2020-21 సెషన్ నుండి పాటియాలాలోని నేతాజీ సుభాస్ నేషనల్ ఇన్స్టిట్యూట్ ఆఫ్ స్పోర్ట్స్ (ఎన్ఎస్ఎన్ఐఎస్) లో పురుషులు, మహిళలు కలిసి 46 మంది అథ్లెట్లు, మొదటిసారి ప్రయత్నంలో స్పోర్ట్స్ కోచింగ్‌లోని ఫ్లాగ్‌షిప్ డిప్లొమా కోర్సులో ప్రత్యక్ష ప్రవేశం పొందుతారు. ఈ నిర్ణయాన్ని కేంద్ర యువజన వ్యవహారాలు, క్రీడల శాఖ మంత్రి శ్రీ కిరణ్ రిజిజు మే నెలలో ప్రకటించారు. ఇప్పుడు, కోర్సులో ప్రఖ్యాత అథ్లెట్ల ఎక్కువ సంఖ్యలో  పాల్గొనేలా చేసే ప్రయత్నంతో, ఇంతకుముందు పేర్కొన్న కొన్ని ప్రవేశ ప్రమాణాలను సడలించాలని నిర్ణయించారు.

ప్రఖ్యాత అథ్లెట్లందరికీ విద్యా అర్హత 10 + 2 గా ఉండగా, క్రీడా విజయాల ప్రమాణాలలో మార్పులు తీసుకొచ్చారు, తద్వారా ఎక్కువ మంది ఆసియా, కామన్వెల్త్ పతక విజేతలు  సీనియర్ వరల్డ్ ఛాంపియన్‌షిప్‌లో పాల్గొనేవారు ఈ కోర్సులో చేరడానికి వీలు కల్పించారు. అంతకుముందు, అభ్యర్థి సీనియర్ ప్రపంచ ఛాంపియన్‌షిప్‌లో పతకం సాధించడం తప్పనిసరి, అయితే, కొత్త ప్రమాణాల ప్రకారం ఈవెంట్లలో పాల్గొన్న అథ్లెట్లు కూడా దరఖాస్తు చేసుకోవడానికి అర్హులు. ఒలింపిక్స్‌లో పాల్గొన్న శ్రేష్ఠులైన అథ్లెట్లు స్వయంచాలకంగా కోర్సుకు దరఖాస్తు చేసుకోవడానికి అర్హులు.

ఈ నిర్ణయం గురించి స్పోర్ట్స్ అథారిటీ ఆఫ్ ఇండియా డైరెక్టర్ జనరల్ సందీప్ ప్రధాన్ మాట్లాడుతూ, "భారతదేశంలో పెరుగుతున్న క్రీడా పర్యావరణ వ్యవస్థ, అభివృద్ధి చెందుతున్న అవసరాలను తీర్చాల్సిన అవసరం ఉన్నందున కోచింగ్ వృత్తిలో ప్రముఖ భారత అథ్లెట్లను చేర్చడం చాలా ముఖ్యం. దేశంలో అందుబాటులో ఉన్న ఉత్తమ ప్రతిభను ఆకర్షించడం. శ్రేష్ఠులైన అథ్లెట్లకు ప్రవేశ ప్రమాణాలలో సడలింపు, వారిలో ఎక్కువ సంఖ్యలో ఈ కోర్సుకు దరఖాస్తు చేసుకోవడానికి అర్హత ఉన్నట్లు నిర్ధారిస్తుంది" అని అన్నారు. 

23 మంది క్రీడలకు 46 మంది ప్రముఖ అథ్లెట్లు (ప్రతి విభాగంలో 1 పురుషుడు, 1 మహిళా కోచ్) ఎంపిక జరుగుతుంది. వారు ప్రవేశ పరీక్షకు హాజరు కానవసరం లేదు, ఇది కోర్సు చరిత్రలో మొట్టమొదటిసారిగా ఆన్‌లైన్‌లో తయారు చేశారు. . కోర్సు కోసం నేరుగా జాబితా రూపొందించిన అన్ని ప్రముఖ అథ్లెట్లు ఇతర అభ్యర్థులతో పాటు వైద్య, శారీరక పరీక్షలు చేయవలసి ఉంటుంది.

ఒకే క్రీడాంశం నుండి ఇద్దరు ప్రముఖ అథ్లెట్లు దరఖాస్తు చేసుకుంటే, తుది అభ్యర్థిని గుర్తించడానికి పాయింట్-సిస్టమ్‌ను అమలు చేస్తారు.

ప్రఖ్యాత అథ్లెట్ల ప్రమాణాలలో సడలింపును దృష్టిలో ఉంచుకుని, కోర్సులో నమోదు కోసం ఆన్‌లైన్ దరఖాస్తును సమర్పించే చివరి తేదీని జూలై 31 వరకు పొడిగించాలని నిర్ణయించారు. ప్రముఖ అథ్లెట్లు కాకుండా ఇతర అభ్యర్థులకు, కరోనా మహమ్మారి వల్ల గ్రాడ్యుయేషన్ స్థాయి-డిగ్రీ కోర్సుల చివరి సంవత్సరం ఫలితాల కోసం ఎదురుచూస్తున్న అభ్యర్థుల ప్రస్తుత పరిస్థితులకు అనుగుణంగా లేదా వారు చేరిన విశ్వవిద్యాలయాలు ఇంకా గ్రాడ్యుయేషన్ స్థాయి డిగ్రీ కోర్సుల తుది పరీక్షను నిర్వహించకపోతే ఆన్‌లైన్‌లో కూడా దరఖాస్తు చేసుకోవచ్చు. డిప్లొమా కోర్సులో ప్రవేశం అయితే 2020 సెప్టెంబర్ 30 లోపు ఫైనల్ ఇయర్ పాసింగ్ సర్టిఫికేట్ పొందాలి.

*******