স্বীদেনগী হকশেল অমসুং য়াইফ য়ুম্বালগী মন্ত্রী কুমারি লেনা হেল্লেনগ্রেন্না কেন্দ্রগী হকশেল অমসুং য়াইফ-য়ুম্বালগী মন্ত্রী দা. হর্শ বর্ধনগা ঙসি মফম অসিদা হকশেল অমসুং হীদাকশিংগী মতাংদা খন্ন-নৈনমিন্ননবগীদমক দিজিতেলগী থোংদা উন্নখ্রে।

মন্ত্রী অনিনা লৈবাক অসিদা কোবিদ-১০গী মতাংদা মরিক চুম্বা স্তেতস অমসুং পায়খৎলিবা থৌরাংশিং অমসুং মদু য়েংশিন্নবগী তুংদা পায়খৎকদবা থবকশিংগী মতাংদা খন্নখি। কুমারি লেনা হেল্লেংগ্রেন্না দা. হর্শ বর্ধনবু দব্লিয়ু.ঐচ.ও.গী চেয়র ওইনা খল্লকপগীদমক নুংঙাইবা ফোংদোকখি অমসুং তোস্তিং তৌবগী মপাঙ্গল হেনগৎহন্দুনা মী মীয়াম কয়া-কয়া অমা দাইগ্নোনাইজ তৌদুনা ঙন্না লায়েংবা ঙমহনবগীদমক থাগৎপা ফোংদোকখি।

দা. হর্শ বর্ধন্না খুৎশম্নদুনা থবক তৌমিন্নবা কাংবুগী থাক্তা নাকল অনিমক্কী ওইবা মীফম তরানা য়েংশিল্লিবা ভারত-স্বিদেনগী চহি তরা ফারকপগী মতাংদা হায়খি। মহাক্না ইকুই-কুইদ্রিবা চহিশিংসিদা ভারত সরকারনা মমাংদা অমুক্তা থোকখিদ্রিবা মওংদা মায় পাকখিবশিংগী মতাংদসু পনখি: “মীওই মিলিয়ন ৫৫০ আয়ুশমান ভারত য়োজনাগী মনুং চলহনখ্রে, মমা ওইবিশিং অমসুং পোকপদা ঙাইরিবা অঙাংশিং শিবগী চাং হন্থহনখ্রে, ভারতনা ইং কুমজা ২০২৫ ফাওবদা তি.বি. অসিবু লোইশিনখিনবগীদমক্তা থমখিবা পান্দম অসি পাক-চাওনা হেনগৎহনখিবা অদুগা হেল্থকেয়রগী সিস্তেম অসিদা আই.তি. অসি হাপচিন্দুনা অপুনবা মওংদা শেম্ননবা ভারতকী দিজিতেল ইন্দিয়া প্রোগ্রাম্না ৱাশকখ্রে”। ভারতনা এন্তিবাইওতিক রিজিস্তেন্সশিংগী রিসর্স তৌখ্রে হায়না মহাক্না মখা তানা ফোংদোকখি।

কোবিদ-১৯গী লায়চৎ অসি য়েংশিনবদগী ভারতনা তমহৌবা পারাশিংগী মতাংদা দা. হর্শ বর্ধন্না হায়খি, “ভারত্তা নাবদগী ফগৎলকপগী চাং অসি চাদা ৬১দগী হেল্লে অমসুং বিলিয়ন ১.৩৫ লৈবা লৈবাক অমা ওইজরগসু শিবগী চাং অসি চাদা ২.৭৮দা নেম্না লৈ। নোংমদা মীওই লাক্ষ ২.৫তেস্ত তৌবগী থবক পাংথোক্লি। কোবিদ-১৯ দাইগ্নোজ তৌনবা লেব অসি থা মরীগী মমাংদা লেব অমক্তমক লৈরম্বা অদু হৌজিক লেব ১১০০ হেন্না লৈরে।” মহাক্না ফোংদোকখি, “ভারতকী হান্না এক্তিব ওইরবা, হান্না হাংহনখ্রবা অমসুং থাক নাইবা মীৎয়েংনা সরকারনা পুনশিন্নদুনা শেমখিবা থ্রি-তায়র্দকী কোবিদকী হেল্থ ইনফ্রাস্ত্রকচর অসিদা মতম অমদা হেক্তা নিংথিজনা শেমখিবা গ্রাফ অমসুং থোইদোকপা মশিংদা কনশিন্দ্রিবা ফমুংশিং নিংথিজনা থমখ্রে”।

ভারতনা নোভেল কোরোনাভাইরস থোক্লকপা অসিদা খুদোংচাবা অমগী মওংদা শিজিন্নরি। “মসি ঐখোয়গী দাইনামিক অমসুং ভিজনরী ওইরবা প্রধান মন্ত্রীনা মমাং থানা লমজিংবিদগীনি অমসুং ‘সরকার লোয়নমক’না তোঙান-তোঙানবা থাক্তা থবকশিং পায়খৎলি। জনুৱারী ৮দগী চাইনানা নোভেল কোরোনাগী পেথোজেনগী মতাংদা চেকশিন্না লৈহনখিবা নোংমা লৈরগা সরকারনা সমুদ্র অমসুং কংফালগী হিথাংফমশিং, এয়রপোর্তশিংগী চংফমদা সর্ভিলেন্সকীদমক তোঙান-তোঙানবা ব্রাঞ্চশিংগা খুৎশম্নখি। মসিনা কম্যুনিতী সর্ভিলেন্স মপাঙ্গল হেনগৎহন্দুনা হকশেল অমসুং চত্থোক-চৎশিনগী মরিক চুম্বা এদভাইজরিশিং থোকখি অমসুং মীরৈবাক্তা লৈবা ইরমসিগী মীওই কয়াসু হোল্লকখি। ভারত্তা হৌজিক শান্নবা মেনুফেকচরিং য়ুনিৎ ১০০না নোংমদা পি.পি.ই. লাক্ষ ৫ হেন্না শারি অমসুং মসিগা মান্নবা মওংদা এন.৯৫ মাস্ক অমসুং ভেন্তিলেতর পুথোকপগী চাং অসি খংহেন হেনগৎহনখ্রে”। ভারতনা লৈবাক ১০০দগী হেনবদা হাইদ্রোক্লোরোক্সিক্বিন সপ্লাই তৌখ্রে হায়না দা. হর্শ বর্ধন্না মহাক্কী স্বীদেনগী মপাংশিংদা পাওদমখি।

মন্ত্রী অনিমক্না কুম অসি লোইরকপদা অমসুং থৌদোক অসি লৌইশিন্দ্রবফাওবা দিজিতেলদা পাও ফাওনদুনা পুন্না খুৎশম্ননা থবক তৌরিবা কাংলুপ অসিগী মথংগী মীফম পাংথোক্নবা য়ানখি। মখোয়না মখোয়গী মন্ত্রালয়দা য়াওরিবা মথক থোংবা ওফিসিএলশিংদা মীফম অসিদা খন্নখিবা ৱাফমশিং অসি ইন্ননবা হায়খি।

দা.হর্শ বর্ধন্না কুমারি হেল্লেনগ্রেন অমসুং মহাক্কী স্বেদিনগী মরুপশিংদা হকচাং ফনা লৈনবগীদমক য়াইফ পাওজেল পীদুনা মীফম অদু লোইশিনখি।

***