কেন্দ্রগী হ্যুমেন রিসোর্স দেভেলপমেন্ত মন্ত্রী শ্রী রামেশ পোখ্রিয়াল ‘নিসঙ্ক’না নই দিল্লীদা জুলাই ৬, ২০২০দা কোবি দ-১৯ লাইচৎ অসিদা মীৎয়েং থমদুনা শেমবা য়ুনিবর্সিতীশিংগী পরিক্ষ্যা অমসুং একাদেমিক কেলেন্দরগী য়ু.জি.সি.গী শেমদোক্লপা চৎন-পথাপ ভর্চুএল ওইনা ফোঙখ্রে‍। শ্রী পোখ্রিয়ালনা হায়খিবদা ফিরেপ অসি হকশেল, শাফবা ফীভম, অচুমবা অমদি মান্নবা খুদোংচাবা মহৈরোয়শিংদা পীননবগীদমক লৌখি‍বনি‍। অদুগা অমুকসু মালেমগী ওইনা মহৈরোয়শিংগী একাদেমিক ক্রেদিবিলিতী, করিয়রগী খুদোংচাবা অমদি তুংদা খুমাঙ চাউশিন্নবগীদমক হোৎনবা হায়বসি মরুওইবা অমনি‍। কোবিদ-১৯ লাইচৎকী চিরবা তানফমসিদা মতম পুম্নমক্তা তাকপা, তমবা, চাংয়েং, একাদেমিক কেলেন্দরগা মরী লৈনবা হীরম কয়ামরুমদা হোৎনবগীদমক্তা মহাক্না য়ু.জি.সি.বু থাগৎখি‍।

The UGC has revisited its earlier guidelines related to university examinations.
In view of the safety, career progression and placements of the students and their larger interests, after consulting @HMOIndia and @MoHFW_INDIA, it has been decided that pic.twitter.com/evKTYPwnIa

— Dr. Ramesh Pokhriyal Nishank (@DrRPNishank) July 6, 2020

এপ্রিল ২০২০দা য়ুনিবর্সিতী গ্রান্ত কম্মিসননা চাংয়েং অমসুং একাদেমিক কেলেন্দরগা মরী লৈনবা ৱাফমশিং খন্ননবা অমদি রিকম্মেন্দেসন পীরক্নবা এক্সপর্ত কম্মিতী অমা শেমখি‍। কম্মিতী অসিগী রিপোর্ততা য়ুম্ফম ওইদুনা য়ু.জি.সি.না ২৯.০৪.২০২০দা চাংয়েং অমসুং একাদেমিক কেলেন্দরগা মরী লৈননা চৎন-পথাপ অমা লাউথোকখি‍। কোবিদ-১৯ কেস মশিং অসুম অসুম হেনগৎলকপনা মরম ওইরগা য়ু.জি.সি.না এক্সপর্ত কম্মিতী অদুদা চৎন-পথাপশিং অদু অমুক হন্না নৈনদুনা চাংয়েং পাঙথোকপা, য়ুনিবর্সিতী/কলেজশিংদা মিং চৎনবা অমসুং অনৌবা একাদেমিক সেসন হৌবগী মতাংদা সজেসন পীরক্নবা খঙহনখি‍।

কম্মিসন অসিনা ০৬.০৭.২০২০দা পাঙথোকখিবা মখা তারকপা মীফমদা কম্মিতী অদুগী রিকম্মেন্দেসন অদু লৌশিনখি অমদি ‘য়ু.জি.সি. রিভাইজ গাইদলাইন্স ওন এগজামিনেসন এন্দ একাদেমিক কেলেন্দর ফোর দি য়ুনিবর্সিতীজ ইন ভিউ ওফ কোবিদ-১৯ পেন্দেমিক’ অয়াবা পীখি‍।

চৎন-পথাপ অদুগী চাউরাকপা ৱারোলশিংদি:

