য়ুমলৈ-কৈরৈ মন্ত্রালয়

কেন্দ্রগী গৃহ মন্ত্রী শ্রী অমিত শাহ অমসুং ঙাকশেল মন্ত্রী শ্রী রাজনাথ সিংহনা আই.সি.য়ু. ফমুং ২৫০গা লোয়ননা ফমুং ১০০০ লৈবা সর্দার বলব ভাই পতেল কোবিদ-১৯ হোস্পিতালদা চত্তুনা য়েংশিনখ্রে


কেন্দ্রগী গৃহ মন্ত্রী শ্রী অমিত শাহ অমসুং ঙাকশেল মন্ত্রী শ্রী রাজনাথ সিংহনা দিল্লীগী মীয়ামশিংবু লুরবা মতমসিদা তেংবাংনবা লেংদনা লেপ্লি অমসুং মসিগী কোবিদ হোস্পিতাল অসিনা ৱাখল্লোন অসিবু অমুক্কা হন্না মীয়ামদা খংহনখ্রে

শ্রী অমিত শাহনা হায়খি, “ঐহাক্না দি.আর.দি.ও., তাতা অমসুং আর্মদ ফোর্সকী মেদিকেলগী মীওইশিংবু লুরবা তাঞ্জা অসিদা থোক্লক্তুনা মতেং পাংলকপগীদমক থাগৎলি”।

শ্রী অমিত শাহনা হোস্পিতালশিংগী মীওই লায়েংবা ঙম্বগী মশিং হেনগৎহন্দুনা অমসুং ফমুং মশিং হেনগৎহন্নবা অনৌবা ফেসিলিতী কয়া শেমগত্তুনা কোবিদ-১৯ থেংননা অচৌবা পথাপ অমা শেম্নবাজুন ১৪দগী মীফম কয়া অমা পাংথোকখ্রে

কোবিদ-১৯বু মায়থিবা পীনিংবগী অমসুং য়ারিবমখৈ পুন্সি য়াম্না লায়েংবা অমসুং কন্নিংবগী ইথিল উৎলদুনা হোস্পিতাল অসি শুপ্নগী নুমিৎ ১২দা শাখি

Posted On: 05 JUL 2020 7:33PM by PIB Imphal

কেন্দ্রগী গৃহ মন্ত্রী শ্রী অমিত শাহ অমসুং ঙাকশেল মন্ত্রী শ্রী রাজনাথ সিংহনা দিল্লী কন্তোনমেন্ততা লৈবা আই.সি.য়ু. ফমুং ২৫০গা লোয়ননা ফমুং ১০০০ লৈবা সর্দার বলব ভাই পতেল কোবিদ-১৯ হোস্পিতালদা চত্তুনা য়েংশিনখ্রে। মসিনা মোদী সরকারনা মীয়ামগীদমক্তা লেপ্লি হায়বদু ময়েক শেংনা তাক্লি। অসিগুম্লবা কোবিদ-১৯বু মায়থিবা পীনিংবগী অমসুং য়ারিবমখৈ পুন্সি য়াম্না লায়েংবা অমসুং কন্নিংবগী ইথিল উৎলদুনা হোস্পিতাল অসি দি.আর.দি.ও., গৃহ মন্ত্রালয়, হকশেল অমসুং য়াইফ য়ুম্বাল মন্ত্রালয়, আর্মদ ফোর্স অমসুং তাতা সন্সনা হাইনখিবগী মতুং ইন্না শুপ্নগী নুমিৎ ১২দা শাবা লোইশিনখি।

থৌরম অসিদা কেন্দ্রগী গৃহ মন্ত্রী শ্রী অমিত শাহ অমসুং ঙাকশেল মন্ত্রী শ্রী রাজনাথ সিংহনা প্রধান মন্ত্রী শ্রী নরেন্দ্র মোদীনা দিল্লীগী মীয়ামশিংবু লুরবা মতমসিদা তেংবাংনবা লেংদনা লেপ্লি অমসুং মসিগী কোবিদ হোস্পিতাল অসিনা ৱাখল্লোন অসিবু অমুক্কা হন্না মীয়ামদা খংহনখ্রে হায়খি অমসুং মহাক্না দি.আর.দি.ও., তাতা অমসুং আর্মদ ফোর্সকী মেদিকেলগী মীওইশিংবু লুরবা তাঞ্জা অসিদা থোক্লক্তুনা মতেং পাংলকপগীদমক থাগৎলি হায়না ফোংদোকখি।

থৌরম অসিদা কেন্দ্রগী হকশেল মন্ত্রী দাঃ হর্শবর্ধন, কেন্দ্রগী হোমগী স্তেৎ মন্ত্রী শ্রী জি. কিশন রেদ্দী, দিল্লীগী মুখ্য মন্ত্রী শ্রী অর্বিন্দ কেজ্রিৱাল অমসুং দি.আর.দি.ও.গী চেয়রমেন শ্রী জি. সতীশ রেদ্দীশু শরুক য়াখি।

