শেল-থুম অমসুং কোরপোরেৎ এফিয়র্সকী কেন্দ্রগী মন্ত্রী শ্রীমতি নির্মলা সিতারমন্না ঙসি ভিদিও কনফরেন্সকী খুথাংদা পেত্রোলিয়ম অমসুং নেচরেল গ্যাস, পাৱর, কোইলা, মাইন্স মন্ত্রালয়শিংগী সেক্রেতরীশিং, অমসুং দি/ও এতোমিক ইনর্জী অমসুং মন্ত্রালয়শিং অসিগী মখাদা লৈবা সি.পি.এস.ই. ২৩গী সি.এম.দি.শিংগা মীফম অমা পাঙথোকখ্রে। হায়রিবা মীফম অসি শেল-থুম মন্ত্রীনা তোঙান-তোঙানবা স্তেকহোল্দরশিংগা লোইননা শেন্মিৎলোন চাউখৎনবগীদমক পাঙথোকপা মীফমগী মখা চত্থরকপা ওইনা পাঙথোকখিবনি।

শেনবা চহী ২০১৯-২০দা, সি.পি.এস.ই. ২৩না কেপেক্সকী লুপা কোতি ১,৬৪,৮২২গী পান্দম থমখিবা মতমদা লুপা কোতি ১,৬৬,০২৯ ফংবা ঙমখি, হায়রিবসি চাদা ১০১ ফংলবনি। ক্যু ১ (শেনবা চহী ২০১৯-২০)দা ফংখিবসি লুপা কোতি ২৬,৩২০ (১৬%)নি অমসুং ক্যু ১ (শেনবা চহী ২০২০-২১)দা ফংবনা লুপা কোতি ২০,২০২ (১২%)নি। ২০২০-২১দা থমখিবা কেপেক্সকী পান্দম্না লুপা কোতি ১,৬৫,৫১০নি।

সি.পি.এস.ই.শিংনা হোৎনরিবশিং অসি য়েংলদুনা শেল-থুম মন্ত্রীনা হায়খি, ভারতকী শেন্মিৎলোন ইনখৎনবা হোৎনবদা সি.পি.এস.ই.শিংগী চাউরবা থৌদাং লৈ। মহাক্না সি.পি.এস.ই.শিংবু পান্দম ফংবা ঙম্নবা হেন্না কন্না হোৎননবা অমসুং মখোয়দা ২০২০-২১গীদমক থাদরিবা কেপিতেল আউৎলে অদু মতীক চানা অমসুং অপীবা মতমগী মনুংদা শীজিন্ননবা পুক্নিং থৌগৎখি। শেল-থুম মন্ত্রীনা হায়খি মদুদি, সি.পি.এস.ই.শিংনা হেন্না ফগৎনা হোৎনবা মতমদা কোবিদ-১৯না শোকহল্লবা শেন্মিৎলোন অসি ফগৎপা ঙমগনি।

শেল-থুম মন্ত্রীনা সেক্রেতরীশিংদা কেপিতেল এক্সপেন্দিচর অদু কেপিতেল আউৎলেগী ৫০%দা ক্যু ২ ২০২০-২১ ফাওবদা শীজিন্ননবা অমসুং মদুগী প্লান য়াৎনবা সি.পি.এস.ই.শিংগী থবক থৌরমশিং কুপ্না য়েংশিন্নবা শিন্নখি। মহাক্না লোইশিনবা ঙমদবা খুদোংচাদবশিংবু দি.ই.এ./দি.পি.ই.দা শিন্নদুনা খুদক্তা লোইশিন্ননবা হায়খি।

মন্ত্রালয়শিং/সি.পি.এস.ই.শিংনা কোবিদ-১৯না মরম ওইদুনা মখোয়দা খুদোংচাদবা থোকহল্লিবা শিন্মী ৱাৎপগী সমশ্যা, মপান্দগী পোৎ পুশিনলকপদা তপ্পা, দিস্কোমশিংনা এন.পি.সি.আই.এল. অমসুং এন.এল.সি.গুম্বা সি.পি.এস.ই.শিংগী পুত্থরিবা শেল থীবদা তপ্পা অসিনচিংবা সমশ্যাশিংগী মরমদা খন্নখি। শ্রীমতি সিতারমন্না তোপ-তোপ্পা ফিবমশিংদি তোপ-তোপ্পা মওং অমদা শুবা তঙাইফদে অমসুং অপুনবা ওইনা হোৎনমিন্নবনা ঐখোয়না হেন্না ফবা মওংদা থবক পাঙবা ঙম্বদা নত্তনা ভারতকী শেন্মিৎলোন্না হেন্না ফবা মাইকৈদা লাক্নবা হোৎনবদসু মতেং পাংগনি হায়খি।

*****