• ভারত্তা কোবিদ-১৯ লাইচৎকা মরী লৈননা ওইরক্লিবা ফীভমসিদা মীৎয়েং থম্লগা, হকশেল, শাফবা ফীভম, অচুমবা অমদি মান্নবা খুদোংচাবা মহৈরোয়শিংদা পীবা হায়বসি মরুওইবা ওইরি‍। অদুগা অমুকসু মালেমগী ওইনা মহৈরোয়শিংগী একাদেমিক ক্রেদিবিলিতী, করিয়রগী খুদোংচাবা অমদি তুংদা খুমাঙ চাউশিন্নবগীদমক হোৎনবা হায়বসিসু তঙাই ফদবনি‍। ইদুকেসন সিস্তেম খুদিংমক্তা মহৈরোয়শিংগী একাদেমিক ইভালুএসন তৌবা হায়বসি য়াম্না মরুওইবা মাইলস্তোন ওইরি‍। চাংয়েংদা পীরিবা মখোয়গী পর্ফোর্মেন্সনা মহৈরোয়শিংদা থাজবা অমদি অপেনবা পোকহল্লি অমদি মসিনা মালেমগী ওইনা চৎনবা য়াননবগীদমক্তা মথৌ তাবা মখোয়গী কম্পিতেন্স, পর্ফোর্মেন্স অমসুং ক্রেদিবিলিতীগী মমিসু ওইরি‍।
• তর্মিনেল সিমিস্তর(শিং)/ অরোয়বা চহী(শিং)গী চাংয়েংশিং য়ুনিবর্সিতীশিং/ইনস্তিত্যুসনশিংনা সেপ্তেম্বর, ২০২০ লোইরকপদা ফীভমগী অমদি চৎনবা য়াবগী মতুং ইন্না ওফলাইন (কলম অমসুং চে)/ ওনলাইন/ ব্লেন্দেদ (ওনলাইন + ওফলাইন)গী মওংদা পাঙথোক্কদবনি‍।
• বেকলোগ লৈরিবা তর্মিনেল সিমিস্তর/ অরোয়বা চহীগী মহৈরোয়শিং শুকশোয় শোয়দনা ফীভমগী অমদি চৎনবা য়াবগী মতুং ইন্না ওফলাইন (কলম অমসুং চে)/ ওনলাইন/ ব্লেন্দেদ (ওনলাইন + ওফলাইন)গী মওংদা পাঙথোক্তুনা ইভালুএত তৌগদবনি‍।
• মরম অমা হেক্তনা য়ুনিবর্সিতীনা পাঙথোকপা চাংয়েংদা তর্মিনেল সিমিস্তর/ অরোয়বা চহীগী মহৈরোয় অমনা য়াওবা ঙমদ্রবদি, মঙোন্দা অসিগুম্বা কোর্স/ পেপরশিংগীদমক্তা অখন্ননা পাঙথোকপা চাংয়েংদা য়াওহনবগী খুদোংচাবা পীবিগদবনি অমদি মহৈরোয়শিংদা খুদোংচাদবা থোকহন্দনবা মওংদা ফীভমগী মতুং ইন্না য়েংলগা য়ুনিবর্সিতীনা শীনবিগদবনি‍। হায়রিবা ৱাফম অসি অমুক্তংগী ওইবা থৌশিল ওইনা চৎলিবা একাদেমিক সেসন ২০১৯-২০খক্তদা চৎনগনি‍।
• ইন্তরমেদিএত সিমিস্তর/ ইয়র একজামিনেসনগী মতাংদা ২৯.০৪..২০২০দা থোকখিবা চৎন-পথাপশিংদা অহোংবা লৈরোই‍।
• করিগুমবা মথৌ তারবদি, য়ুনিবর্সিতীশিং অমদি কলেজশিংদা মিং চনবা অমদি একাদেমিক কেলেন্দরগী মরী লৈনবা অকুপ্পা ৱারোলশিং এপ্রিল ২৯, ২০২০দা থোকখিবা হান্নগী চৎন-পথাপ্তা পনখিবা অদুগী মহুত্তা তোঙান্না থোক্কদবনি‍।

এপ্রিল ২৯, ২০২০দা থোকখিবা য়ু.জি.সি.গী চৎন-পথাপশিংগীদমক মফমসিদা নম্বীয়ু:

https://static.pib.gov.in/WriteReadData/userfiles/UGC%20Guidelines%20on%20Examinations%20and%20Academic%20Calendar.pdf

******