প্রধান মন্ত্রী শ্রী নরেন্দ্র মোদীগী মখাদা কেন্দ্রগী গৃহ মন্ত্রী শ্রী অমিত শাহনা জুন ১৪দগী হৌনা দিল্লী-এন.সি.আর.দা কোবিদ-১৯ শেন্ননবা অমসুং লাকশিন্নবা মীফম কয়া অমা পাংথোক্তুনা লাক্লি। শ্রী অমিত শাহগী পাউতাক মখাদা দিল্লীগী লন্নাই হোস্পিতালশিংদা কোবিদ লায়েংবগী মমল শরুক অহুম থোকপগী অমদা হন্থহনবা, অহেনবা ফমুং ২০,০০০ পীবা, রেপিদ এন্তিজেন কিৎ শিজিন্নদুনা তেস্ত তৌবা মশিং হেনগৎহনবা, কন্তেনমেন্ত জোন নৌনা খাইদোকপা, আরোগ্য সেতু অমসুং ইথাসাপকী তেংবাংনা অনাবা মীওইশিংগী কন্তেক্ত ত্রেসিং তৌবা অমসুং এমসকী অহৈবা দাক্তরশিংনা অনাবশিংদা তেলেমেদিসিন পীবনচিংবা ৱারেপ কয়া অমা লৌখ্রবনি।

মোদী সরকারগী তেংবাংগা লোয়ননা রেকোর্দ ওইবা মতমগী মনুংদা ফমুং ১০০০ লৈবা সরদার পতেল কোবিদ হোস্পিতাল শাখি। মেদিকেল কেয়র তঙাই ফদবা অনাবা মশিং হেনগত্তুনা দিল্লীদা হৌজিক কোবিদ-১৯ কেস মশিং য়ামখৎলক্লি। দিল্লীগী কোবিদ-১৯গী অনাবশিংগী ওইনা লৈরিবা ফমুং মশিং হেনগৎপগী তঙাই ফদবগী মতাংদা গৃহ মন্ত্রালয় অমসুং এম.ও.দি.গী মরক্তা নুমিৎ ১৪নিগী মনুংদা ফমুং ১০০০ থাবা হোস্পিতাল অমা শেম্বগী মতাংদা খন্নখি। দি.আর.দি.ও. হোস্পিতাল অসিবু শানবা হায়খি।

দি.আর.দি.ও.না দিজাইন তৌবা, শেম-শাবা অমসুং ফেসিলিতী অসিবু শিজিন্নবা য়াহন্নবা ৱার ফুতিংদা থবক তৌখি। ইন্দিয়ন এয়র ফোর্সকী অয়াবা লৌরবা মতুংদা ন্যু দিল্লী দোমেস্তিক তর্মিনেল তি.১গী মনাক্তা লৈবা লম অমা শক খংদোক্তুনা জুন ২৩দগী হৌনা জি.সি.দি.এ. হেদ ক্বার্তরগা মায়োক্নবা উলান বাতোর লম্বীদা লৈবা মফমসিদা শেম শাবগী থবক হৌখি।

হোস্পিতাল অসি আর্মদ ফোর্স মেদিকেল সর্বিস (এ.এফ.এম.এস.)কী দাক্তর, নর্স অমসুং সপ্পোর্ত স্তাফকী মেদিকেল তিম অমনা চলায়গনি অমসুং ফেসিলিতী অসিনা দি.আর.দি.ও.না শেন্নগনি। অহেনবা ওইনা অনাবশিংগী ৱাখল নুংঙাইহন্নবা হায়দুনা হোস্পিতাল অসিদা দি.আর.দি.ও.না শেন্নবা অখন্নবা সাইকোলোজিকেল কাউন্সেলিং সেন্তর অমসু লৈগনি। জিলাগী লৈঙাক্লোইশিংনা হায়রকপা কোবিদ-১৯গী অনাবশিং অসি মফমসিদা শেল লৌদনা লায়েংগনি। অরুবা কেসশিংদি এমসতা থাগনি।

প্রোজেক্ত অসি তাতা সন্সনা মরু ওইনা পীরকপা শেনফম্না শেল থাদবনি। অতোপ্পা শেল পীরকপশিংদি এম./এস. বি.ই.এল., এম./এস. বি.দি.এল., এ.এম.পি.এল., শ্রী ভেঙ্কতেস্বরা ইঞ্জিনিয়রস, ব্রাহ্মোস প্রাইবেৎ লিমিতেদ, ভারত ফোর্জ অমসুং দি.আর.দি.ও.গী থৌমীশিংনা মশা য়ানা পীরকপা নোঙমগী তোলোবশিংনি।

