ঙসি ৱর্ল্দ বেঙ্ক অমসুং ভারত সরকারনা কোবিদ-১৯গী ইরাংসিনা শাথিনা শোকহল্লবা মাইক্রো, স্মোল অমসুং মীদিয়ম ইন্তরপ্রাইজশিং (এম.এস.এম.ই.)দা লেপ্তনা শেল থাদবদা ঙম্নবগীদমক্তা এম.এস.এম.ই. ইমর্জেন্সী রেস্পোন্স প্রোগ্রামগীদমক্তা মিলিয়ন $৭৫০গী য়ানচে অমগী খুৎয়েক পীনখ্রে।

ৱর্ল্দ বেঙ্ককী এম.এস.এম.ই. ইমর্জেন্সী রেস্পোন্স প্রোগ্রাম অসিনা মতিক চাবা এম.এম.এস.ই. খরগী শেনফম মিলিয়ন ১.৫গী খুদক্কী ওইবা লিক্বিদিতী অমসুং ক্রেদিৎকী তঙাইফদবশিং পীগনি অমসুং হৌজিক লৈরিবা ইরাং অসিবু থেংনবা ঙমহন্দুনা থবক লাখ কয়া কয়াবু তেক্ত কায়দনা থম্বদা তেংবাংগনি। মসিনা মতমগী মতুং ইন্না এম.এস.এম.ই.গী সেক্তরবু চাউখৎহন্নবা পায়খৎকদবা পাক চাউরবা খোংথাং কয়াগী মনুংদা অহানবা খোংথাং অমনি।

য়ানচে অসি ভারত সরকারগী মাইকৈদগী শেলথুম মন্ত্রালয়গী ইকোনোমিক এফিয়ার্স বিভাগকী এদিস্নেল সেক্রেতরী শ্রী সমীর কুমার খারে অমসুং ৱর্ল্দ বেঙ্ককী মাইকৈদগী কন্ত্রী দাইরেক্তর (ইন্দিয়া) শ্রী জুনেদ অহমদনা খুৎয়েক পীনখি।

শ্রী খারেনা হায়খিবদা কোবিদ-১৯গী লায়চৎ অসিনা এম.এস.এম.ই.গী সেক্তরদা শাথিনা শোকহন্দুনা মীওই কয়াগী পুন্সি মহিংদা অকায়বা পীবগা লোয়ননা থবক কয়া অমসু মাংখ্রে। ভারত সরকারনা এন.বি.এফ.সি.শিংদা শেলথুমগী শেক্তরগী মরাং কায়বা লিক্বিদিতী পীশিনবগী থৌওং লেপহন্দনবা অমসুং শেল থাদবগী মায়োক্তা লৈরম্বা বেঙ্কশিংশু এন.বি.এফ.সি.শিংদা শেল পুহন্দুনা লেংদবা শেন্মিৎলোনগী শরুক অমা ওইহন্নবা অকনবা মিৎয়েং চংলি। মসিগী প্রোজেক্ত অসিনা সরকারদা এন.বি.এফ.সি.শিংবু ইন্সেন্তিবাইজ তৌনবা তারগেতেদ গেরেন্তী পীবা অমসুং মতিক চাবা এম.এস.এম.ই.শিংদা ইরাং অসিবু থেংনবা ঙম্নবা বেঙ্কশিংনা শেল পীবা লেপহন্দনবা হোৎনবদা তেংবাংগনি।

ৱর্ল্দ বেঙ্কনা মহাক্কী প্রাইবেৎ সেক্তরগী মশা অমা ওইরিবা ইন্তর্নেস্নেল ফাইনান্স কোর্পোরেসন (আই.এফ.সি.) য়াওনা সরকারনা এম.এস.এম.ই. সেক্তরবু ঙাক শেন্নবা খোংথাংশিং অসিবু মখাদা পীরিবা থৌওংশিংগী খুত্থাংদা শৌগৎকনি। থৌওংশিং অদুদিঃ

• লিক্বিদিতী হাংদোকপা

ভারতকী শেলথুমগী পথাপ অসি আর.বি.আই.না লৌখিবা অঙনবা অমসুং অচেৎপা ৱারেপশিংদগী কান্নবা কয়া ফংখ্রে অমসুং ভারত সরকার (জি.ও.আই.)না মার্কেত্তা লিক্বিদিতী পীগদৌরি। হৌজিক ওইরিবা তংদু লৈতাদবশিং অসি য়েংলুরগা শেল থাদবা মীওইশিংনা শেল পুরিবশিংনা শেল শিংলকপা ঙমগদরা হায়বগী চমম্নবা লৈবা অসিনা সেক্তর অসিগী মতিক চাবা ইন্তরপ্রাইজশিংদা ফাওবা অকক্নবা শেনফমদগী হেন্না থাদদ্রি। মসিগী প্রোগ্রাম অসিনা তোঙান তোঙানবা ক্রেদিৎ গেরেন্তীনচিংবা য়াওবা খুৎলায় কয়াগী খুত্থাংদা এম.এস.এম.ই.শিংদা বেঙ্ক অমসুং নন-বেঙ্কিং ফাইনেন্সিএল কম্পেনীশিং (এন.বি.এফ.সি.শিং)না শেল পুহনববু অকায়বা/অমাংবা ওইহন্দনবা সরকারনা পনখ্রিবা লিক্বিদিতীশিং অসিবু এম.এস.এম.ই. শেক্তরশিংদা পীনবা হোৎনবদা তেংবাংগনি।

