তেম অসি হিংগৎনবা অচৌবা খোংথাং অমা ওইরিবা অসিগা প্রধান মন্ত্রী শ্রী নরেন্দ্রা মোদীগী অত্মা নির্ভরগী খোংথাং লৌখৎনবা অপাম্বা অসিগা লোয়ননা নীতি আয়োগকী এতল ইন্নোবেসন মিসন (এ.আই.এম.)না লৈবাক অসিদা লৈরিবা স্কুল তম্লিবা অঙাং পুম্নমক্কী ঙসি ‘এ.তি.এল. এপ দিবেলপমেন্ত মোদ্যুলস’ হৌদোকখ্রে।

এ.আই.এম.গী অচৌবা খোংথাং ওইরিবা অতল তিঙ্করিং লেবশিংগী মখাদা স্কুল তম্লিবা মহৈরোয়শিংগী স্কিলবু মখোং শোম্বীনবা অমসুং তুংলমচৎতা মখোয়বু এপ য়ুজরশিং ওইরম্বদগী এপ মেকরশিংদা ওন্থোকনবা পান্দমদা ভারত্তা হৌগৎচরকপা স্তার্তঅপ প্লেজমোনা এ.তি.এল. এপ দিবেলপমেন্ত মোদ্যুলস অসি লোঞ্চ তৌখি।

নীতি আয়োগকী সি.ই.ও. ওইরিবা এমিতাব কান্তনা হায়রিবা মোদ্যুল অসিগী মতাংদা ৱাখল্লোন ফোঙদোকপদা হায় কোবিদ-১৯গী লায়চৎনা অচৌবা অকায়বা অমা পীরি, হায়রিবা অসি নুমিৎ খুদিংগী পুন্সিদা তেক্নোলোজী শীজিন্নদুনা মতেং পাংবদুনা মায়োক্নরি

“ঐখোয়গী ইকাই খুম্নরিবা প্রধান মন্ত্রীনা প্রজাশিংবু তেক্নোলোজী শীজিন্ননবা অমসুং #অত্মনির্ভর ভারত অমগীদমক অনৌবা ৱাখল পুথোক্নবা থৌনা হাপখি। নহা ওইরিবা ভারত মচাশিংনা নৌরিঙৈ মতমদা স্কিলশিং তমশিনবা অমসুং মখোয়না মথংগী চারোন-শুরোনদা তেক্নোলোজীগী লুচিংবা ওইবা ঙম্নবা হোৎনবা মরু ওই। লোয়ননা এ.আই.এম.গী অতল তিঙ্করিং লেবকী খোংথাং ওইনা নতি আয়োগনা ঐখোয়গী ভারতকী নহা ওইরিবা ৱাখলশিং – ঐখোয়গী অঙাংশিংগীদমক এ.তি.এল. এপ দিবেলপমেন্ত মোদ্যুলস লোঞ্চ তৌখি,” হায়না মহাক্না ফোঙদোকখি।

এ.তি.এল. এপ দিবেলপমেন্ত মোদ্যুলস অসি লেম্না ফংহনবা ওনলাইন কোর্স অমনি। প্রোজেক্ত ৬তা বেজ তৌবা লর্নিং মোদ্যুলশিং অমসুং ওনলাইনদা মোনিতর তৌবগী খুত্থাংদা নহা ওইরিবা ইন্নোবেতরশিংনা ভারতকী তোঙান তোঙানবা লোলশিংদা মোবাইল এপশিং শেম্বা  অমসুং মখোয়গী তেলেন্ত উত্থোকপা ঙমগনি। মসিগী মথক্তা স্কুলগী ওজাশিংগী  ওইনা এপ দিবেলপমেন্তগী কেপাসিতীশিং হেনগৎনবা অমসুং অফবা ৱারেপ লৌবা ঙম্নবা এ.আই.এম. এপ দিবেলপমেন্ত কোর্সকী পেরিওদিক তিচর ত্রেনিং সেসনশিং পাঙথোক্কনি।

মোদ্যুল অসিগী ভর্চ্যুএল লোঞ্চ তৌবগী ৱারোল পীবদা নীতি আয়োগকী এতল ইন্নোবেসন মিসনগী মিসন দিরেক্তর আর. রমানননা হায় “ঐখোয়গী লৈবাক্কী দেমোগ্রাফিক দিবিদেন্দ চাওনা ফগৎহন্নবা ভারত্তগী মালেমগী থাক্কী তেক্নোলোজীগী সোলুসনশিং অমসুং এপশিং ঐখোয়না পুথোকপা মথৌ তাই। অত্মা নির্ভর ভারত এপ ইন্নোবেসন চেলেঞ্জনা লোঞ্চ তৌবনা স্কুল, য়ুনিভর্সিতী অমসুং ইন্দস্ত্রীগী থাক্তা নহা ওইরিবা মহৈরোয়শিংবু থৌনা হাপ্পী। লৈবাক অসিগী অতল তিঙ্করিং লেবশিংগী নহা ওইরিবা তিঙ্কররশিংনা মখোয়গী তিঙ্করিং লেব ইন্নোবেসবশিং মোবাইল এপশিংগা লোয়ননা পুনশিন্দুনা মখোয়গী ইন্নোবেসনশিং অদু শীজিন্নবা অমসুং পুথোকপা হেনগৎনবা মখোয়গীদমক এপ দিবেলপমেন্ত স্কিলশিং হৌজিক নীতি আয়োগকী এ.আই.এম.না পুরক্লে। মসিনা লৈবাক পুম্নমক্কী ওইনা স্কুলগী থাক্তা লৌখৎপা খ্বাইদগী চাওবা এপ লর্নিং অমসুং দিবেলপমেন্তগী খোংথাং ওইরগনি।

