ইং ২০২০গী মে ৭ তগী ১৬ ফাওবা ভর্চুএল ভেসাক অমসুং গ্লোবেল প্রেয়র ৱিক মপুং ফানা পাংথোকখ্রবা মতুংদা, ভারত সরকারগী মিনিস্ত্রি ওফ কলচরগা খুৎশম্নদুনা ইন্তর্নেস্নেল বুদ্ধিস্ত কনফেদরেসন (আই.বি.সি.)না লাক্কদৌরিবা ইঙেনগী থানিল, জুলাই ৪, ধম্মা চক্র নুমিৎ থৌরম পাংথোক্লগনি। থৌরম অসি আই.বি.সি.গী মরুওইবা কুম্মোন থৌরম ওইরগনি।

ভারতকী পুৱারিগী শাগোন্নরকলবা বুদ্ধগী মঙাল অমদি য়াকাইফম ওইখিবা, মহাক্কী ধম্মা চক্রগী য়াওল হৌরকফম অমদি মহাপরিনির্ভান ফংখ্রবা অসিবু নিংশিংবা ওইনা ভারতকী রাস্ত্রপতি, শ্রী রাম নাথ কোবিন্দনা ন্যু দিল্লীগী রাস্ত্রপতি ভৱনদগী ধম্মা চক্র নুমিৎ থৌরম হৌদোক্কনি।

কলচর মনিস্তর, শ্রী প্রহলাদ সিংহ পতেল অমসুং মনিস্তর ওফ স্তেত ফোর মাইনোরিতি এফেয়র্স, শ্রী কিরেন রিজিজুসু থৌরম হাংদোকপদা শরুক য়াগনি। নুমিৎ অসিগী মখা তাবা থৌরমশিং মহাবোধি সোসাইতি ওফ ইন্দিয়া অমদি বোধ গায়া তেম্পল মেনেজমেন্ত কমিতিনা শিন্দুনা সর্নাথকী মুলাগন্ধ কুতি বিহার অমদি বোধ গায়াগী মহাবোধি লাইশংদগী থৌরমশিং শন্দোক্কনি।

নিংথৌ শৈগৈগী মীওইশিং, বুদ্ধিস্ত সংঘগী মকোকথোংবশিং, মালেম পুম্বগী অমদি আইবিসি চেপতরশিংগী ফমনাইবা অমদি মকোকথোংবশিংগা লোয়ননা শংস্থানশিংগী মীওই কয়াসু শরুক য়াগনি।

য়াইফরবা নুমিৎ অসি ভারতকী নুমিৎকী খোংচত্তা পাবা কেলেন্দরগী মতুং ইন্না ইঙেনগী থানিলদা তাই। নুমিৎ অসি শ্রীলংকাদা এশালা পোয়া অমদি থাইলেন্দদনা অশানহা বুচা হায়না খংনৈ। নুমিৎ অসি বুদ্ধ পুর্নিমা নৎত্রগা বৈশাখকী মথংদা খ্বায়গী শেংবা নুমিৎনি।

নুমিৎ অসি বুদ্ধনা জ্ঞান ফংলবা মতুংদা ভারতকী বনারস মনাক্তা লৈবা সারনাথ হায়বা মফম অদুদা নুমিৎ অসিদা হিরন উদ্যান, ঋসিপতনদা ইঙেনগী থানিল অসিদা অহানবা ওইনা তপস্বি মহৈরোই মঙাদা (পন্চৱর্গিকা) পাউতাক পিখিববু খংনৈ। ধম্মা চক্ক- পৱত্তনসুতা (পালি) নৎত্রগা ধর্ম চক্র প্রৱর্তন সুত্র (সংকৃত) কী পাউতাক ধর্মগী অহানবা চক্রনা উংবা হৌরকপগী মিং হায়নাসু খংনৈ অমসুং শেংলবা অচুম্বা মরি অমদি অৱাংবা লম্বী নিপালবুসু তাকই।

সাধু লম্বোইবা লম্বোইবিশিংগীসু নোংজু থাগী হন্থরকপা (ৱর্সা ৱস্সা) অসিসু নুমিৎ অসিদগী হৌই। হায়রিবা অসি জুলাইদগী ওক্তোবর ফাওবা থা অহুম চুপ্না পাংথোকই, মতম অসিদা মখোয়না মরুওইনা লাইশংগী মফম অমম্মদা ধ্যান তৌদুনা লৈ। অসিগুম্বা মতম অসিদা মখোয়শিং অসিবু লে কাংলপকী মীওইশিংনা শেবা তৌই। লে কাংলুপ অসি উপোস্থা ঙাক্না চৎপা কাংবুনি হায়বদি নিয়ম নিপাল ঙাক্না চৎপা অমদি মশাগী গুরুশিংগী লমজিং-লমতাক মখাদা ধ্যান তৌবা কাংবুনি।

নুমিৎ অসিবু বুদ্ধিস্ত অমদি হিন্দুশিংনা গুরুগী মফমদা ইকাইখুম্নবা উৎপা ওইনা গুরু পুর্নিমা হায়নসু পাংথোক্নৈ।

বুদ্ধিস্তশিংগী মকোকথোংবা ওইরিবা ইন্তর্নেস্নেল বুদ্ধিস্ত কনফেদরেসন (আই.বি.সি.)না মলেমশিনবদা লৈরিবা লাইনিং-লাইশোনগী তুংইনবা কয়া অসিবু অমুক্কা হন্না অমত্তা ওইনা য়াইফরবা নুমিৎ অসি পাংথোক্নবগীদমক থৌরাং তৌরি।

হৌজিক ওইরিবা কোবিদ-১৯ লাইচৎনা মরম ওইদুনা থৌরম অসি চৎন-কাংলোন কয়াগী মতুং ইন্না বুদ্ধগী পোত্থাফম ওইরিবা শেংলবা মফম অসিদা পাংথোক্কনি। অসিদসু নত্তনা মলেমগী তোঙান-তোঙানবা লৈবাকশিংদগী থেরাভাদা অমদি মহায়ানা চৎনবি অনিমক্তা পাংথোকপা ধম্মা চক্ক পৱত্তনসুতাগী থৌরম অমদি লাইশোলগী মিৎনা উবা পাউদমসু শন্দোক্কনি।

***