কঞ্জুমর এফিয়র্স, ফুদ এন্দ পব্লিক দিস্ত্রিব্যুসনগী কেন্দ্রগী মন্ত্রী শ্রী রাম ভিলাস পসৱননা ভিদিও কনফরেন্সিংগী খুত্থাংদা ঙসি মিদিয়দা ৱা ঙাংবদা প্রধান মন্ত্রী গরিব কল্যান অন য়োজনা অমসুং অত্মা নির্ভর ভারত অভিয়ানগী থবক থৌরমগী মতাংদা ফোঙদোকখি। শ্রী পসৱননা প্রধান মন্ত্রী শ্রী নরেন্দ্রা মোদীগী পি.এম.জি.কে.এ.ৱাই. নবেম্বর ২০২০ ফাওবা থা মঙা শাংদোকখিবগী ৱারেপ অদু তরাম্না ওকখ্রে। মহাক্না হায়রি প্রধান মন্ত্রী শ্রী নরেন্দ্রা মোদীনা লৈত-লাইরবা মীওইশিং কোবিদ-১৯গী লায়চৎকী মতম অসিদা চরা হেন্দনবগীদমক্তা খ্বাইদগী চাওবা চেঙ য়েন্থোকপগী স্কিম অনি– পি.এম.জি.কে.এ.ৱাই. অমসুং এ.এন.বি.এ. হৌদোকখি। থাদখিবা লেমহৌরিবা চেঙশিং অত্মা নির্ভর ভারত অভিয়ানগী বেনিফিসরিশিংদা লেম্না য়েন্থোকপগী অহেনবা মতম পীদুনা ওগস্ত ৩১, ২০২০ ফাওবা শাংদোকপগী মতাংদসু শ্রী পসৱননা মিদিয়াদা থমখি। শ্রী পাৱননা হায়খি স্কিম অনি অসি ইমপ্লিমেন্ত তৌবনা লৈবাক অসিদা থোক্লিবা কোবিদ-১৯গী লায়চৎনা শেন্মীলোনদা অকায়বা পীবনা মরম ওইরগা লৈত-লাইরবনা থেংনরিবা অৱাবশিং অসি ফগৎহন্নবা ঙম্লগনি।

মাইগ্রেন্ত শিন্মীশিংদা চেঙ য়েন্থোকপা: (অত্মা নির্ভর ভারত পেকেজ)

এ.এন.বি.এ.গী লেম্না চেঙ য়েন্থোকপা ওগস্ত ৩১, ২০২০ ফাওবা শাংদোকপগী মতাংদা ফোঙদোক্লদুনা শ্রী রাম ভিলাস পসৱননা হায়খি স্কিম অসি মে ১৫, ২০২০দা হৌদোকখি অমসুং তশেংবা বেনিফিসরিশিং খঙদোকপগী থবক্তা মতম খরা চংখি মরম অসিনা স্তেৎ/য়ু.তি.শিংনা চিংখ্রবা চেঙ এল.এম.তি. ৬.৩৯গী লেমহৌরিবা অদু ওগস্ত ৩১, ২০২০ ফাওবা য়েন্থোকপগী মতম শাংদোকখ্রে। মহাক্না হায়খি হৌজিক স্তেৎশিং/য়ু.তি.শিংনা থাদখিবা লেমহৌরিবা চেঙ অমসুং চনা এ.এন.বি.গী মখাদা ওগস্ত ২০২০ ফাওবদা লেম্না য়েন্থোকপা ঙম্লগনি

নফসা নত্রগা স্তেৎ স্কিম পি.দি.এস. কার্দকী মখাদা কোনশিন্দবা মাইগ্রেন্ত শিন্মীশিং, পন্দুনা লৈরিবা অমসুং লাইরবা ইমুংশিংদা অত্মা নির্ভর ভারত পেকেজকী মখাদা ইমুং অমদা মীওই অমগী চেঙ কে.জি. ৫ অমসুং চনা কে.জি. ১ লেম্না য়েন্থোকখ্রে।

