হকশেল অমসুং য়াইফ-য়ুম্বাল মন্ত্রালয়
কোবিদ-১৯ মনুংদা আয়ুশ্মান ভারত- হেল্থ এন্দ ৱেলনেস সেন্তরশিং (এ.বি.-ঐচ.দবল্যু.সি.শিং) লিশিং ৪১ হেনবনা য়ুনিবর্সেল অমসুং কমপ্রিহেন্সিব প্রাইমরী হেল্থ কেয়র ফংহনখি
হৌখিবা থা মঙাদা ঐচ.দবল্যু.সি.শিংদা মীশিং কোতি ৮.৮ রেকোর্দ তৌখি
Posted On:
10 JUL 2020 12:32PM by PIB Imphal
আয়ুশ্মান ভারতকী মরু ওইবা শরুক ওইরিবা হেল্থ এন্দ ৱেলনেস সেন্তরশিং (ঐচ.দবল্যু.সি.শিং)না সব হেল্থ সেন্তর অমসুং প্রাইমরী হেল্থ সেন্তর ১,৫০,০০০ ঐচ.দবল্যু.সি. দা ২০২২ ফাওবদা ওন্থোক্তুনা য়ুনিভর্সেল অমসুং কমপ্রিহেন্সিব প্রাইমরী হেল্থ ক্যের ফংহনবা পান্দম থম্লি।
কোবিদ-১৯গী মায়োক্তা লান্থেংনবা অসিদা এ.বি.-ঐচ.দবল্যু.সি.শিংনা থোইদোক হেন্দোকপা থবক তৌখিবগী মশিং য়াম্লবা খুদমশিং লৈ। ঝর্খন্দদা স্তেৎ ৱাইদ ইন্তেন্সিব পব্লিক হেল্থ সর্ভে ৱীক্কী শরুক অমা ওইনা, ঐচ.দবল্যু.সি.গী তীমশিংনা মীয়ামদা ইনফ্লুয়েঞ্জা লাইক ইলনেস (আই.এল.আই.) অমসুং সিভিয়র এক্যুৎ রেস্পিরেতরী ইলনেস (এস.এ.আর.আই.)গী লাইওং লৈবরা স্ক্রীন তৌখি অমসুং কোবিদ-১৯গী তেস্ত তৌনবা খুদোংচাবা পীখি। ওরিশাগী সুবলেয়াদা ঐচ.দবল্যু.সি.গী তীমনা হল্থ চেক-অপশিং পাঙথোকখি অমসুং তোয়না সাপোন অমদি ঈশিংনা খুৎ হাম্বা, মীয়াম তিনবা মফমশিংদা থোকপদা মাস্কশিং/ফেস কভরশিং উপ্পা, মীগা ৱারী শাবা মতমদা অমগা অমগী মরক্তা অরাপ্পা থম্বা অসিনচিংবা কোবিদ-১৯ ঙাকথোক্নবা পাম্বৈশিংগী মতাংদসু মীয়ামদা এৱের্নেস পীখি। ক্বারন্তিন সেন্তরশিং ওইনা চল্লাইরিবা মতম খরগী ওইবা মেদিকেল কেম্পশিংদা মাইগ্রেন্তশিংগী হকশেলগী ওইবা সেসনশিংসু পাঙথোকখি। রাজাস্থানগী গ্রান্ধীগী ঐচ.দবল্যু.সি.গী তীমনা লোকেল দিস্ত্রিক্ত এদমিনিস্ত্রেসননা বিকনের-জোধপুর ঙমখৈগী চেক-পোসত্তা লমকোয় পুম্নমক কোবিদ-১৯গী স্ক্রীনিং তৌবদা মতেং পাংখি। ঐচ.দবল্যু.সি.গী তীমনা মেঘলয়াদা কম্ম্যুনিতী লুচিংচশিং অমসুং মহৈ লোয়শঙগী ওজাশিংগী কোবিদ-১৯গী কম্ম্যুনিতী স্প্রেদ তৌবা ঙাকথোক্না চেকশিল থৌরাংশিংগী মতাংদা ওরিয়েন্তেসন পাঙথোকখি।
