সেন্ত্রেল বোর্দ ওফ ইন্দাইরেক্ত তেক্সেস এন্দ কস্তম্স (সি.বি.আই.সি.)গী চেয়রমেন শ্রী এম. অজিত কুমারনা ঙরাং সেন্ত্রেল রিভিন্যু কন্ত্রোল লেবোরেতরী (সি.আর.সি.এল.)দা নৌনা শীজিন্নবা হৌখবা কস্তম্সকী ইন-হাউস তেস্তিং কেপেবিলিতী হেনগৎহন্দুনা ইম্পোর্ত অমদি এক্সপোর্ত ক্লিয়রেন্স থুজিনহনবগদবা অনৌবা অমদি মতমসিগী ওইপা তেস্তিং ইকুইপমেন্তা কয়ামরুম উৎখ্রে‍। মহাক্না সি.বি.আই.সি.গী ফ্লেগসিপ প্রোগ্রাম, “তুরন্ত কস্তম্স”গী মখাদা “কন্তেক্তলেস কস্তম্স”দা মতেং ওইগদবা অনৌবা আই.তি. ফংসনেলিতীশিংসু হৌদোকখি‍।

শ্রী কুমারনা লুপা করোর ৮০রোম চঙনা স্তেত-ওফ-আর্ত মচাকশিং হাপচিন্দুনা শেমগৎখিবা সি.আর.সি.এল.গী মচাক মথুম অমদি তেস্তিং ফেসিলিতীশিং য়াওবা ব্রোচ্যুর অমা ফোঙখি‍। নই দিল্লী, কান্দলা, ভদোদরা, মুম্বাই, নবা সেবা, কোচি, চেন্নাই অমসুং ভিসাখপত্নমদা লৈবা সি.আর.সি.এল. লেবোরেতরী ৮ দিফাইন স্কোপকীদমক আই.এস.ও./আই.ই.সি. ১৭০২৫:২০১৭গী মতুং সন্না কেমিকেল তেস্তিংগী এম.এ.বি.এল. এক্রেদিতেসন ফংলে‍। অদুগা নই দিল্লী অমদি চেন্নাইদা লৈবা সি.আর.সি.এল. অসি ফোরেন্সিক তেস্তিংগীদমক (এন.দি.পি .এস. সব্সতেন্স তেস্ত তৌনবা) এম.এ.বি.এল. এক্রেদিতেদ তৌরে‍।

কন্তেক্তলেস কসস্তম পুক্নীং থৌগৎনবা নৌনা মায়খুম হাংদোকখিবা আই.তি. ফংসনেলিতীশিং অসিনা এক্সপোর্তরশিংবু মখোয়গী বেঙ্ক একাউন্ত অমদি এ.দি. কোদ আইসগেতকী খুত্থাঙদা হোংদোক হোংজিন তৌবা ঙমহনবগা লোয়ন-লোয়ননা কস্তম্স ওফিসর অমগী মনাক্তা চঙদ্রবসু আইসগেততা রেজিস্তর তৌবা য়াহল্লে‍। ঙসি লাউথোকখিবা য়াম্না চাউবা অনৌবা ৱাফম অমদি ইম্পোর্তর অমনা কস্তম্স হাউসতা মশা চত্তুনা মেনুএল ওইনা দেবিত তৌবগী মথৌ তাররোইদবা আই.সি.ই.এস.তা বোন্দশিং ওতোমেতিক ওইনা দেবিত তৌবা অসিনি‍। মখা তানা বোন্দদা লৈরিবা বেলেন্স ইম্পোর্ত দোকুমেন্ততা উত্থোকপনা ইম্পোর্তরশিংদা মখোয়গী ইম্পোর্তশিং থৌরাং তৌজবদা মতেং ওইরগনি‍। হায়রিবা ফংসনেলিতীশিং অসিনা কস্তম্সগা হকথেংননা থেংনবগী থবক থৌওং হন্থহনবদা মতেং ওইগদবা ৱাফমশিং চেয়রমেন্না থমখি‍।

মরুওইনা, ফেসলেস এসেসমেন্তকী অহানবা তাঙ্কক্কী ওইনা বেঙ্গলুরু অমসুং চেন্নাইদা থমখিবা সিঙ্গল পোইন্ত ইন্তরফেস অসিনা পীরিবা কান্নবশিংগী য়েংলগা, সি.বি.আই.সি.না ১৫.০৭.২০২০দগী হৌরগা কস্তম্স ফোর্মেসন পুম্নমক্তা তুরন্ত সিবুধা কেন্দ্র (তি.এস.কে.)শিং শেমগৎলগনি‍। মখা তারকপদা তি.এস.কে.শিং অসিনা কন্ত্রী ওফ ওরিজিন সর্তিফিকেত মমায় শেগারকপগুমবা ফীভমশিংদা চে-চাং হকথেংননা থাজিনবা মথৌ তারকপা মতাংদা কস্তম্স ফোর্মেসনশিংগা ফিজিকেল ইন্তরফেস থম্নবগী অমত্তা ঙায়রবা মফম ওইগনি‍। মসিনা মখা তানা কস্তম্স ক্লিয়রেন্সকী থৌওংদা লায়থোকহল্লগনি হায়না থাজরি‍।

****