স্তেৎশিং অমসুং য়ু.তি.শিংনা চেঙ এল.এম.তি. ৬.৩৯ চিংখ্রে। স্তেৎশিং অমসুং য়ু.তি.শিংনা মেদা বেনিফিসরি কোতি ২.২৪দা অমসুং  জুন ২০২০দা বেনিফিসরি কোতি ২.২৫দা চেঙ এম.তি. ২,৩২,৪৩৩ য়েন্থোকখ্রে। স্তেৎশিং অমসুং য়ু.তি.শিংদা চনা এম.তি. ৩৩,৬২০ পীথখ্রে হায়না মহাক্না ফোঙদোকখি। তোঙান তোঙানবা স্তেৎশিং অমসুং য়ু.তি.শিংনা অপুনবা চনা এম.তি. ৩২,৯৬৮ চিংখিবগী মনুংদা এম.তি. ১০,৬৪৫ য়েন্থোকখ্রে।

প্রধান মন্ত্রী গরিব কল্যান অন য়োজনা - ১:

চেঙ (চেঙ/গেহু)

য়ু.তি.শিংনা অপুনবা চেঙ এল.এম.তি. ১১৬.০২ চিংখি হায়না শ্রী পসৱননা ফোঙদোকখ্রে। ২০২০গী এপ্রিল থাদা চেঙ এল.এম.তি. ৩৭.৪৩ (৯৪%) বেনিফিসরি কোতি ৭৪.১৪দা য়েন্থোকখ্রে, মে ২০২০দা চেঙ এল.এম.তি. ৩৭.৪১ (৯৪%) বেনিফিসরি কোতি ৭৩.৭৫দা য়েন্থোকখ্রে অমসুং ২০২০গী জুন থাদা চেঙ এল.এম.তি. ৩২.৪৪ (৮২%) বেনিফিসরি কোতি ৬৪.৪২দা য়েন্থোকখ্রে।

হৱাই

হৱাইগী ওইনা হৌজিক ফাওবদা স্তেৎশিং/য়ু.তি.শিংদা হৱাই এল.এম.তি. ৫.৮৩ থাদোকখ্রে অমসুং স্তেৎশিং/য়ু.তি.শিংদা এল.এম.তি. ৫.৭২ য়ৌখ্রে অদুগা হৱাই এল.এম.তি. ৪.৬৬না য়েন্থোকখ্রে হায়না শ্রী পসৱননা পাউদমখি।

প্রধান মন্ত্রী গরিব কল্যান অন য়োজনা - ২:

হৌজিক থেংনরিবা অৱাবা অমসুং লৈত-লাইরবা মতেং পাঙবীবা মথৌ তাবা অসি য়েংলগা প্রধান মন্ত্রী শ্রী নরেন্দ্রা মোদীনা পি.এম.জি.কে.এ.ৱাই. স্কিম মথং থা মঙা হায়বদি নবেম্বর ২০২০ ফাওবা শাংদোকখ্রে। মন্ত্রীনা জুলাই ৮, ২০২০দা স্তেৎ/য়ু.তি. পুম্নমক্তা পি.এম.জি.কে.এ.ৱাই.গী অহেনবা চেঙ/গেহু মীওই অমদা থা অমগী কে.জি. ৫ জুলাই-নবেম্বর ফাওবা নফসাগী বেনিফিসরি কোতি ৮০.৪৩দা (এ.এ.ৱাই. মীওই কোতি ৯.২৬ অমসুং পি.ঐচ.ঐচ. মীওই কোতি ৭১.১৭দা; চান্দিগর, পুদুচেরী অমসুং দদ্রা অমসুং নগর হভেলিদা দি.বি.তি. কেশ ত্রান্সফরগী মখাদা কোনশিনবা য়াওনা)দা য়েন্থোক্নবা ওর্দর অদু থোকখ্রে। বেনিফিসরি কোতি ৮১দা অপুনবা চেঙ এল.এম.তি. ২০৩ য়েন্থোক্লগনি।

