ত্রিপুরাদা জল জীবন মিসন পায়খৎনবগী মতাংদা ঙসি জল শক্তিগী য়ুনিয়ন মিনিস্তর গজেন্দ্র সিংহ সেখাৱাতনা চীফ মিনিস্তর বিপ্লব কুমার দেবগা ভিদিও কনফরেন্সকী খুৎথাংদা ৱারি শানখ্রে। স্কিম অসি য়াংনা পায়খৎনবা তোঙান-তোঙানবা রাজ্যশিংগী চীফ মিনিস্তরশিংগা কেন্দ্রগী মন্ত্রীগা পরিংনাইনা ৱারি শানবগী শরুক অমা ওইনা মসি পাংথোকপনি। লৈবাক অসিগী খুঙ্গংগী য়ুমশিংদা তোতি ঈশিং ফংহন্নবা রাজ্যশিংগা লোয়ননা ভারত সরকারনা ‘জল জীবন মিসন’ পায়খৎলি। কোবিদ-১৯গী হৌজিক ওইরিবা ফিবম অসিদা খুঙ্গংগী য়ুমশিংদা তোতি শম্নবা সরকারনা থবক পায়খৎলি, মসিনা খুঙ্গংগী মীয়াম ঈশিং শোক্নবা মীয়ামগী থম্লিবা ঈশিং য়াফমশিংদা চৎহল্লোই।

২০২৪দা লৈবাক ওইনা পান্দম থম্লিবা অসিগী মমাংদা ২০২২-২৩দা চাদা ১০০ তোতি শম্নবা ত্রিপুরানা থৌরাং তৌরি। ত্রিপুরাদা লৈরিবা খুঙ্গংগী য়ুমথোঙ লাখ ৮গী মনুংদা য়ুমথোঙ ৬৮,১৭৮ খক তোতি ঈশিং ফংলি। লেমহৌরিবা য়ুমথোঙ লাখ ৪.১৮গী মনুংদা য়ুমথোঙ লাখ ২.৬৫ ২০২০-২১গী মনুংদা তোতি ঈশিং ফংহন্নবা রাজ্য অসিনা পান্দম থম্লি। কেম্পেনগী মওংদা হৌজিক লৈরিবা ৱাতর সপ্লাই স্কিমশিং অসিদগী খুঙ্গং ১,১৭৮তা তোতি ঈশিং পীনবা থবক হৌনবা য়ুনিয়ন মিনিস্তরনা চীফ মিনিস্তরদা তকশিনখি। ২০২৩ ফাওবগী মনুংদা রাজ্য অসিগী য়ুমথোঙ খুদিংমক তোতি ঈশিং ফংহনগনি হায়না চীফ মিনিস্তরনা থাজবা পীখি , মরম অদুনা লায়রবশিং মখোয়গী য়ুমদা তোতি ঈশিং তারগনি।

২০২০-২১দা লুপা ক্রোর ১৫৬.৬১ কাইথোক্লে অমসুং রাজ্যগী চাকথুং অমসুং রাজ্য অসিদা শীজিন্নদনা লৈরিবা শেনফম য়াওরগা, মিসন অসিগীদমক ত্রিপুরানা লুপা করোর ৩৮৩.৪৫ ফংলগনি। পায়খৎকদৌরিবা থবক অমসুং শেন-থুমগী ফিবম য়েংলগা রাজ্য অসি অহেনবা ফন্দ লৌবা য়াগনি। ১৫সুবা ফাইনান্স কম্মিসন গ্রান্তশিংগী মখাদা পি.আর.আইশিংদা ত্রিপুরাগী ওইনা লুপা করোর ১৯১ কাইথোকখ্রে। অমসুং মসিদগী চাদা ৫০ ঈশিং ফংহন্নবা অমসুং সেনিতেসনগী শীজিন্নগনি। খুঙ্গংদা ঈশিং ফংহন্নবা, ঈশিং শেংদোক্নবা অমসুং ৱাতর সপ্লাই স্কিমশিং মতম শাংনা মথৌ তৌনবা অমসুং শেমজিন্নবা মসিগী ফন্দ অসি শীজিন্নবা য়ুনিয়ন মিনিস্তরনা চীফ মিনিস্তরদা খঙহনখি।

খুঙ্গংদা ঈশিং পীনবা মচাক-মথুমশিং শেমগৎনবা, থৌরাং তৌনবা, দিজাইন তৌনবা, থবক পাংথোকনবা অমসুং শেমজিন-শাজিনবা তৌনবা য়ামদ্রবদা নুপী মেম্বর চাদা ৫০ য়াওবা গ্রাম পঞ্জায়তকী সব-কমিতি অমা ওইনা ভিলেজ ৱাতর এন্দ সেনিতেসন কমিতি/পানি সমিতিশিং শেম্নবা য়ুনিয়ন মিনিস্তরনা চীফ মিনিস্তরদা হায়জখি। ঈশিং ফংহন্নবা তঙাইফদবা থবকশিং পায়খৎনবা খুঙ্গং খুদিংমক ভিলেজ এক্সন প্লান(ভি এ পি) থৌরাং তৌনবা খঙহনখি।  জল জীবন মিসন অসিগী মীয়ামগী ইহৌ অমা ওইহন্নবা মীয়াম শরুক য়াহন্দুনা আই.ই.সি কেম্পেন পাংথোক্নবা চীফ মিনিস্তরনা তকশিনখি।

করি কেমিকেলশিং য়াওরিবগে হায়বা খঙদোক্নবা থক্নবা ঈশিং পীরিবা হৌরকফমশিং অমুক্তা চাংয়েং তৌগদবনি অমসুং চহি খুদিংগী নোংচু থা মমাং অমসুং মতুংদা মহিক-মতাইগী চাংয়েং অনিরক তৌগদবনি। ফিল্দ তেস্ত কিতশিংগী খুৎথাংদা খুঙ্গং খুদিংমক অফবা ঈশিংগী চাংয়েং তৌনবা নুপীশিং য়াওনা য়ামদ্রবদা মীওই মঙা ত্রেনিং পীনবা রাজ্যশিংদা খঙহনখি।

কোবিদ-১৯ লাইচৎকী হৌজিক ওইরিবা ফিবম অসিদা , খুঙ্গংগী মফমশিংদা তোতি ঈশিং ফংহন্নবা সরকারনা পায়খৎলিবা থবকশিং অসিনা নুপীশিং অমসুং নুপীমচাশিং মখোয়গী পোৎলুম হন্থহন্দুনা হিংবদা লাইহল্লগনি অমসুং মখোয় চিংলেম্বা পুন্সি অমা  ফংলগনি।

*****