মখোয়না শেবা তৌরিবা মীয়ামগী থবক তৌখিবগী শাখি ওইনা চহি অসিগী ফেব্রুৱারী ১দগী হৌনা থা মঙা অসিদা ঐচ.দবল্যু.সি.শিংনা মতেং পাংখিবা মীশিং কোতি ৮.৮ রেকোর্দ তৌখি। মীশিংগী চত্থোক-চৎশিন তৌবদা অথিংবশিং লৈখিবা চহি অসিগী লোকদাউননা অকায়বা পীরবসু মসিগী মশিং অসি এপ্রিল ১৪, ২০১৮দগী জনুৱারি ৩১, ২০২০ ফাওবা থা ২১দা রেকোরদ তৌখিবা মীশিং অদুগা চপ মান্নৈ। মসিগী মথক্তা হৌখিবা থা মঙাদা, ঐচ.দবল্যু.সি.শিংদা হাইপর্তেন্সনগী মীওই কোতি ১.৪১, দাইবেতিসকী কোতি ১.১৩ অমসুং ওরেল, ব্রেস্ত নত্রগা সর্ভিকেল কেন্সরগী কোতি ১.৩৪ স্ক্রীন তৌখি। কোইদ-১৯না পীবা খুদোংচাদবশিং লৈরবসু জুন থা অসি খক্তগী মনুংদা ঐচ.দবল্যু.সি.শিংনা হাইপর্তেন্সন নাবা মীওই লাখ ৫.৬২অমসুং দাইবেতিস নাবা মীওই লাখ ৩.৭৭গী হীদাক পীখি। কোবিদ-১৯ লায়চৎ হৌরকপা অসিগী মনুংদা ঐচ.দবল্যু.সি.শিংদা য়োগ অমসুং হকশেলগী সেসন য়াম্লবদা লাখ ৬.৫৪সু পাঙথোকখি।
ঐচ.দবল্যু.সি.শিংনা কোবিদ-১৯ ঙাকথোক্নবা অমসুং য়েংশিন্নবা অথুবা থবক পাঙথোকপগা লোয়ননা লেপ্তনা মথৌ তৌবা অমসুং তঙাই ফদবা কোবিদ-১৯ নত্তবগী হেল্থ সর্ভিস ফংহনবা অসিগী খুত্থাংদা কোবিদ-১৯ লায়চৎ মনুংদা হকশেলগী সিস্তেমশিংনা মায়োক্নবা ঙম্বা অদু উবা ফংলি। জনুৱারীদগী জুন ২০২০ ফাওনগী মরক্তা অহেনবা ঐচ.দবল্যু.সি. ১২,৪২৫ মখৌ তৌহন্দুনা ঐচ.দবল্যু.সি.শিংগী মশিং ২৯,৩৬৫তগী ৪১,৭৯০দা হেনগৎহনখি।
মীশিংদা য়ুম্ফম ওইবা লৌনগন্দবা লায়নাশিংগী স্ক্রীনিংশিং তৌখিবনা, ঐচ.দবল্যু.সি. তিমশিংদা ক্রোনিক দিজিজ নারবা লায়নাগীেল কেন্সরগ- মীওইশিংগী লিস্ত লৈরে অমসুং কো-মোর্বিলিইশিংগা লোয়ননা হিংলিবা মীওইশিংগী স্ক্রীন তৌদুনা অমদি লায়না অসিদগী ঙাকথোক্নবা পাউতাক পীবা ঙম্লগনি। ঐচ.দবল্যু.সি. তিমশিংনা ইম্ম্যুনাইজেসন সেসনশিং পাঙথোক্লি মসিদা মীরোল্লিবী নুপীশিংগী মেদিকেল চেক-অপশিং তৌরি। ঐচ.দবল্যু.সি. তিমশিংনা তি.বি., লেপ্রোসী, হাইপর্তেন্সন অমসুং দাইবেতিক নাবা মীওইশিংগী তঙাই ফদবা হীদাক-লাইধকশিংসু পীবগী থবকসু লৌখৎলি।
লায়চৎ অমা থোকপগী লাকশিন্নবা হোৎনবগী শীংনবগী মরক্তা মীয়ামদা তঙাই ফদবা মরু ওইবা হেল্থ ক্যের সর্ভিসশিং পীবদা মীয়ামগা নকশিন্নবা থবক কনবা প্রাইমরী হেল্থ ক্যের সিস্তেমশিং শেম্বা মরু ওই হায়বা হেল্থ এন্দ ৱেলনেস সেন্তরশিংনা উৎখ্রে।
আয়ুশ্মান ভারত ঐচ.দবল্যু.সি.শিংগী মমি খরা: য়ামগা হেল্থক্যেরগা নকশিন্নহনবা
***
(Release ID: 1637707)
Visitor Counter : 220