মহাক্না হায়খি পি.এম.জি.কে.এ.ৱাই.-২গী ওইনা অপুনবা চেঙ এল.এম.তি. ২০১.১ স্তেৎশিং অমসুং য়ু.তি.শিংদা জুলাইদগী নবেম্বর ২০২০ ফাওবগী থা মঙাগী থাদখ্রে। মসিদা গেহু এম.এম.তি. ৯১.১৪ অমসুং চেঙ এল.এম.তি. ১০৯.৯৪ য়াওরি। স্কিম অসিগী মখাদা স্তেৎ/য়ু.তি. মরিসা গেহু অমসুং স্তেৎ/য়ু.তি. ১৫দা চেঙ য়েন্থোক্নবা থাদখ্রে।

অপুনবা চেঙ হৱাইগী স্তোক:

ফুদ কোর্পরেসন ওফ ইন্দিয়াগী তাং ০৯.০৭.২০২০গী রিপোর্তকী মতুং ইন্না, এফ.সি.আই.দা হৌজিক চেঙ এল.এম.তি. ২৬৭.২৯ অমসুং গেহু এল.এম.তি. ৫৪৫.২২ লৈরি। মসিনা অপুনবা চেঙ হৱাইগী স্তোক এল.এম.তি. ৮১২.৫১ লৈরগনি (গোদাউন্দা য়ৌরক্ত্রিবা হৌজিক লৈশিল্লিবা গেহু অমসুং ফৌ য়াওদনা)।নফসা অমসুং অতোপ্পা য়াইফ থৌরাংগী স্কিমশিংগী মখাদা থা অমগী মথৌ তাবা চেঙ অসি এল.এম.তি. ৫৫ রোম ওই।

লোকদাউন হৌখিবদগী চেঙ এল.এম.তি. ১৩৯.৯৭ চিংখ্রে অমসুং রেল রেক ৪৯৯৯গী খুত্থাংদা পুথোক-পুশিন তৌখি। জুলাই ১, ২০২০দগী রেল রেক ২৭৮কী খুত্থাংদা চেঙ এল.এম.তি. ৭.৭৮ চিংখ্রে অমসুং পুথোক পুশিন তৌখ্রে। রেল লম্বী নত্তনা, লম্বী অমসুং ঈশিং লম্বীশিংগী খুত্থাংদা পুথোক পুশিন তৌখি। জুলাই ১, ২০২০দগী অপুনবা চেঙ এল.এম.তি. ১১.০৯ পুথোকখ্রে অমসুং অৱাং-নোংপোক থংবা স্তেৎশিংদা জুলাই ১, ২০২০দগী চেঙ এল.এম.তি. ০.২৮ পুশিনখ্রে। 

চেঙ হৱাই প্রোক্যুর্মেন্ত:

০৮.০৭.২০২০ ফাওবদা অপুনবা গেহু এল.এম.তি. ৩৮৯.৪৫ (আর.এম.এস. ২০২০-২১) অমসুং অপুনবা চেঙএল.এম.তি. ৭৪৮.৫৫ (আর.এম.এস. ২০১৯-২০) প্রোক্যুর তৌখ্রে।

ৱান নেসন ৱান রসন কার্দ:

জনুৱারি ২০২১ ফাওবদা স্তেৎ/য়ু.তি. পুম্নমক ও.এন.ও.আর.সি.গী বোর্দতা য়াওহন্নবা মন্ত্রী হোৎনরি হায়না শ্রী পসৱননা হায়খি। মমাংদা স্তেৎ/য়ু.তি. কয়ানা লম্বী থোংগা মরী লৈনবা খুদোংচাবা থেংনখিবা অদু মহাক্না ফোঙদোকখি, হীরম অসিদা মহাক্না দি.ও.তি.গা লোয়ননা সমস্যা অসি কোকহন্নবা হোৎনরি অমসুং গ্রাম পঞ্চায়ৎ খুদিংদা চহি অমগী মতমগী নেৎ কন্নেক্সন লেম্না পীনবা প্রপোজেল অমা তৌখিবা লৈ হায়না মহাক্না ফোঙদোকখি।

***