লাইচৎ অসিনা মীওইবগী পুন্সি অমদি মালেম পুম্বগী শেন্মিৎলোন মাঙ তাকহল্লিবসিদা, বুদ্ধগী পাউজেলনা লমজীং ওইরি, হায়না ভারতকী রাস্ত্রপতি, শ্রী রাম নাথ কোবিন্দনা হায়খ্রে‍। লোর্দ বুদ্ধনা মীয়ামদা করাম চাউবা, নুংশিনদবা, হিংসা, মীহৌ চাউবা অমদি নুংঙাইবা লম্বীগী মায়োক্তা লৈবা ৱাফমশিং থাদোক্নবা তাক্লমখি‍। অদুবু মসিগী ওন্ন-তৈনবদা মীওইবা খুন্নাইনা খন্থবা তৌদনা হান্নগুম হিংসাগী থবক চত্থরি অমদি মহৌশাগী ফীভম কায়থরক্লি‍। ঐখোয় পুম্নমক্না খঙই মদুদি কোরোনাভাইরস শন্দোকপগী চাং হন্থরক্লবা মতমদা ঐখোয়গী মাঙদা কা হেন্না শাথিরবা অইং অশা হোংলকপগী অচৌবা শীংনবা অমা তাদুনা লৈরি‍।

ৱাফমশিং অসি ইন্তরনেসনেল বুদ্ধিস্ত কনফিদরেসননা পাঙথোকপা ধর্ম চক্র নুমিৎকী থৌরমগা মরী লৈননা রাস্ত্রপতি ভবনদা ঙসি (জুলাই ৪, ২০২০) পাঙথোকখিবা ভর্চুএল থৌরম অমদা রাস্ত্রপতিনা ফোঙদোকখিবনি‍।

রাস্ত্রপতিনা হায়খিবদা ভারত অসি ধম্মগী হৌরকফম লমদমনি হায়বদা চাউথোকচবা ফাওরি‍। ভারত্তা ঐখোয়না বুদ্ধিজমবু ফজবা অচুমবগী অনৌবা মফোঙদোক অমা ওইনা লৌরি‍। লোর্দ বুদ্ধনা তাক্লমবশিং, অমদি মহাক্না মখা তানা চহী নিফু চুপ্না শন্দোক্লমবশিং অসি ইন্তেলেকচুএল লিবরেলিজম অমদি ৱাখল্লোন খেন্নবশিংবু ইকায়খুম্নবা হায়বা ভারতকী চৎনবীগা থোং মান্ননা চৎলি‍। অনৌবা মতমদা থোইদোক হেন্দোক্না ফাওখিবা ভারত মচা অনিবু – মহাত্মা গান্ধি অমসুং ববাসাহৈব অম্বেদকর – বুদ্ধগী ৱাফমশিংনা পুক্নীং থৌগৎখি অমদি লৈবাকসিগী মরাইবক শেম্লকখি‍।

রাস্ত্রপতিনা হায়খিবদা মখোয়গী তুং ইন্দুনা ঐখোয়না বুদ্ধগী ৱাফমশিং লৌশিনগদবনি অমদি মহাক্না হায়রম্বা পুকচেল চাউবগী লম্বীদা চৎনবা হোৎনগদবনি‍। মালেম অসিদা হৌজিক হৌজিক অমদি তুংগী ওইনসু অৱা-অনা কয়া থেংনবগুম তৌরি‍। পুক্নীং ৱাখলগী লায়নানা নারবা নিংথৌ অমদি মচীন চৎপা মীওই কয়ানা পুন্সিগী তমথিবা মচৎশিংদগী নান্থোক্নবা বুদ্ধগী মফমদা চঙজফম লৌখিবগী ৱারী কয়া লৈরি‍। তশেংবসু বুদ্ধনা মতিক চাদ্রবা মালেম অসিগী মরক্তা অৱা-অনাশিংদগী নান্থোক্নবা লম্বী থিবদা থাজবা থমখিবা মরম্না মহাক্কী পুন্সিনা হান্না থাজনরমবশিংদা শীংনবা অমা ওইখি‍।

রাস্ত্রপতিগী ৱারোল পানবগীদমক মসিদা নম্বীয়ু

****