• এন.বি.এফ.সি.শিং অমসুং এস.এফ.বি.শিংবু কনখৎহনবা

এন.বি.এফ.সি.শিং অমসুং স্মোল ফাইনান্স বেঙ্ক (এস.এফ.বি.)নচিংবা মার্কেৎকা মরী লৈনবা ক্রেদিৎকী চেনেলশিংগী শেল থাদবা ঙম্বগী চাং ফগৎহনবা অসিনা এম.এস.এম.ই.শিংগী অথুবা অমসুং তোঙানবা তঙাই ফদবশিংদা তেংবাংবদা মতেং ওইগনি। মসিদা সরকারনা এন.বি.এফ.সি.শিংদা অমুক্কা হন্না শেল থাদবগী খুদোংচাবশিংশু য়াওরি। মসিগা ইরোয়ননা আই.এফ.সি.না লোন অমসুং ইক্বিতীগী খুত্থাংদা এস.এফ.বি.শিংদা হকথেংননা তেংবাংলি।

• শেলথুমগী ওইবা ইন্নোবেসনশিং মথৌ তৌহনবা

এম.এস.এম.ই.শিংগী শুপ্নগী চাদা ৮দি ফোর্মেল ক্রেদিৎ চেনেলশিংনা হৌজিক্কী ওইনা তেংবাংলি। প্রোগ্রাম অসিনা এম.এস.এম.ই. লেন্দিং অমসুং পেমেন্ততা ফিন্তেক অমসুং দিজিতেল ফাইনেন্সিএল সর্বিস শিজিন্নবা অসি ইন্সেনিতিবাইজ অমসুং মেন্সত্রীম তৌগনি। দিজিতেল প্লেৎফোর্মশিংনা শেল পুহনবশিং, সপ্লায়র অমসুং বাইয়রশিংবু মথৌ তৌহনবগী মরু ওইবা থৌদাং অমা লৌরি অমসুং মসিনা মরু ওইনা অতোপ্পা ফোর্মেল চেনেলশিংগী খুদোংচাবা ফংদবা অপিকপা ইন্তরপ্রাইজশিংদা হেন্না থুবা মতম অমসুং অহোংবা মমলদা য়ৌবা ঙমহল্লি।

শ্রী জুনেদ অহমদনা হায়খিবদা এম.এস.এম.ই. সেক্তর অসি ভারতকী শাহৌ অমসুং থবক পীবদা ময়ায় ওইবা থৌদাং লৌরি অমসুং মসিনা কোবিদ-১৯গী মতুংদশু ভারতকী শেন্মিৎলোন ফগৎলকপগী খোংজেলগী চাং লেপ্নবা মরু ওইবা হীরম অমা ওইগনি। এম.এস.এম.ই.শিংগী মপুং ওইবা শেলথুমগী ইকোসীস্তেম ফগৎহনবশু চপ মান্নবা মওংদা মরু ওই। মসিগী খোংথাংশিং অসিনা এন.বি.এফ.সি.শিং অমসুং এস.এফ.বি.শিংগী থৌদাংশিংবু মতিক চাবা শেলথুমগী মতেং পাংনবা মপাঙ্গল হেনগৎহনবা অমসুং ফিন্তেক শিজিন্নদুনা ফাইনান্স সেক্তরনা এম.এস.এম.ই. সেক্তরদা য়ৌবা ঙম্ববু পাক চাউথোকহন্দুনা মথক্তা পনখ্রিবা পান্দম অনিমক অসি ফংবা ঙমগনি।

ৱর্ল্দ বেঙ্কনা ঙসি ফাওবদা এম.এস.এম.ই.গী অনৌবা প্রোজেক্তশিং য়াওনা ভারতকী কোবিদ-১৯ খুদক্তা থেংননবগী খোংথাংশিংগীদমক্তা বিলিয়ন $২.৭৫ তেংবাংখ্রে। অহানবা বিলিয়ন $১গী খুদক্কী ওইবা তেংবাং অসি ভারতকী হকশেলগী সেক্তরদা মতেং পাংনবগীদমক চহীসিগী এপ্রিলদা লাউথোকখি। প্রোজেক্ত অসিনা রাজ্যশিংগী ঙমখৈ লান্না খুঙ্গং অমসুং শহরগী মীওইশিংনা লাইনা ফংবা য়াবা পাক চাউবা দেলিবরী প্লেৎফোর্ম অমা য়াওনা লায়রবা অমসুং খুদোংথিবা নংবা য়াবা মীওইশিংদা শেল পীবা অমসুং চানবগী খুদোংচাবা ফংহন্নবগী অতোপ্পা বিলিয়ন $১গী প্রোজেক্ত অসিনা মে থাদা অয়াবা পীখ্রবনি।

ইন্তর্নেস্নেল বেঙ্ক ফোর রিকন্সত্রক্সন এন্দ দিবেলপমেন্ত (আই.বি.আর.দি.)দগী লৌগদৌরিবা মিলিয়ন $৭৫০গী লোন অসিগী মেচ্যুরিতীগী মতম অসি চহী ৫গী গ্রেস-পেরিয়দ য়াওনা চহী ১৯নি।

***