কেন্দ্রগী লৌউ-শিংউ অমসুং লৌমীগী য়াইফ থৌরাং মন্ত্রী শ্রী নরেন্দ্রা সিংহ তোমারনা স্তেৎশিংগা লোয়ননা ভিদিও কনফরেন্সিংগী খু্ত্থাংদা খুঙ্গংগী শেন্মীৎলোন ফগৎনবা সরকারনা পায়খৎলিবা খোংথাংশিংগী মতাংদা খন্ননবা মীফম অমা ঙসি পাঙথোকখ্রে। মীফম অসি লৌউ-শিংউগী মিনিস্তর ওফ স্তেৎ শ্রী পার্শোত্তম রুপলা অমসুং শ্রী কাইলাশ চৌধরী, স্তেৎ অয়াম্বগী লৌউ-শিংউগী মন্ত্রীশিং অমসুং এগ্রিকলচর, কোওপরেসন এন্দ ফার্মরস ৱেলফিয়র বিভাগকী মকোক থোংবা ওফিসরশিংনা মীফম অসিদা শরুক য়াখি। থৌরম অসিদা  কেন্দ্রগী লৌউ-শিংউ অমসুং লৌমীগী য়াইফ থৌরাং মন্ত্রীনা ফার্মর প্রদ্যুসর ওর্গনাইজেসন (এফ.পি.ও.শিং) ১০,০০০ শেম্বগী অমসুং চাওখৎনবগী অনৌবা চৎনগদবা গাউদলাইনশিংগী বুকলেৎ অমা ফোঙখ্রে। স্তেৎশিংগা লোয়ননা ৱারী শাখিনগী অদুদা ইমপ্লিমেন্ত তৌবদা থেংনগদবা মরু ওইবা সমস্যাশিং খন্নখি।

ভিদিও কনফরেন্স অসিদা ৱারোল পীরদুনা শ্রী নরেন্দ্রা সিংহ তোমারনা প্রধান মন্ত্রী শ্রী নরেন্দ্রা সিংহ মোদীনা ‘অত্মা নির্ভর ভারত অভিয়ান’গী লুপা কোতি লাখ ২০গী পেকেজ কায়থখিবদা থাগৎপা ফোঙদোকখি, মসিগী মখাদা ফার্ম-গেৎ অমসুং এগ্রিগেসন পোইন্তশিং (প্রাইমরী এগ্রিকলচর কোওপরেতিব সোসাইতিশিং, ফার্মরস প্রদ্যুসর ওর্গনাইজেসনশিং, এগ্রিকলচর ওন্তর্প্রিনোরশিং, স্তার্ত-অপশিং অসিনচিংবা)গী এগ্রিকলচর ইনফ্রাস্তকচর প্রোজেক্তশিং লিংখৎনবা  লুপা কোতি লাখ ১গী শেলগী খুদোংচাবশিং পীনবা কায়থখি। মহাক্না হায় ফন্দ অসিনা হৌজিক পুথোক্লিবা অপুনবা অসিগী ১৫-২০% রোমগী মহৈ-মথুম মাংলিবা অসি মাংহন্দনবা লৌরোক মতুংগী মচাক মথুম শেমগৎপদা শীজিন্নগনি। লৌরোক মতুংগী ওইবা মেনেজমেন্তগী প্রোজেক্তশিংগা মরী লৈনবদা ইনবেসমেন্ত তৌনবা চাং অমদা-অশাংবা দেব ফাইনান্সিং ফেসিলিতী পীবদা এগ্রিকলচর ইনফ্রাস্ত্রকচর ফন্দ শীজিন্নবা মথৌ তাবগী মতাংদা মহাক্না ফোঙদোকখি। লৈনবদা ইনবেসমেন্ত ত

‘অত্মা নির্ভর ভারত’ কেম্পেনগী মখাদা সরকারনা কিসান ক্রেদিৎ কার্দ (কে.সি.সি.) ফংহন্নবা খোংথাং হৌখ্রে অমসুং চহি অসিগী অরোইবদা কে.সি.সি. কোতি ২.৫ পীনবা পান্দম থম্লি হায়না মন্ত্রীনা মখা তানা ফোঙদোকখি। পি.এম.- কিসান য়োজনা অমসুং কিসান ক্রেদিৎ কার্দশিং (কে.সি.সি.)পল্লদুনা মহাক্না হায় মথৌ তৌরিবা লৌবুক্কী লমমপু কোতি ১৪.৫ রোমগী মনুংদা পি.এম.-কিসানগী মখাদা হৌজিক ফাওবদা কোতি ১০.৫কী দেতা খোমগৎপা ঙমখ্রে। হৌজিক এক্তিব ওইবা কে.সি.সি. একাউন্ত কোতি ৬.৬৭ লৈ। কে.সি.সি. ফংহন্নবা খোংথাং ফেব্রুৱারী ২০২০দগী লৌখৎখ্রবা মতুং, এপ্লিকেসন লাখ ৯৫ লাকখি মসিগী মনুংদা এপ্লিকেসন লাখ ৭৫তা সেঙ্কসন তৌখ্রে।

মন্ত্রীনা মখা তানা ফোঙদোকখি মদুদি ২০২৩-২৪ ফাওবদা অপুনবা এফ.পি.ও. ১০,০০০ শেম্নবা অমসুং এফ.পি.ও. খুদিংদা মতেং পীবা চহি ৫ শাংথগনি।  প্রপোক তৌখিবা স্কিম অসি লুপা কোতি ৬,৮৬৬ চংগনি। লৌউ-শিংউগী মচাক মথুম শেমগৎনবা, এফ.পি.ও.শিং চাওখৎনবা অমসুং কে.সি.সি.গী খুত্থাংদা লৌমীশিংদা শেলগী খুদোংচাবা পীবা শাংদোক্নবা স্তেৎশিংদা মথৌ তাবা মতেং পুম্নমক পীগনি হায়না মহাক্না থাজবা পীখি।

স্তেৎকী লৌউ-শিংউ মন্ত্রীশিংনা কে.সি.সি.গী খুদোংচাবশিং অসি এনিমেল হসবেন্দরী অমসুং ফিশরিস তৌরিবা লৌমীশিংদা হৌজিক ফংহল্লগনি হায়বা অসিদা নুংঙাইবা ফোঙদোকখি। ভারত সরকারনা পায়খৎলি খোংথাং অসি স্তেৎকী লৌউ-শিংউ মন্ত্রীশিংনা থাগৎখি অমসুং স্তেৎশিংদা লৌউ-শিংউগী মচাক মথুম হেনগৎহন্নবা, এফ.পি.ও.শিং শেম্নবা অমসুং লৌমীশিংগী ইনকম অমসুং খুঙ্গংগী শেন্মীৎলোন ফগৎনবা কে.সি.সি. পীবা হেনগৎহন্নবা কেন্দ্রনা হোৎনবা অসিদা মখোয়না অঙম্বা মতেং পাংনবা থাজবসু পীখি।

এগ্রিকলচর ইনফ্রাস্ত্রকচর ফন্দ, কে.সি.সি. ফংহন্নবা দ্রাফ অমসুং অনৌবা এফ.পি.ও. পোলিসীগী প্রজেন্তেসনশিং এগ্রিকলচর, কোওপরেসন এন্দ ফার্মরস ৱেলফিয়র বিভাগনা পীখি।

ফার্মর প্রদ্যুসর ওর্গনাইজেসন ১০,০০০ শেম্বগী অমসুং চাওখৎনবগী অনৌবা চৎনগদবা গাউদলাইনশিংগী লিঙ্ক

****