প্রধান মন্ত্রী শ্রী নরেন্দ্র মোদীনা ময়ায় তাংবল ওইদুনা কেন্দ্রগী মন্ত্রী মন্দলনা কোবিদ-১৯দগী শেল-থুমগী থাক্তা মায়োক্নননবগী শরুক অমা ওইনা প্রধান মন্ত্রী গরীব কল্যান য়োজনা অসি জুলাইদগী নবেম্বর, ২০২০ ফাওবা থা মঙা অমগা মতম শাংদোকপগী অয়াবা পীখ্রে।

য়োজনা অসিদগী নেস্নেল ফুদ সেক্যুরিতী এক্ত, ২০১৩ (এন.এফ.এস.এ.)দগী বেনিফিসরী পুম্নমক্কী ইমুং-মনুংদা জুলাই-নবেম্বর, ২০২০ ফাওবগী ওইনা মথংগী থা মঙা ফাওবা থা খুদিংগী চনা মপুম কিলো অমমম লেম্না য়েন্থোক্নবগীদমক্তা রাজ্যশিং/য়ুনিয়ন তেরিতোরীশিংদা চাউরাক্না লুপা কোতি ৬,৮৪৯.২৪মুক ওইগদবা চনা মেত্রিক তোন লাখ ৯.৭ য়েন্থোক্নবগী পুখৎখিবা ৱাফম লৈ।

স্কীম অসিনা চাউরাক্না ইমুং কোতি ১৯.৪মুক কোনশিল্লি।

পি.এম.জি.কে.এ.ৱাই.গী চংগদবা চাদিং পুম্নমক কেন্দ্র সরকারনা পুগনি। য়োজনা অসি ভারত সরকারনা মথংগী থা মঙা ফাওবদা অথিংবশিং লৈবনা মরম ওইরগা কনাগুম্বা অমত্তগী চেং-হৱাইগী অৱাৎপা লৈহন্দনবা মরু ওইনা লায়রবা ইমুংশিংদা অৱাবা মায়োক্নহন্দনবা থমখিবা ৱাফমশিং অদুগী পরিংদা পায়খৎপনি। লেম্না চনা য়েনবা অসিনা থা মঙা অসিদা মথক্তা পনখ্রিবা মীওইশিংদা প্রোতিনশিং শোয়দনা ৱাত্তনা ফংহল্লগনি।

২০১৫-২০১৬দা শেমগৎখিবা বফর স্তোক্কী পেজেক্ত অসিগী ওইনা হৱাই মরুশিং য়েন্থোক্কদবনি। পেকেজ অসি পি.এম.জি.কে.এ.ৱাই.গী শাংদোকখিবা মতম অসিগী মনুংদা য়েন্থোক্নবগীদমক্তা ভারত সরকারগীদা চনাগী কোন্ননবা স্তোক লৈ।

পি.এম.জি.কে.এ.ৱাই. (এপ্রিল-জুন ২০২০ ফাওবা)দা লৈবাক অসিগী ইমুং কোতি ১৮.২দা কান্নবা ফংহন্দুনা হৱাই মেত্রিক তোন লাখ ৪.৬৪ য়েন্থোকপা হৌখ্রে।

য়ুম্ফমঃ

কোরোনা ভাইরস অমসুং লোকদাউন্না মরম ওইদুনা শেল-থুমগী অৱাবা মায়োক্নরিবশিং নত্ত্রগা লায়রবশিংগী খুদোংচাদবশিং অসি হন্থহন্নবগীদমক্তা প্রধান মন্ত্রীনা জুন ৩০, ২০২০দা গরীব কল্যানা পেকেজ অসি নবেম্বর ২০২০ ফাওবা শাংদোক্নবা লাউথোকখি।

***