মসিগী য়াম্না তোঙানবা সেন্ত্রেল এয়র কন্দিসন ওইবা ফেসিলিতী অসি আই.সি.য়ু.গী ফমুং ২৫০ লৈদুনা স্ক্বার মীতর ২৫০০০০গী পাক চাউবা লমদা লৈ। আই.সি.য়ু. ফমুং খুদিংমক বেন্তিলেতর অমসুং মোনিতর তৌনবা খুৎলায়শিং য়াওই। ইনফ্রাস্ত্রকচর অসি লায়না শন্দোকপা থিংনবা মওংদা নেগেতিব ইন্তর্নেল প্রেসরগা লোয়ননা শাবনি। ফেসিলিতী অসি ওক্তানোর্ম মোদ্যুলদা য়ুম্ফম ওইবা রেপিদ ফেব্রিকেসন তেক্নিক শিজিন্নদুনা শেম শাবনি।

হোস্পিতাল অসিদা তোঙানবা রেসেপ্সন অমসুং পেসেন্ত এদ্মিসন ব্লোক, ফার্মাসী অমসুং লেবোরেতরী লৈবা মেদিকেল ব্লোক, দ্যুতী তৌরিবা দাক্তর অমসুং নর্সশিংগী লৈফম, ফমুং ২৫০ লৈবা মোদ্যুলার পেসেন্ত ব্লোক মরি লৈ। চংফমশিং (কোরিদোর নেৎৱর্ক) অসি অনাবশিংনা চত্থোক চৎশিন তৌবদা দাক্তরশিং অমসুং স্তাফকী মীওইশিংগা থেংনদনবা মওংদা শেম শাই। সেনিতেসন ফেসিলিতী অমসুং তোইলেৎশিং অসি অনাবা অমসুং ফেসিলিতীগী মীওইশিংনা শিজিন্নবদা লায়নবা ব্লোক খুদিংগী মরক্তা লৈ।

অনাবগী ব্লোক অসিদা অনাবশিং অমসুং মেদিকেল কেয়র স্তাফকী ফেসিলিতীশিং য়াওদুনা সেলফ সফিসিএন্ত ওই। অনাবগী ফেসিলিতীশিংদা য়াওরিবশিং অসিদি- ফমুং খুদিংমক্কী ওক্সিজেন সপ্লাই, এক্স-রে, ই.সি.জি., হীমাতোলোজিকেল তেস্ত ফেসিলিতীশিং, বেন্তিলেতরশিং, কোবিদ তেস্ত লেব, হ্বীল চেয়র, স্ত্রেৎচর অমসুং অতোপ্পা মেদিকেলগী খুৎলায়শিংনি। মমাংগী থা ৩দা ইন্দস্ত্রীশিংনা শিজিন্নখিবা দি.আর.দি.ও.না পুথোকখিবা কোবিদ-১৯গী তেক্নোলোজী পোত্থোকশিং- বেতিলেতরশিং, দিকন্তামিনেসন তন্নেল, পি.পি.ই., এন. ৯৫ মাস্ক, কন্তেক্ত-ফ্রী সেনিতাইজর দিস্পেন্সর, সেনিতাইজেসন চেম্বরশিং অমসুং মেদিকেল রোবোৎ ত্রোল্লীশিং ফেসিলিতী অসিদা শিজিন্নগনি।

ফেসিলিতী অসি ঙাক শেন্নবা স্তাফ, সি.সি.তি.ভি. সর্বেলিএন্স অমসুং এক্সেস কন্ত্রোলগী পথাপশিংনা তেক্ত কায়দনা থমগনি। হোস্পিতাল অসিদা ইন্তিগ্রেতেদ ফায়র সেফতী অমসুং কন্ত্রোল সীস্তেম য়াওরি। থবক তৌবগী মওং দিজাইন তৌবদা অকোয়বগী, তেক্ত কায়দনবা অমসুং ফত্তবা মাংহনবগী পথাপশিংশু হাপখ্রবনি। স্তাফ, মীয়াম, এম্বুলেন্স অমসুং মৈপোক লাংপোক্কী মীওইশিংগীদমলতা অচৌবা পার্কিং তৌফম অমসু ফেসিলিতী অসিদা য়াওরি।

নুমিৎ ১২নিগী মনুংদা শাবা লোয়রবা মতুংদা ফেসিলিতী অসি জুলাই ৫, ২০২০দগী থবক তৌবা হৌখ্রে। হোস্পিতাল অসিনা থবক তৌবা হৌবদা দিল্লীদা লৈবা অহেনবা কোবিদ-১৯গী ফমুং মশিং ১১% হেনগৎহনগনি অমসুং মসিনা হৌজিক থেংনরিবা লুরবা ফিভম অসিবু মায়থিবা পীগনি।

 

*****

 



(Release ID: 1636731) Visitor Counter : 212