মহৈ-মরোংশিংবু কৌজেংনা মাংহন-তাকহনবদগী ঙাকথোকপা য়েংশিন্নবা লাকশিন্নবগী থবকশিং মখা তানা পাংথোক্লি। ঙরাং(০৪.০৫.২০২০)দগী কৌজেং লাকশিন্নবগী থবক্তা অনৌবা দাইমেন্সন অমা হাপচিনখ্রে। জীলাগী আর.দি.৬৫ বন্দাগী মফমশিংদা অহানবা ওইনা ঙাকথোক্নবগী থবক পাংথোক্তুনা বেল হেলিকোপ্তর অমনা পান্দম থম্লিবা মফমশিংদা কেমিকেল স্প্রেয়িং তৌগী মিশন অদু মপুং ফানা পাংথোকখিদুনা কৌজেং লাকশিন্নবগী কন্না হোৎনরিবশিং অদু পাকথোক-চাওথোকখ্রে।

এপ্রীল ১১, ২০২০দগী লম হেক্তর ১,৩৫,২০৭দা লোকস্ত সর্কল ওফিসর(এল.সি.ও.)শিংনা রাজস্থান, মধ্য প্রদেশ, পঞ্জাব, গুজরাত, উত্তর প্রদেশ, মহারাস্ত্র, ছতিসগর, হরিয়ানা অমসুং বিহারনচিংবা মফম হেক্তর লাক্ষ ২.৫মুক্তা কৌজেং লাকশিন্নবগী থবক পাংথোকখি। জুলাই ৩, ২০২০দা লম হেক্তর ১,১৩,২১৫.৫দা রাজ্য সরকারশিংনা রাজস্থান, মধ্য প্রদেশ, পঞ্জাব, গুজরাত, উত্তর প্রদেশ, মহারাস্ত্র, ছতিসগর, হরিয়ানা অমসুং বিহারনচিংবা মফম হেক্তর লাক্ষ ২.৫মুক্তা কৌজেং লাকশিন্নবগী থবক পাংথোকখি।

জুলাই ৩ অমসুং ৪, ২০২০গী লোন্নবা অহিংদা জৈসলমের, বার্মর, বিকানের, জোধপুর, নাগৌরগী জীলা ৬কী মফম ২৫দা অমসুং রাজস্থানগী দৌসাদা অমসুং উত্তর প্রদেশকী ঝান্সিগী মফম অনিদা এল.সি.ও.শিংনা লাকশিন্নবগী থবকশিং পাংথোকখি। মসিদা নত্তনা রাজ্যগী লৌউ-শিংউ বিভাগনা উত্তর প্রদেশকী ঝান্সিগী অমসুং মাহোবা জীলাদা অসুং রাজস্থানগী বারতপুর জীলাগী মফম অনিদা জুলাই ৩-৪, ২০২০গী লোন্নবা অহিংদা কৌজেংগী অপিকপা কাংলুপশিং অমসুং চাইথোক্তুনা লৈবশিং অদু লাকশিন্নবগী থবক পাংথোকখি।

গুজরাত, উত্তর প্রদেশ, মধ্য প্রদেশ, মহারাস্ত্র, ছতিসগর, বিহারন পঞ্জাব অমসুং হরিয়ানাদা মহৈ-মরোংশিং মাংহন-তাকহনখিবগী থোইদোকপা পাও ফংদে। অদুম ওইনমক, রাজস্থানগী মফম খরদা অপীকপা মহৈ-মরোংশিং খরা অমাং-অতা থোকহনখিবগী পাও ফংখি।

মপুং ফাদ্রিবা লৈ মচুগী কৌজেংশিং অমসুং মপুং ফারবা হঙ্গাম মপান মচুগী কৌজেংগী তীন চবুনশিং অসিনা জৈসলমের, বার্মর, বিকানের, জোধপুর, নাগৌর, দৌসা অমসুং রাজস্থানগী ভারতপুরদা অমদি উত্তর প্রদেশকী ঝান্সি অমসুং মাহোবা জীলাদা য়াম্না লৈ।

১. বেল হেলিকোপ্তরনা ইহান হানবা ওইনা কৌজেং লাকশিন্নবগী লান্থেং মায়োক্ননবা থৌরাং তৌবা @ জৈসলমের

২. কৌজেং লাকশিন্নবগী থবক পায়খৎপা ওইনা রাজস্থানগী লম্বিদা শাফু পীননবা লাকশিন্নবা গারীশিং/তীমশিংনা থুনা চংশিনবা

