ন্যু জিলেন্দ, য়ুনাইতেদ কিংদম অমসুং উজবেকিস্থানগী মিসনশিংগী লুচিংবশিংনা থমখিবা মখোয় মশক তাকপগী ৱারোলশিং ঙসি ভারতকী রাস্ত্রপতি শ্রী রাম নাথ কোবিন্দনা অয়াবা পীখ্রে। কোবিদ-১৯ লাইচৎ লাকপদগী ভিদিও কনফরেন্সকী খুৎথাদা রাস্ত্রতি ভাবন্দা মশক তাকপগী ৱারোলশিং থমখিবা অসি মসিনা অনিরকশুবনি। মখোয় মশক তাকপগী ৱারোলশিং থমখিবা মিসনগী লুচিংবশিং অদুদি :

১. দেবিদ পাইন, ন্যু জিলেন্দগী হায় কম্মিসন্নর

২. সার ফিলিপ বার্তোন, য়ুনাইতেদ কিংদমগী হায় কম্মিসন্নর

৩. অখাতোব দিলসোদ খামিদোবিচ, উজবেকিস্থানগী এম্বেসেদর

মখোয় ফম পুবা হৌবদা রাস্ত্রপতি কোবিন্দনা এনভোয়শিংদা য়াইফ-পাউজেলশিং পীখি। মহাক্না হায়খি লৈবাক অহুম অসিগা ভারতনা অচেৎপা মরী লৈনরি অমসুং মালেমগী মরুওইবা ৱাফমশিংদা মখোয়গা মান্নবা মিৎয়েং লৈরি। কোবিদ-১৯ লাইচৎ থেংননবা মালেমগী ওইনা মতেং পাংনবা হেনগৎহনবা অসি হৌজিক মতম অসিগী ওইনা তঙাইফদবনি। লাইচৎ অসি লাকশিন্নবা মালেমগী ওইনা পায়খৎলিবা থবকশিংদা ভারতনা মাংজিল থারি।

লৈবাক অহুম অসিগা অফবা মরী থম্নবদা হরাওবা ফোংদোক্লদুনা রাস্ত্রপতি কোবিন্দনা হায়খি ২০২১-২২ তার্মগী য়ু এন সেকুরিতি কাউন্সিলগী মেম্বর অমা ওইনা , মালেমগী শান্তি অমসুং নুংঙাইবা পুরক্নবা মালেমগী লৈবাকশিংগা থবক তৌমিন্ননবা ভারতনা থাজবা থম্লি।

***