হকশেল অমসুং য়াইফ-য়ুম্বাল মন্ত্রালয়

কোবিদ-১৯গী অপদেৎ

কোবিদ-১৯গীদমক্তা লায়েং চত্থবা য়েংশিন্নবা লাল্লোংশিং চেকশিন্না য়েংশিনবগী থাক

Posted On: 11 JUL 2020 4:51PM by PIB Imphal

কোবিদ-১৯গী লায়েং চত্থবগী ৱাফম অসি হৌজিক ফাওবা লায়েং অমত্তা লৈতবনা য়াম্না চাওনা লাইওং অমত্তা উত্তবা অমদি শৌগৎপীদুনা য়েংশিনবদা য়ুম্ফম ওই। নিংথিজনা হাইদ্রেসন তৌহনবা অসিসু য়াম্না মরু ওই। লাইওং উৎপগী মতুং ইন্না কোবিদ০১৯ অসি কাংলুপ ৩ থোক্না খাইদোকপা য়াইঃ অতপ্পা, ময়ায় ওইবা অমসুং য়াম্না শাথিবা। ১০.০৭.২০২০দা রাজ্যশিংগা পাংথোকখিবা ভিদিও অমদি ১০.০৭.২০২০দা কনফরেন্স অমদি ১০.০৭.২০২০দা  "রাজ্যশিং / য়ুনিয়ন তেরিতোরীশিংদা সেন্তর্স ওফ এক্সেলেন্সনা কোবিদকী কেসশিং য়েংশিনবা"গী মতাংদা পাংথোকখিবা ভর্চুএল ওইবা মীফম অমদা আই.সি.এম. অমসুং এমস, ন্যু দিল্লীনা লায়েং অমা লৈতবনা হকশেল অমসুং য়াইফ য়ুম্বাল মন্ত্রালয়(এম.ও.ঐচ.এফ.দব্লয়ু.)গী লায়েং চত্থনবগী প্রোতোকোলদা ময়েক শেংনা পীরিবা অদুগুম্না অতপ্পা, ময়ায় ওইবা অমসুং শাথিবা কেসশিংগী লায়েং চত্থনবগী থাক অসিনা খ্বাইদগী হেন্না ফগনি হায়বা থীম অথোইবা মীৎয়েং থমখি।   

ময়ায় ওইবা অমসুং শাথিবা কেসশিংগী ওইনা মতিক চাবা ওক্সিজেন সপোর্ত, এন্তি কুৱাগুলেসনশিংগী চানবা অমদি মতম চানা শিন-লাংবা অমসুং পাক্তক্ননা ফংবা অমদি তাংদবা কোর্তিকোস্তেরোইদশিং কোবিদ-১৯গী লায়েংগী অদু প্রোতোকোলগী মতুং ইন্না  মরু ওইবা য়ুম্ফম ওইগনি। অপুনবা কেসশিংগী চাদা ৮০ ওইরিবা তপ্পা কেসশিংগী ওইনা হাইদ্রোক্সিক্লোরোক্বাইন( ঐচ.সি.ক্যু।) অসি রিকমেন্দ তৌখ্রে।  লায়েং চত্থবগী চেকশিন-থৌরাংগী লাল্লোংশিং থাক অসিনা খ্বাইদগী হেন্না অফবা মহৈশিং ফংই হায়বা উৎখ্রে।