৩. জোধপুরগী ফালোদিদা চাইবগী থবক চত্থরিঙৈদা দ্রোন্না চেকশিন্না য়েংশিনবা

৪. রাজস্থানগী দৌসাগী লৌবুক অমদা কৌজেংশিংনা শিরগা তাদুনা লৈবগী সেক্সন অমা

অতোপ্পা ইনপুৎশিং :

• হৌজিক-হৌজিক চাইনবগী গারীগা কোন্ননা লাকশিন্নবগী তীম ৬০ থবক্তা/মথৌ তৌহন্দুনা রাজস্থান, গুজরাত, মধ্য প্রজেশ অমসুং উত্তর প্রদেশকী রাজ্যশিংদা কেন্দ্র সরকারগী পর্সোনেল ২০০দগী হেনবনা কৌজেং লাকশিন্নবগী থবক পাংথোক্লি। মখা তানা দ্রোন ১২গা কোন্ননা কম্পনি ৫না রাজস্থানগী বার্মের, জৈসলমর, বিকানের, নাগৌর অমসুং ফালোদিদা অৱাংবা উশিংদা অমসুং য়ৌবা ঙমদবা মফমশিংদা তীলহাৎ হিদাকশিং চাইদুনা কৌজেং লাকশিন্নবগী থবকশিং য়াম্না নিংথিজনা পাংথোক্লি। কৌজেং লাকশিনবগী থবক্তা দ্রোন শিজিন্নবাহানবনি।
• মে ২১, ২০২০দা এম.সি.এ.না তোঙান-তোহানবা চৎন-কাংলোনশিং অমসুং ৱাফমশিং চৎনহন্দুনা কৌজেংগী মায়োক্তা থবক পায়খৎনবগীদমক্তা লাপ্না থমদুনা পাইলোত এয়রক্রফ সিস্তেম শিজিন্ননবগীদমক সরকারগী এন্তিতীশিংদা অয়াবা পীখ্রে।
• মখা তানা জুন ২৭, ২০২০দা এম.সি.এ.না নুমিদাংগী মতমদসু কৌজেং লাকশিন্নবগী থবকশিং পাংথোকপদা কে.জি.৫০ফাওবগী ইঞ্জিন-পাৱর দ্রোনশিং অমসুং দ্রোনশিং শিজিন্ননবগী চৎন-কাংলোনশিং কোমথোক্তুনা অয়াবা পীখ্রে।
• ফুদ অমসুং এগ্রিকলচর ওর্গনাইজেসন্না কৌজেং লাকশিন্নবগী ০৩.০৭.২০২০দা অপদেত তৌরকপা স্তেতসকী কুমগী নোংনা য়ৌরক্ত্রিঙৈগী মমাংদা ইন্দো-পাকক্কী ঙমখৈরোমদা য়েনিংথাদা মরু কোকপা তীন কয়া অমা মফম হোংদুনা চৎলি, খরা অমনা ভারতকী নোংপোক্তগী অৱাংথংবা রাজ্যশিংদা মখা তানা অদুগা খরা অমনা নেপাল য়ৌনা মফম হোংই। ফোর্কাস্ত অসিদা মসিগী তীলশিং অসি মোন্সুন অসিনা হৌরকপদা জুলাইগী ময়ায়দগী অফ্রিকাগী হোর্নদগী হেনহৎলকপা য়ানা লৈরিবা ইরান অমসুং পাকিস্তান্দগী য়ৌরক্কদৌরিবা তীলশিংগা পুনশিন্ননবা রাজস্থান্দা অমুক হল্লক্কনি হায়রি। জুলাইদা মরাং কাইনা মরুম কোনফম অমসুং বেন্দশিং পৈশিনবগা লোয়ননা ভারত-পাক্কী ঙমখৈদা হান্নদগী হৌনা অঙনবগী মরুম কোকপা হৌখিদুনা অগস্তকী ময়ায়গী কালেন্দা অহানবা মরোল অমা থোকহল্লক্লগনি।
• এফ.এ.ক্যু.না খা-নোংচুপ থংবা এসিয়াগী লৈবাকশিং(অফগানিস্তান, ভারত অমসুং পাকিস্তান)গী লৈঙোইলমগী কৌজেংশিংগী মতাংদা চয়োলগী ওইনা ভর্চুএল মিতিং পাংথোকখ্রে। হৌজিকফাওবদা খা-নোংচুপ থংবা এসিয়াগী তেক্নিকেল ওফিসরশিংগী ভর্চুএল মিতিং ১৫ পাংথোকখ্রে।

*****