“নহা ওইরিবশিংগী ৱাখলদা তম্নিংবা অমসুং হৈশিংবা হেনগৎনবগী এ.আই.এম.গী এ.তি.এল. #তিঙ্করফ্রোমহোম কেম্পেনগী শরুক অমা ওইনা আর্তিফিসিএল ইন্তেলিজেন্স, গেম দিজাইন এন্দ দিবেলপমেন্ত, ৩দি দিজাইন, এস্ত্রোনোমী, দিজিতেল ক্রিএতিবিতী স্কিলস অসিনচিংবা য়াওনা খ্বাইদগী নৌবা তেক্নোলোজীশিং লৈবাক অসিদা লৈরিবা মহৈরোয়শিং অমসুং ওজাশিংনা মখোয়গী ময়ুমদগী নুঙাইনা তম্নবা অমসুং এপ্লাই তৌনবা হৌগৎলক্লিবা আর্ত প্লেৎফোর্ম অমা নীতি আয়োগনা শেমখ্রে” হায়না মহাক্না ফোঙদোকখি।

“মহাক্না মখা তাখি হৌজিক হোৎনরিবা অসিগী শরুক অমা ওইনা “ভারত্তা হৌগৎচরকপা স্তার্তঅপ অমা ওইরিবা পলেজমোগা লোয়ননা চুংশিন্নদুনা নীতি আয়োগকী এ.আই.এম.না এ.তি.এল. এপ দিবেলপমেন্ত মোদ্যুল লোঞ্চ তৌবদা চাওথোকপা পোকই। #মেকইনইন্দিয়াগী মোদ্যুল অসি অঙাং অমসুং ওজা পুম্নমক্কনা শীজিন্নগনি অমসুং ঐখোয়গী লৈবাক অসিগী তুংলমচৎতা তেক্নোলোজীগী লুচিংবশিং অমসুং ইন্নোবেতরশিং ওইবা ঙমগনি হায়না ঐহাক্না আশা তৌই।”

প্লেজমোগী সি.ই.ও. অমোল পলশিকরনা হায়, “লৌউ-শিংউ অমসুং ইন্দস্ত্রীগী য়াওলশিং পুরকখ্রবা মতুংদা মালেমগী শেন্মীৎলোনশিং অসি তেক্নোলোজীগী য়াওলনা মতেং পাংলি। প্লেজমোগী পান্দমদি কোদিং, কম্প্যুতেস্নেল থিঙ্কিং, দিজাইন থিঙ্কিং অমসুং প্রোব্লেম সোলবিং ২১শুবা চহিচাগী তেক্নোলোজী অসিগী মীপুম খুদিংমক্না হৈনবনি। খোংথাং অসিনা ভারত অসি মালেমগী তেক্নোলোজীগী সুপাৱর ওইহন্নবা অমসুং #অত্মানির্ভার ভারতকী ৱাখল্লোনদা মতেং পাংনবা ঐখোয়গী হৌগৎলক্লিবা নহাশিংবু থৌনা হাপকনি।”

হৌজিক ফাওবদা অতল ইন্নোবেসন মিসননা মহৈরোয় কোতি ২ হেনবদা তিঙ্করিং লেবশিং এক্সেস তৌহনবগা লোয়ননা লৈবাক অসিগী জিলা ৬৬০ হেনবদা এ.তি.এল. ৫১০০ হেন্না লিখৎখ্রে। ইনক্যুবেতরশিং, স্তার্তঅপশিং, কম্ম্যুনিতী ইন্নোবেসন সেন্তরশিং য়াওনা মখোয়গী তোঙান তোঙানবা অপুনবা খোংথাংশিংগী খুত্থাংদা লৈবাক পুম্বদা ক্রিএতিবিতী অমসুং ইন্নোবেসন হেনগৎনবগী অমসুং লৈবাক অসিগী সোসিও ইকনোমিক ফগৎহনবা ঙম্নবা প্রদক্ত অমসুং সর্ভিস ইন্নোবেসনশিংগী অতল ন্যু ইন্দিয়া চেলেঞ্জকী ৱাখল্লোন লৈহনবগী পান্দমনি।

***