কোবিদ-১৯গী ফগদবা লায়েং অমা ফংহনবনা মরুওইবা লায়েং চত্থবগী প্রোতোকোলগী শরুক অমা নত্তবা অদুগা “থিজিন্নিংঙাই ওইবা লায়েং চত্থনবশিং” অমা ওইনা হায়বা তাকপা দ্রগ মখল কয়া অমা অমুক হন্না শিজিন্নহল্লকখ্রে।  মসিগীশিং অসি অখন্নবা অনাবগী কাংলুপশিংদা পাও পীরকপা অমসুং  দ্রগশিং অসিগী মমিং পীদ্রিঙৈগী মমাংদা অনাবশিংগা ৱারেপ লৌবশিং অদু খংহনবগী মতুং ইন্না শিজিন্নবা য়াই।   মসিগী দ্রগশিং দ্রগ কন্ত্রোলর জেনরেল ওফ ইন্দিয়া(দি.সি.জি.আই.)না হৌজিকফাওবা অয়াবা পীদ্রি অমসুং কোবিদ-১৯গী ওইনা অরেপ্পা মওংদা তঙাই ফদবখক্কীদা শিজিন্ননবগী অয়াবা পীখ্রে। সেন্তর ওফ এক্সেলেন্সকী মওংদা থমখ্রবা রাজ্যশিংগা লোয়ন-লোয়ননা মেদিকেল কোলেজ হোসপিতালশিং অসি আই.সি.এম.আর. অমসুং এমসনা শিজিন্ননিংবা মওংদা পংশিদা-শিজিন্নবা অমদি চানদবা মওংদা শিজিন্নবনা অফবা ওইহনবগী মহুত্তা হেন্না মাংনিংঙাই ওইহনগনি হায়বসি  অমুক খংহনখি।   

রেমদেসিভিরগী খুদমশিং ফংবনা ময়ায় ওইবা অমদি শাথিবা কেসশিং লায়েংবদা শিজিন্নবা মতমদা ফগৎহন্নবগী লায়েং চত্থবগী মতম অদু হন্থনা চংবা য়াই হায়না খংহনবনি হায়না রাজ্যশিংদা হায়খি। অদুম ওইনমক, শিবা হন্থহনবগী ৱাফমদদি কান্নবা অমত্তা লৈত্রি। লিভর অমসুং কিদনি য়াওনা য়াম্না শাথিনা শোক্নিংঙাই ওইবনা মসি য়াম্না চেকশিন্না শিজিন্নগদবনি।  মতৌ অসিগুম্না তোসিলাইজুমাবকী নৈনবশিংনা শিবা হন্থহনবদা কান্নবা অমত্তা উৎখিদ্রি। অদুম ওইনমক য়াম্না শাথিনা নারবশিংদা শিজিন্নবা তারবদি নিংথিজনা পাও খংহনবগী মথৌ তাই। দ্রগ অসি শিজিন্নবনা ওইরক্কদবা অদু ‘সাইতোতিন স্তোর্ম’দা পীখিবদগী পংশিদা শিজিন্নবা অসি তৌহল্লোইদবনি।   

‘থিজিন্নিংঙাই ওইবা লায়েংশিং’ পুম্নমক ওইরকপা য়াবা অরুবশিং অদু য়েংশিনবা ঙম্বা অনাবশিং অদু নক্না য়েংশিনবা য়াবা হেল্থ কেয়র ফেসিলিতীশিংদা নিংথিনা পাংথোকপগী মথৌ তাই।  লায়েং চত্থবা য়েংশিনবা অসি ওক্সিজেন থেরাপী(নাতোন্দা ওক্সিজেন কন্না থাজিনবা য়াওনা), স্তেরোইদশিং(পাক্তক্ননা অমদি অতাংবা মমলদা ফংবা), এন্তি-কোৱাগুলেন্তশিং চপ-চানবা অমসুং মতম চানা থাবা অমসুং য়াম্না অফবা চাংগী শৌগৎপিবা য়েংশিনবিবা, অনাবশিং অমসুং ইমুংশিংগী ৱাখল ফবগী ৱারী নিংথিনা হায়বিবা য়াওনা, লাইনা পোকহল্লকপশিং, হান্নদগী লৈরকপা অনাবশিং য়েংশিনবা অমদি লাইওংশিং অদু ঙৈহাক লৈহন্দবদা মীৎয়েং থম্নবা আই.সি.এম.আর.না অকনবা মওংদা হায়খ্রে।

***



(Release ID: 1638053) Visitor Counter : 4